SDPT: జిల్లా కేంద్రంలోని మారుతీ నగర్లో అర్ధరాత్రి ఓ ఇంట్లో అగ్నిప్రమాదం జరిగింది. ప్రమాదంలో ఒక కారు, 3 బైక్లు పూర్తిగా దగ్ధమయ్యాయి. ఘటనా స్థలానికి చేరుకున్న అగ్నిమాపక సిబ్బంది ప్రమాదానికి గల కారణాలపై ఆరా తీస్తున్నారు. కరెంట్ షార్ట్ సర్క్యూట్ వల్ల జరిగి ఉండవచ్చని అధికారులు భావిస్తున్నారు. పూర్తి వివరాలు తెలియాల్సి ఉంది.
KMM: బోనకల్లు రైల్వే స్టేషన్ సమీపంలో బుధవారం రైలు ప్రమాదంలో గుర్తు తెలియని యువకుడు ప్రాణాలు కోల్పోయాడు. రైల్వే పోలీసులు తెలిపిన వివరాలు ప్రకారం..రైల్వే ట్రాక్‌పై దాదాపు 30 సం.యువకుడు మృతిచెంది కనిపించాడు. ఖమ్మం అన్నం ఫౌండేషన్ నిర్వాహకుడు శ్రీనివాసరావు సహాయంతో మృతదేహాన్ని ఖమ్మం ప్రభుత్వ ఆస్పత్రి మార్చురికి తరలించారు. పోలీసులు ఘటనపై కేసు నమోదు చేశారు
SRCL: సర్దార్ సర్వాయి పాపన్న గౌడ్ ఆశయ సాధనకు ప్రతి ఒక్కరు పాటుపడాలని, కలెక్టర్ సందీప్ కుమార్ జా అన్నారు. కలెక్టరేట్ లో వర్ధంతి సందర్భంగా సమీకృత జిల్లా కార్యాలయాల సముదాయంలో సర్దార్ సర్వాయి పాపన్న గౌడ్ వర్ధంతి కార్యక్రమాన్ని నిర్వహించారు. సర్దార్ సర్వాయి పాపన్న గౌడ్ చిత్రపటానికి జిల్లా కలెక్టర్ సందీప్ కుమార్ ఝా నివాళులర్పించారు
MHBD: శాసనసభ్యులు డాక్టర్ భూక్యా మురళి నాయక్‌కి హనుమాన్ భక్త మండలి ఆలయ కమిటీ వారు ఈ నెల 6న నిర్వహించే శ్రీ సీతా రామచంద్ర స్వామి కళ్యాణ మహోత్సవానికి ఆహ్వాన పత్రికను అందజేశారు. ఈ సందర్భంగా కమిటీ నిర్వాహకులు బుధవారం మాట్లాడుతూ కళ్యాణ మహోత్సవానికి ఎమ్మెల్యే గారు తప్పకుండా హాజరవ్వలని ఆయనను కోరారు.
MLG: గోవిందరావుపేట మండలం చల్వాయి గ్రామంలో బుధవారం సన్న బియ్యం పంపిణీ కార్యక్రమానికి మంత్రి సీతక్క, కాంగ్రెస్ పార్టీ జిల్లా అధ్యక్షులు పైడాకుల అశోక్ రానున్నారు. ఈ సందర్భంగా వారి పర్యటనను గోవిందరావుపేట మండల, గ్రామ నాయకులు, అందరూ పాల్గొని విజయవంతం చేయాలని పార్టీ మండల అధ్యక్షుడు పాలడుగు వెంకటకృష్ణ పిలుపునిచ్చారు.
SRCL: HCU భూముల విక్రయం విరమించుకోవాలని BRSV నేత పోతు అనిల్ కుమార్ అన్నారు. మంగళవారం వేములవాడలో విలేకరులతో మాట్లాడుతూ.. హైదరాబాద్ సెంట్రల్ యూనివర్సిటీలో 400ఎకరాలు అన్యాక్రతం అవుతున్న దానికి విద్యార్థులు చేస్తున్న నిరసనను పోలీసులు అడ్డుకొని విద్యార్థుల పై దాడి చేస్తూ కనీసం మహిళలు అని కూడా చూడకుండా వారిని అరెస్టు చేశారన్నారు.
WGL: వర్ధన్నపేట బస్టాండ్ సమీపంలో గంజాయిని విక్రయించడానికి ప్రయత్నిస్తున్న ఇద్దరు వ్యక్తులను అరెస్ట్ చేసి 25 కిలోల శుద్ధి గంజాయిని పట్టుకున్నట్లు పోలీసులు తెలిపారు. వర్ధన్నపేట బస్టాండ్ సమీపంలో గంజాయి విక్రయాలు జరుగుతున్నట్లు అందిన సమాచారం మేరకు అనుమానాస్పదంగా ఉన్న ఇద్దరు యువకులను అరెస్ట్ చేసి విచారణ జరుపుతున్నట్లు పోలీసులు తెలిపారు.
WNP: సెంట్రల్ యూనివర్సిటీ HCU 400ఎకరాల భూమిని కాంగ్రెస్ ప్రభుత్వం వేలంవెయ్యడాన్ని జిల్లా బీజేపీ అధ్యక్షులు నారాయణ ఖండించారు. మంగళవారం పార్టీ ఆఫీస్‌లో ఆయన మాట్లాడుతూ.. విద్యసంస్థలను అభివృద్ధి చేయకుండా భూములను వేలంవేస్తూ విద్యావ్యవస్థను కూని చేస్తున్నారని ఆయన మండిపడ్డారు. కాంగ్రెస్ ప్రభుత్వం రాష్ట్రంలో 9వ నిజాం పరిపాలన కొనసాగిస్తుందని విమర్శించారు.
ADB: నేరడిగొండ మండలంలోని కుంటాల గ్రామంలో ప్రధానోపాధ్యాయులుగా విధులు నిర్వర్తించిన రోజా భీమ్ రావ్ పదవి విరమణ పొందారు. ఈ సందర్భంగా నిర్వహించిన పదవి విరమణ కార్యక్రమంలో ముఖ్య అతిథిగా ఎమ్మెల్యే అనిల్ జాదవ్ పాల్గొన్నారు. వారిని శాలువాతో ఘనంగా సత్కరించి పదవి విరమణ శుభాకాంక్షలు తెలియజేశారు. సమాజంలో ఉపాధ్యాయ వృత్తి కీలకమైందని అనిల్ జాదవ్ పేర్కొన్నారు.
KMR: రానున్న స్థానిక సంస్థల ఎన్నికల్లో కాంగ్రెస్ పార్టీ గెలుపే లక్ష్యంగా కార్యకర్తలు పనిచేయాలని పార్టీ జిల్లా ఇంఛార్జులు రంగనాథ్, వెంకట రామారావు అన్నారు. యూత్‌ కాంగ్రెస్ జిల్లా అధ్యక్షుడు విపుల్‌గౌడ్‌ అధ్యక్షతన ఇవాళ నగరంలోని కాంగ్రెస్ భవన్‌‌లో సమీక్షా సమావేశం నిర్వహించారు.ఈ కార్యక్రమంలో రాష్ట్ర ప్రధాన కార్యదర్శులు విక్కీ, నీహార్ ఉన్నారు.
MNCL: ఖానాపూర్ పట్టణంలో వీర హనుమాన్ విజయ యాత్ర వైభవంగా జరిగింది. మంగళవారం ఖానాపూర్ మున్సిపాలిటీ పరిధిలో బజరంగ్‌దళ్ ఆధ్వర్యంలో నిర్వహించిన కార్యక్రమంలో ఆర్మూర్ ఎమ్మెల్యే పైడి రాకేష్ రెడ్డి, ఖానాపూర్ ఎమ్మెల్యే బొజ్జు, బీజేపీ నిర్మల్ జిల్లా అధ్యక్షులు రితేష్ రాథోడ్, పాల్గొన్నారు. శ్రీరాముడు, ఆంజనేయస్వామి భారీ విగ్రహాలతో ఊరేగింపు నిర్వహించారు.
KMR: ప్రభుత్వం ప్రతిష్ఠాత్మకంగా ప్రారంభించిన రాజీవ్ యువ వికాస పథకానికి బుధవారం నుంచి ఎంపీడీవో కార్యాలయంలో దరఖాస్తు చేసుకోవాలని ఎంపీడీవో రాజ్ కిరణ్ రెడ్డి తెలిపారు. దరఖాస్తుదారులకు స్థానిక ఎంపీడీవో కార్యాలయంలోని ప్రజా పాలన కేంద్రంలో ఉచితంగా దరఖాస్తు ఫారాలను అందజేస్తామన్నారు. వచ్చిన దరఖాస్తులను ఆన్‌లైన్ చేస్తామని, దళారులను నమ్మి మోసపోవద్దన్నారు.
MBNR: పేదలకు సన్నబియ్యం ఇవ్వడం ద్వారా ప్రజా పంపిణీ వ్యవస్థలో విప్లవాత్మకమైన మార్పు ప్రారంభమైందని ఉమ్మడి మహబూబ్ నగర్ జిల్లా పరిధిలోని షాద్ నగర్ శాసనసభ్యులు వీర్లపల్లి శంకర్ అన్నారు. నియోజకవర్గ పరిధిలోని కొత్తూరు,కుందుర్గు,కేశంపేట,ఫరూక్ నగర్,చౌదరి గూడెం, నందిగామ తదితర ప్రాంతాలలో సన్నబియన్ని మంగళవారం పంపిణీ చేశారు. కార్యక్రమంలో స్థానిక నాయకులు పాల్గొన్నారు.
NZB: HCU భూముల వ్యవహారంలో ప్రభుత్వ తీరుపై నిజామాబాద్ ఎంపీ అరవింద్ ధర్మపురి ఫైర్ అయ్యారు. ఎంపీ మాట్లాడుతూ.. సీఎం రేవంత్ రెడ్డికి రియల్ ఎస్టేట్ తప్పా ఏమీ తెలియదు. అందుకే HCU భూములను వేలం వేస్తున్నారని మండిపడ్డారు. ప్రభుత్వ నిర్ణయాన్ని NSUI కూడా వ్యతిరేకిస్తోందని అన్నారు. భూముల విషయంలో రాహుల్ గాంధీ కమీషన్ తీసుకోకపోతే రేవంత్ ఆపాలని వ్యాఖ్యానించారు.
నిర్మల్: వెంగ్వాపేట్ గ్రామ శివారులోని వ్యవసాయ బావిలో గుర్తుతెలియని వ్యక్తి మృతదేహం లభ్యమైంది. గ్రామస్తుల వివరాల ప్రకారం మంగళవారం ఉదయం అటువైపు వెళ్లిన రైతులకు దుర్గంధమైన వాసన రావడంతో వ్యవసాయ బావి వైపు వెళ్లారు. అందులో వ్యక్తి మృతదేహం గుర్తించారు. సమాచారం అందుకున్న పోలీస్ సిబ్బంది విచారణ చేపట్టారు.
