HYD: జులై 4న ఎల్బీ స్టేడియంలో జరిగే జై బాపు, జై భీమ్, జై సంవిధాన్ బహిరంగ సభను విజయవంతం చేయాలని PCC వైస్ ప్రెసిడెంట్ బొంతు రామ్మోహన్, నారాయణపేట MLA పర్ణికారెడ్డి కోరారు. చేవెళ్ల MLA కాలె యాదయ్య ఆధ్వర్యంలో నిర్వహించిన సమీక్ష సమావేశంలో.. AICC అధ్యక్షుడు మల్లికార్జున ఖర్గే ముఖ్య అతిథిగా హాజరవుతారని, స్థానిక ఎన్నికల విధానాలపై చర్చిస్తారని తెలిపారు.
KMR: గాంధారి మండల కేంద్రంలోని CHCలో కంటి వైద్య శిబిరాన్ని గురువారం రోజున నిర్వహించారని ఆప్తాల్మిక్ ఆఫీసర్ డా.హరికిషన్ తెలిపారు. ఆయన మాట్లాడుతూ ప్రత్యేకించి వృద్ధులకు కంటి పరీక్షలు నిర్వహించారు. చూపు మందగించకుండా ఉండడం కోసం ప్రతిరోజు వ్యాయామం చేయడం, ఆకుకూరలు తినడం లాంటివి చేయాలని అవగాహన కల్పించారు. చూపు మందగించిన వారు అద్దాలు తీసుకోవాలని కోరారు.
MNCL: కన్నేపల్లి మండలం మెట్ పల్లి గ్రామంలో గురువారం దారుణం హత్య చోటు చేసుకుంది. వివరాల్లోకి వెళితే ముడిమడుగుల తిరుపతి అనే వ్యక్తి తన భార్య ముడిమడుగుల తులసిని (30) గొడ్డలితో నరికి హత్య చేశాడు. స్థానికుల సమాచారం మేరకు SI గంగారాం ఘటన స్థలానికి చేరుకొని దర్యాప్తు చేపట్టారు. భార్యపై అనుమానంతో చంపినట్టు పోలీసులు భావిస్తున్నారు.
MHBD: విద్యుత్ షాక్‌తో ఓ కార్మికుడు మృతి చెందిన ఘటన జిల్లా మున్సిపాలిటీ పరిధిలోని ఈదులపూసపల్లి‌లో గురువారం ఉదయం జరిగింది. విద్యుత్ సంస్థలో పనిచేస్తున్న కార్మికుడు కరుణాకర్ రెడ్డి ఈరోజు ఉదయం విద్యుత్ పనులు నిర్వహిస్తుండగా ప్రమాదవశాత్తు షాక్‌కు గురయ్యాడు. దీంతో అక్కడికక్కడే మృతి చెందాడు. పూర్తి వివరాలు తెలియాల్సి ఉంది.
WGL: మాజీ ఎమ్మెల్సీ కొండా మురళి బుధవారం ఇంఛార్జ్ మీనాక్షి నటరాజన్‌తో సమావేశం అనంతరం కీలక వ్యాఖ్యలు చేశారు. ‘ఒకరి గురించి నేను కామెంట్ చేయను. నాకు ప్రజల బలం ఉంది. ఎన్నో కేసులను ఎదుర్కొన్నా భయపడలేదు. భయం లేదని మొదటి నుంచి చెబుతున్నా. వరంగల్ స్థానిక సంస్థల ఎన్నికల్లో అన్ని స్థానాలను కాంగ్రెస్ గెలుచుకునేలా కృషి చేస్తాం’ అని ఆయన స్పష్టం చేశారు.
WNP: పట్టణంలోని పలు కాలనీలలో సమస్యలతో ప్రజలు సతమతమవుతున్నారు. మర్రికుంటలోని ఓ రెస్టారెంట్ ముందురోడ్డులో గత రెండు రోజుల నుండి కురుస్తున్న వర్షాలకు రోడ్డుపైనే వర్షపు నీరు నిలువడంతో కాలనీవాసులు ఇబ్బందులు ఎదుర్కొంటున్నారు. సంబంధిత అధికారులు స్పందించి సమస్యను పరిష్కరించాలని కాలనీకి చెందిన ఆర్టీసీ ఉద్యోగి జే.వి.స్వామి కోరారు.
MBNR: బాలానగర్ మండల కేంద్రంలో కుక్కలు రోడ్లపై స్వైర విహారం చేస్తున్నాయి. గుంపులు గుంపులుగా తిరుగుతూ ఇబ్బందులు కలిగిస్తున్నాయని గురువారం ప్రజలు వాపోయారు వృద్ధులు, విద్యార్థులు అవస్థలు పడుతున్నారు. కుక్కలు బాటసారులు, వాహనదారుల మీద దాడులు చేస్తున్నాయని ఆవేదన వ్యక్తం చేశారు. ఉన్నతాధికారులు స్పందించి కుక్కల బెడదను నివారించాలని కోరుతున్నారు.
BDK: దమ్మపేట మండలం శ్రీరాంపురం గ్రామంలో గురువారం ఎమ్మెల్యే జారే ఆదినారాయణ పర్యటించారు. ఇందిరమ్మ ఇంటి పనులను పరిశీలించారు. వారు మాట్లాడుతూ… వర్షాకాలం సమీపిస్తు ఉండడంతో నిర్మాణ పనులు త్వరగా పూర్తి చేసుకోవాలని తెలిపారు. ఇందిరమ్మ ఇంటి బిల్లులు మూడు దఫాలుగా వస్తాయని వాటిని సద్వినియోగం చేసుకోవాలని పేర్కొన్నారు. ఈ కార్యక్రమంలో మండల నాయకులు పాల్గొన్నారు.
KMM: కారేపల్లి మండలం ఉసిరికాయపల్లి సీపీఐ గ్రామ శాఖ కార్యదర్శి అమీర్ ఇటీవల ఓ రోడ్డు ప్రమాదంలో మృతి చెందాడు. స్థానిక ఎమ్మెల్యే రాందాస్ నాయక్ గురువారం ఫోన్‌లో బాధిత కుటుంబ సభ్యులుతో మాట్లాడి పరామర్శించారు. అనంతరం దశదిన కార్యక్రమానికి కావలసిన 100 కేజీల బియ్యం, సరుకులను స్థానిక నాయకుల చేతులు మీదుగా నేడు అందజేశారు.
KNR: జిల్లాలోని మహిళాభివృద్ధి, శిశుసంక్షేమ శాఖ ఆధ్వర్యంలో ఈ నెల 31 వరకు నిర్వహించనున్న ఆపరేషన్ ముస్కాన్ కార్యక్రమంపై సంబంధిత అధికారులతో జిల్లా కలెక్టర్ పమేలా సత్పతి కలెక్టరేట్‌లోని కాన్ఫరెన్స్ హాల్లో సమన్వయ సమావేశం నిర్వహించారు. కలెక్టర్ మాట్లాడుతూ.. ఆపరేషన్ ముస్కాన్‌లో భాగంగా బాలబాలికలకు పని నుంచి విముక్తి కల్పించి తల్లిదండ్రుల చెంతకు చేర్చాలని అన్నారు.
KNR: కరీంనగర్ జిల్లా రోడ్డు భద్రతా కమిటీ సమావేశం కలెక్టరేట్ కాన్ఫరెన్స్ హాల్లో నిర్వహించారు. ఈ సమావేశంలో సీపీ గౌస్ ఆలం మాట్లాడుతూ..నగరంలో అత్యాధునిక కెమెరాల సహాయంతో ట్రాఫిక్‌ను పర్యవేక్షిస్తున్నామని అన్నారు. నిబంధనలు పాటించని వాహనదారులను ఈ కెమెరాలు ఆటోమేటిక్‌గా గుర్తిస్తాయని, వాహన యజమానులపై ట్రాఫిక్ నిబంధనల ప్రకారం చర్యలు తీసుకుంటున్నామని పేర్కొన్నారు.
WGL: వ్యవసాయానికి వరంగల్ పెట్టింది పేరు. పత్తి, వరి, మిరప, మొక్కజొన్న, కూరగాయల సాగుతో ఉమ్మడి జిల్లా రైతులు మంచి లాభలు గడిస్తుంటారు. అయితే రసాయనాలు కాకుండా ప్రకృతి వ్యవసాయం చేయాలని వ్యవసాయ శాఖ అధికారులు సూచిస్తున్నారు. ఫలితంగా భూ కాలుష్యం తగ్గడం, భూసారం పెరగడంతో పాటు ఆరోగ్యంగా ఉంటామన్నారు. పెట్టుబడి తగ్గుందని, పంటకు సైతం గిట్టుబాటు ధర ఉంటుందన్నారు.
BDK: జిల్లా వైద్య ఆరోగ్యశాఖ ఆధ్వర్యంలో మంగళవారం డీఎంహెచ్‌వో కార్యాలయంలో వైద్యుల దినోత్సవాన్ని ఘనంగా నిర్వహించారు. ఈ కార్యక్రమంలో డీఎంహెచ్‌వో డాక్టర్ ఎస్. విజయలక్ష్మి ముఖ్య అతిథిగా హాజరై వైద్యులను సత్కరించారు. అనంతరం ఆమె మాట్లాడుతూ..సమాజంలో వైద్యుల సేవలు అపూర్వమైనవి, వారు నిరంతరం ప్రజాల ఆరోగ్యాన్ని కాపాడేందుకు అహర్నిశలు కృషి చేయాలని కోరారు.
KMM: రాష్ట్ర ప్రభుత్వ పథకాలను లబ్ధిదారులు సద్వినియోగం చేసుకోవాలని నేలకొండపల్లి వ్యవసాయ మార్కెట్ చైర్మన్ వెన్నపూసల సీతారాములు అన్నారు. మంగళవారం నేలకొండపల్లి మండల కాంగ్రెస్ పార్టీ కార్యాలయంలో మంత్రి పొంగులేటి సిఫార్సు మేరకు మంజూరైన సీఎంఆర్ఎఫ్ చెక్కులను లబ్ధిదారులకు పంపిణీ చేశారు. నిరుపేదల సంక్షేమానికి రాష్ట్ర ప్రభుత్వం నిరంతరం కృషి చేస్తున్నామన్నారు.
KMM: సత్తుపల్లి పట్టణంలో ఎమ్మెల్యే మట్ట రాగమయి ‘మీ ఇంటికి మీ ఎమ్మెల్యే’ కార్యక్రమానికి శ్రీకారం చుట్టారు. మంగళవారం ఎమ్మెల్యే ఇంటింటికి తిరుగుతూ రూ.3,59,000 విలువగల ముఖ్యమంత్రి సహాయనిధి చెక్కులను లబ్ధిదారులకు పంపిణీ చేశారు. అనారోగ్యంతో బాధపడే నిరుపేదలు ముఖ్యమంత్రి సహాయ నిధికి దరఖాస్తు చేసుకునే ఆర్థిక సాయం పొందాలని ఎమ్మెల్యే పేర్కొన్నారు.
