BDK: అశ్వాపురం మండల కేంద్రంలో మద్యం సిండికేట్ ఆగడాలు రోజురోజుకు మితిమీరి పోతున్నాయి. నిబంధనలకు విరుద్ధంగా, అధికారుల అండదండలతోనే ఈ అక్రమ వ్యాపారం సాగుతోందని స్థానికులు మండిపడుతున్నారు. ప్రధాన రహదారి పక్కన, దేవాలయం, ఆసుపత్రి వంటి సున్నిత ప్రాంతాల సమీపంలోనే సిండికేట్ ఆఫీస్ నడుస్తోంది. సంబంధిత అధికారులు స్పందించి ఈ కార్యాలయాన్ని మూసివేయాలని కోరారు.
BHNG: మోత్కూర్ మున్సిపాలిటీ కేంద్రంలో రంజాన్ వేడుకలు శనివారం ఘనంగా జరిగాయి. ఉదయం నుంచే ముస్లిం సోదరులు పట్టణంలోని ఈద్గా వద్దకు భారీగా చేరుకుని సామూహిక ప్రార్థనలు నిర్వహించారు. చిన్నలు, పెద్దలు ఒకేచోట చేరి భక్తిశ్రద్ధలతో నమాజ్ చేశారు. ఏటా ఆనవాయితీగా ఇక్కడ వేడుకలు జరుపుకుంటామని, పండుగ వేళ అందరూ ఆనందంగా గడిపామని ముస్లిం సోదరులు తెలిపారు.
KMR: బిక్కనూర్ మండల టోల్ ప్లాజా సిబ్బంది మానవత్వాన్ని చాటుకున్నారు. శనివారం తెల్లవారుజామున 44వ జాతీయ రహదారిపై హైదరాబాద్ నుంచి నాగపూర్ వెళ్తున్న డీసీఎం నుంచి నాలుగు అల్లం పేస్ట్ కాటన్లు జారిపడ్డాయి. దీనిని గమనించిన టోల్ సిబ్బంది, మరో వాహనంలో వెళ్లి లారీని వెంబడించి ఆ బాక్సులను డ్రైవర్కు భద్రంగా అందజేశారు. సిబ్బంది నిజాయితీని లారీ యజమాని అభినందించారు.
MLG: ఉపాధి హామీ పథకాన్ని ప్రజలు సద్వినియోగం చేసుకోవాలని సర్పంచ్ సలుగు సంతోష్ అన్నారు. ములుగు జిల్లాలోని దేవా నగర్ గ్రామపంచాయతీ పరిధిలో ఉపాధి హామీ కూలీలకు పే-స్లిప్పులను సర్పంచ్ అందజేశారు. పనులు చేసే వద్ద ప్రజలకు ఇబ్బందులు లేకుండా అన్ని ఏర్పాట్లు చేయాలని సిబ్బందికి సర్పంచ్ సూచనలు చేశారు.
KMM: ముస్లిం సోదర సోదరీమణులందరికీ రంజాన్ పండుగ సందర్భంగా ఇవాళ వైరా ఎమ్మెల్యే రాందాస్ నాయక్ శుభాకాంక్షలు తెలిపారు. ఈ పవిత్ర నెల క్రమశిక్షణకు, దాతృత్వానికి ప్రతీక ఎమ్మెల్యే కొనియాడారు. అల్లాహ్ ఆశీస్సులతో అందరూ ఆయురారోగ్యాలతో, సుఖసంతోషాలతో ఉండాలని ప్రార్థిస్తున్నట్లు వెల్లడించారు. పండుగను సంతోషకర వాతావరణంలో జరుపుకోవాలని అన్నారు.
BDK: ముస్లిం సోదరుల ప్రార్థన మందిరాల వద్ద అన్ని ఏర్పాట్లు చేయాలని అధికారులను ఇల్లందు ఎమ్మెల్యే కోరం కనకయ్య ఆదేశించారు. పవిత్ర రంజాన్ పర్వదినాన్ని పురస్కరించుకుని పట్టణంలోని 16వ వార్డులో గల ఈద్గాను వారు సందర్శించారు. అక్కడ ముస్లిం సోదరులు నిర్వహించే సామూహిక నమాజ్ కోసం చేసిన ఏర్పాట్లపై అధికారులను ఆరా తీశారు. అనంతరం వారితో కలిసి ప్రార్థనలు చేశారు.
BHPL: భూపాలపల్లి 10వ వార్డు అభివృద్ధి ప్రధాన లక్ష్యంగా పనిచేస్తామని కౌన్సిలర్ పుల్లూరి మంజుల మాధవరావు అన్నారు. హనుమాన్ భక్త వెల్ఫేర్ కమిటీ సభ్యులు కౌన్సిలర్ను కలిసి నేడు సన్మానించారు. అనునిత్యం ప్రజలకు అందుబాటులో ఉంటూ అర్హులైన ప్రతి ఒక్కరికి ప్రభుత్వ సంక్షేమ పథకాలను అందించేలా చర్యలు తీసుకుంటామని కౌన్సిలర్ స్పష్టం చేశారు.
NZB: ధర్పల్లి మండలంలో శనివారం ముస్లింల పవిత్రమైన రంజాన్ మాసం 2026 విజయవంతంగా పూర్తయింది. ఈ ఏడాది ఫిబ్రవరి 19న ప్రారంభమైన ఈ పవిత్ర మాసంలో ముస్లిం సోదరులు నెల రోజుల పాటు కఠిన ఉపవాస దీక్షలు (రోజా) పాటించారు. ప్రతిరోజూ సహూర్తో ఉపవాసం మొదలుపెట్టి, సాయంత్రం ఇఫ్తార్ విందులతో ముగిస్తూ ప్రత్యేక ప్రార్థనలు నిర్వహించారు.
NLG: శాలిగౌరారం వ్యవసాయ మార్కెట్ కమిటీ ఛైర్మన్ పాదూరి శంకర్ రెడ్డి రైతుల కోసం కీలక సూచనలు చేశారు. రైతులు తమ ధాన్యాన్ని కల్లాల వద్దే 17 శాతం తేమ వచ్చేలా ఆరబోసి మార్కెట్కు తీసుకురావాలన్నారు. మార్కెట్ యార్డులో స్థలం తక్కువగా ఉండటం వల్ల, యార్డులో ధాన్యం ఆరబోయడం వల్ల వందలాది మంది రైతులు ఇబ్బందులు పడుతున్నారన్నారు.
ADB: రంజాన్ పర్వదినాన్ని పురస్కరించుకొని జిల్లా కేంద్రంలోని ఈద్గా మైదానం వద్ద బందోబస్తు ప్రక్రియను జిల్లా ఎస్పీ అఖిల్ మహాజన్ శనివారం పరిశీలించారు. ఈద్గా వద్ద కట్టుదిట్టమైన బందోబస్తు ఏర్పాటు చేసినట్లు వెల్లడించారు. ట్రాఫిక్ నియంత్రణ, పార్కింగ్ ఏర్పాట్లు, ప్రజల సౌకర్యం కోసం ప్రత్యేక చర్యలు తీసుకోవడం జరిగిందన్నారు. ముస్లింలకు SP రంజాన్ పండుగ శుభాకాంక్షలు తెలియజేశారు.
JN: జనగామలో ఏప్రిల్ 5వ తేదీన నిర్వహించబోయే 10కే రన్ పోస్టర్లను సీఐ సత్యనారాయణరెడ్డి నేడు బతుకమ్మకుంటలో ఆవిష్కరించారు. 10k, 5k, 2k రన్ కార్యక్రమాల్లో యువత, జనగామ ప్రజలు అధిక సంఖ్యలో పాల్గొనాలని, ప్రతి ఒక్కరు వ్యాయామం చేస్తూ ఆరోగ్యం విషయంలో తగిన జాగ్రత్తలు తీసుకోవాలని సీఐ సూచించారు.
ADB: ఆదిలాబాద్లోని ఏటీసీలో కొత్తగా ప్రారంభించిన స్వల్పకాలిక సాంకేతిక కోర్సులకు ప్రవేశాల కోసం దరఖాస్తులు ఆహ్వానిస్తున్నట్లు ఐటీఐ ప్రిన్సిపల్ శ్రీనివాస్ తెలిపారు. ఈ నెల 23వ తేదీ నుంచి రెండో బ్యాచ్ శిక్షణ తరగతులు ప్రారంభం కానున్నాయి. మొత్తం ఆరు రకాల కోర్సుల్లో శిక్షణ అందుబాటులో ఉండగా, ప్రతి కోర్సులో 20 మందికి రెండు వారాల పాటు శిక్షణ ఇస్తామని పేర్కొన్నారు.
NRML: ఉమ్మడి జిల్లాలో అటవీ విస్తీర్ణం పర్యావరణ పరిరక్షణలో కీలక పాత్ర పోషిస్తోంది. కుమురంభీం జిల్లాలో అత్యధికంగా 1,778.26 చ.కి.మీ అటవీ విస్తీర్ణం ఉండగా, మంచిర్యాలలో 1,564.93, ఆదిలాబాద్లో 1,145.76, నిర్మల్లో 1,085.02 చ.కి.మీ ఉంది. అటవీ సంపద ప్రాంతీయ జీవ వైవిధ్యానికి, వర్షపాతం సమతుల్యతకు దోహదం చేస్తూ పర్యావరణ సమతౌల్యాన్ని కాపాడుతోంది.
NGKL: చారకొండ మండలం సిర్సనగండ్లలో సీతారామచంద్రస్వామి దేవాలయ అభివృద్ధికి రూ. 2 కోట్ల నిధులతో చేపట్టిన పనులను మంత్రి జూపల్లి కృష్ణారావు, ఎమ్మెల్యే వంశీకృష్ణ శనివారం ప్రారంభించారు. మంత్రి మాట్లాడుతూ.. ఆలయాన్ని అన్ని రంగాల్లో తీర్చిదిద్ది పర్యాటక ప్రాంతంగా మారుస్తామని హామీ ఇచ్చారు. భక్తుల సౌకర్యార్థం మరిన్ని వసతులు కల్పిస్తామన్నారు.
BDK: ఖమ్మం, భద్రాద్రి కొత్తగూడెం జిల్లాల్లోని సుమారు 8 లక్షల మంది లబ్ధిదారులకు ప్రభుత్వం ఏప్రిల్ నెలలోనే మూడు నెలల బియ్యాన్ని ఒకేసారి పంపిణీ చేయనున్నారు. ఎండల తీవ్రతను దృష్టిలో ఉంచుకుని ఉమ్మడి ఖమ్మంలోని రేషన్ కార్డుదారులకు పౌర సరఫరాల శాఖ కీలక నిర్ణయం తీసుకుంది. ఎండల వల్ల ప్రజలు ఇబ్బంది పడకుండా ఈ చర్యలు చేపట్టారు.
