ADB: తెలంగాణలోనే మొట్టమొదటిసారిగా గ్రామీణ ప్రాంతాల్లో 85, పట్టణ ప్రాంతాల్లో 25 విజయ పాల విక్రయ కేంద్రాలు మహిళా సంఘాల ద్వారా ప్రారంభిస్తున్నట్లు జిల్లా కలెక్టర్ రాజర్షిషా అన్నారు. కేంద్రాలకు విజయ సఖి పేరుతోనడుపుతున్నామన్నారు. ఆదిలాబాద్ కలెక్టరేట్ సమావేశ మందిరంలో ఏర్పాటు చేసిన కార్యక్రమంలో విజయ సఖి నమూనా ఫ్రిడ్జ్‌లను ఆయన ఆవిష్కరించారు.
SDPT: సిద్దిపేట పోలీస్ కమిషనరేట్ పరిధిలో ఈనెల 29 ఉదయం గం.6 నుంచి జనవరి 13వ తేదీ ఉదయం గం.6 వరకు సిటీ పోలీస్ యాక్ట్ అమలులో ఉంటుందని పోలీసు కమిషనర్ డా. బీ. అనురాధ శనివారం తెలిపారు. కమిషనరేట్ పరిధిలో ఎలాంటి ధర్నాలు, ర్యాలీలు, రాస్తారోకోలు, సభలు, సమావేశాలు నిర్వహించకూడదన్నారు. నిబంధనలు అతిక్రమిస్తే చట్టపరంగా చర్యలు తీసుకుంటామని హెచ్చరించారు.
NLG: ప్రకాశం బజార్ నుంచి కలెక్టరేట్ వెళ్లే రహదారి మొత్తం గుంతల మయమై ప్రమాదకరంగా మారిందని వాహనదారులు అంటున్నారు. ఇబ్బందులు పడుతున్నా మున్సిపల్ అధికారులు పట్టించుకోవడంలేదని ఆవేదన వ్యక్తం చేస్తున్నారు. రద్దీగా ఉండే రోడ్డు ఇలా ఉండడంతో తరచూ ప్రమాదాలు జరుగుతున్నాయని చెబుతున్నారు. మరమ్మతులు చేయించాలని కోరుతున్నారు.
NRML: లోకేశ్వరం మండలంలోనీ గ్రామాలను పొగమంచు కమ్మేసింది. పొగమంచు దుప్పటిలా కమ్మేసింది. ఉదయం 7 అయినా పొగ మంచు తగ్గడం లేదు. వేకువ జామునుండి నుంచే ద‌ట్టంగా పొగమంచు కురుస్తుండ‌టంతో రహదారి పై హెడ్ లైట్ల వెలుతురులో నెమ్మదిగా వాహ‌నాలు ముందుకు సాగుతున్నారు. ఉదయం పనులకు వెళ్లే వారికి ఇబ్బందిగా మారింది.
HYD: ఐసీసీ మ‌హిళ‌ల అండ‌ర్‌-19 టీ20 వ‌ర‌ల్డ్‌క‌ప్‌నకు ఎంపికైన తెలంగాణ క్రికెటర్లు జి.త్రిష, కె.ధ్రుతిలను ఉప్ప‌ల్ స్టేడియంలో HYD క్రికెట్ అసోసియేష‌న్ అధ్య‌క్షుడు అర్శ‌న‌పల్లి జ‌గ‌న్‌మోహ‌న్‌రావు సన్మానించి, అభినందించారు. ప్ర‌తిష్ఠాత్మ‌క వ‌ర‌ల్డ్‌క‌ప్ వ...
NLG: శ్రీ రేణుక ఎల్లమ్మ ఆలయం వద్ద ఏడాది కాలానికి కొబ్బరికాయలను విక్రయించే హక్కుల కోసం టెండర్‌కు బహిరంగ వేలాన్ని ఈ నెల 30న నల్గొండ ఎండోమెంట్ జిల్లా కార్యాలయంలో నిర్వహిస్తున్నట్లు ఆలయ ఈవో జల్లేపల్లి జయరామయ్య శనివారం తెలిపారు. దర్వేశీపురం శ్రీ రేణుక ఎల్లమ్మ ఆలయ ఈవో పేరిట ఏదైనా జాతీయ బ్యాంకులో డీడీని తీసి అందజేయాలన్నారు.
HYD: బొల్లారంలోని రాష్ట్రపతి నిలయంలో జనవరి 2 నుంచి ప్రేరణ పేరుతో ఉద్యాన్ ఉత్సవ్ నిర్వహించనున్నారు. వ్యవసాయ రైతు సంక్షేమ శాఖ, నేషనల్ ఇన్స్టిట్యూట్ ఆఫ్ అగ్రికల్చర్ మేనేజ్‌మెంట్, ఇండియన్ అగ్రికల్చర్ రీసెర్చ్ సహకారంతో 13వ తేదీ వరకు కొనసాగుతుంది. ఉద్యాన, వ్యవసాయ శాఖ ఆధ్వర్యంలో స్టాళ్లు ఏర్పాట్లు చేస్తున్నారు. ఉదయం 10గం.ల నుంచి 8 గంటల వరకు ప్రదర్శన ఉంటుందన్నారు.
VKB: భూమికి భూమి ఇవ్వాలని.. లేకుంటే తమ అసైన్డ్ పట్టా భూములు ఇవ్వమని రైతులు తెగేసి చెప్పారు. శనివారం పరిగి మండలం రంగాపూర్‌లో కేటాయించిన అసైన్డ్ భూమిలో ఎలాంటి ప్రభుత్వ నిర్మాణ పనులు చేయకూడదని, తమ భూములకు భూములు కేటాయిస్తేనే భూములు ఇస్తామన్నారు. తమ ప్రాణాలు పోయినా భూములు ఇవ్వమని తెలిపారు. అధికారులు ఎక్కడైనా తమకు భూములు చూపించాలని కోరారు.
SRPT: నేరేడుచర్ల మండలంలోని ముకుందాపురంలో గల 33/11కేవీ సబ్ స్టేషన్‌లో 33 కేవీ లైన్ పనులు జరుగుతున్నందున ఆదివారం ఉదయం 11 గంటల నుంచి మధ్యాహ్నం 3 గంటల వరకు విద్యుత్ సరఫరాలో అంతరాయం ఉంటుందని ట్రాన్స్‌కో నేరేడుచర్ల ఇన్‌ఛార్జ్ ఏఈ పందిరి శ్రీనివాస్ ఒక ప్రకటనలో తెలిపారు. విద్యుత్ వినియోగదారులు గమనించాలని కోరారు.
SRPT: హుజూర్‌నగర్‌లోని ఇందిరమ్మ మేడల్ కాలనీ ఫిబ్రవరి చివరి నాటికి పూర్తి అవుతుందని రాష్ట్ర హౌజింగ్ యమ్.డి.వి పి గౌతమ్ అన్నారు. హుజూర్‌నగర్‌లోని ఇందిరమ్మ మోడల్ కాలనీలో నిర్మించే సింగిల్ బెడ్ రూమ్ ఇళ్లను కలెక్టర్ తేజస్‌తో కలిసి రాష్ట్ర హౌజింగ్ యమ్‌డి వి. పి గౌతమ్ పరిశీలించారు. ఫిబ్రవరి చివరి నాటికి పూర్తి చేసి ఇండ్ల నిర్మాణం పూర్తి చేయాలన్నారు.
WGL: జిల్లా కలెక్టరేట్‌లో శనివారం జిల్లా సంక్షేమ శాఖల అధికారులు ఆర్‌సీఓలతో జిల్లా కలెక్టర్ సత్య శారద సమీక్ష సమావేశం నిర్వహించారు. ఈ సమీక్షలో జిల్లాలోని 75 సంక్షేమ గురుకులాల పాఠశాలల విద్యార్థుల విద్యాభ్యాసం అలాగే భోజన వసతులు రాష్ట్ర ప్రభుత్వం పెంచిన మెస్ ఛార్జీల తప్పనని సరిగా అమలు చేయాలి నాణ్యమైన విద్య ఆహారం అందించేలా చర్యలు తీసుకోవాలన్నారు.
NLG: న్యూ ఇయర్ వేడుకలకు నల్గొండ జిల్లాలో యువత సిద్ధమవుతున్నారు. ఫ్యామిలీ, ఫ్రెండ్స్‌తో ఎంజాయ్ చేసేందుకు ప్లాన్స్ చేస్తున్నారు. జిల్లా హైదరాబాద్‌కు సరిహద్దు కలిగి ఉండడం, శివార్లలో ఎక్కువ ఫాం హౌస్‌లు, రిసార్ట్స్ ఉండడంతో అక్కడే న్యూ ఇయర్ వేడుకలు జరుపుకునేందుకు ప్రాణాళికలు వేస్తున్నారు. కాగా జిల్లాలో బొమ్మలరామారం, బీబీనగర్ మండలాల్లో ఫాం హౌస్‌లు ఉన్నాయి.
WGL: నిర్దిష్ట గడువులోగా ఎఫ్ఎస్‌టిపి పనులు పూర్తి చేయాలని బల్దియా కమిషనర్ అశ్విని తానాజీ వాకడే అధికారులను ఆదేశించారు. వరంగల్ నగర పరిధికి సంబంధించి స్మార్ట్ సిటీ పథకంలో భాగంగా కొనసాగుతున్న పలు అభివృద్ధి పనుల పురోగతిని కమిషనర్ క్షేత్రస్థాయిలో పరిశీలించి పనుల పురోగతిని అధికారులను అడిగి తెలుసుకున్నారు.
HYD: నగరంలో మాజీ ప్రధాని మన్మోహన్ సింగ్ విగ్రహాన్ని ఏర్పాటు చేయనున్నట్లు ప్రభుత్వ వెల్లడించింది. ఈ సందర్భంగా హైదరాబాదులోని ముఖ్య కూడలి వద్ద ఆయన విగ్రహాన్ని ఏర్పాటు చేసే అవకాశం ఉన్నట్లు తెలిపింది. అలాగే ప్రభుత్వానికి సంబంధించిన పథకాలలో ఒక దానికి మన్మోహన్ సింగ్ పేరును పెట్టనున్నట్లు ప్రభుత్వం పేరుకుంది.
WNP: అనధికారిక సెలవుల్లో ఉన్న పంచాయతీ సిబ్బందిపై సస్పెన్షన్ వేటు వేయాలని జిల్లా కలెక్టర్ ఆదర్శ్ సురభి ఎంపీడీవోలను ఆదేశించారు. శనివారం ఆయన పానగల్ మండలంలోని వివిధ గ్రామాలలో ఇందిరమ్మ ఇండ్ల సర్వే తీరును పరిశీలించారు. కలెక్టర్ మాట్లాడుతూ.. విధుల్లో పాల్గొనకుండా అనధికారిక సెలవుల్లో ఉన్న పంచాయతి కార్యదర్శులపై సస్పెన్షన్ వేటు వేయాలని ఆదేశించారు.
