జగిత్యాల రూరల్ మండలంలోని తాటిపల్లి గ్రామ సర్పంచ్గా బొలిశెట్టి గంగారెడ్డి విజయం సాధించారు. కాంగ్రెస్ బలపరిచిన అభ్యర్థిగా తన ప్రత్యర్థులపై అత్యధిక ఓట్ల మెజారిటీతో గెలుపును కైవసం చేసుకున్నారు. తనను సర్పంచ్ గా ఎన్నుకున్నందుకు ఆయన గ్రామ ప్రజలకు ధన్యవాదాలు తెలిపారు. గ్రామ అభివృద్ధికి నిరంతరం కృషి చేస్తానన్నారు.
MDK: తూప్రాన్ మండలం ఇస్లాంపూర్ సర్పంచిగా గొల్లపల్లి సంతోష్ రెడ్డి విజయం సాధించారు. కాంగ్రెస్ బలపరిచిన అభ్యర్థి సంతోష్ రెడ్డి సమీప ప్రత్యర్థి బీములుపై 685 ఓట్ల తేడాతో గెలుపొందారు. దీంతో సర్పంచ్ అనుచరులు గ్రామంలో టపాసులు కాల్చి సంబరాలు చేసుకున్నారు. తమకు ఓటు వేసి గెలిపించిన గ్రామ ప్రజలకు వారు ధన్యవాదాలు తెలియజేశారు.
PDPL: ధర్మారం మండలం బుచ్చయ్య పల్లి గ్రామంలో ఈరోజు జరిగిన రెండో దశ పోలింగ్లో బుచ్చయ్య పల్లె సర్పంచ్ కాంగ్రెస్ బలపరిచిన నేరెళ్ల వంశీక నరేష్ గౌడ్ గెలుపొందారు. మండలంలో కాంగ్రెస్ బలపరిచిన అభ్యర్థులు గెలుచుకున్న మూడో సర్పంచ్ స్థానం ఇది. ఎన్నికలకు ముందే ఏకగ్రీవమై 2 సర్పంచ్ స్థానాలు కాంగ్రెస్ బలపరిచిన అభ్యర్థులు గెలుచుకున్నారు.
MDK: నిజాంపేట మండలం నందిగామలో బీజేపీ మద్దతుదారు ఆకుల స్వప్న 2 ఓట్ల మెజారిటీతో విజయకేతనం ఎగురవేశారు. గ్రామంలో వారి మద్దతుదారులు సంతోషం వ్యక్తం చేస్తూ సంబరాలు చేసుకున్నారు. ఈ సందర్భంగా ఆమె మాట్లాడుతూ.. నూతన పాలక వర్గం ఆధ్వర్యంలో గ్రామాన్ని అభివృద్ధి దిశగా తీసుపోతామని పేర్కొన్నారు.
MNCL: ప్రస్తుతం మార్కెట్లో విక్రయానికి వస్తున్న పత్తి ధర డిసెంబర్ 15 నుంచి రూ.50 తగ్గించనున్నట్లు బెల్లంపల్లి వ్యవసాయ మార్కెట్ కమిటీ కార్యదర్శి భాస్కర్ ఆదివారం ప్రకటన తెలిపారు. మార్కెట్ యార్డ్ వచ్చే పత్తి శాంపిల్ సేకరించి సాంకేతికంగా ల్యాబ్ పరీక్ష చేయగా పత్తిపింజ పొడవు 27.5 నుంచి 28.5MM క్వాలిటీ, మైక్రో వ్యాల్యూ 3.5 నుంచి 4.7 ఉందని పేర్కొన్నారు.
KMR: గాంధారి మండలం పొతంగల్ ఖుర్ద్ గ్రామంలో పంచాయతీ ఎన్నిక కౌంటింగ్లో ఉత్కంఠ నెలకొంది. స్వతంత్ర అభ్యర్థి బెస్త సంతోష్ ప్రత్యర్థిపై ఒక్క ఓటు తేడాతో గెలుపొందారు. సంతోష్కు 278 ఓట్లు రాగా.. అతని సమీప ప్రత్యర్థికి 277 ఓట్లు వచ్చాయి. దీంతో గ్రామంలో అతని మద్ధతుదారులు సంబరాలు జరుపుకున్నారు.
ADB: సాత్నాల మండలంలోని రామాయి గ్రామపంచాయతీ సర్పంచిగా బీజేపీ బలపరిచిన అభ్యర్థి కుంచాల మహేందర్ గెలుపొందారు. ఈ సందర్బంగా కాంగ్రెస్ పార్టీ బలపరిచిన ప్రత్యర్థి బి.రాజారెడ్డిపై 145 ఓట్ల తేడాతో విజయం సాధించారు. ఈ మేరకు ఆ పార్టీ నాయకులు, కార్యకర్తలు ఆయన్ను శుభాకాంక్షలు తెలియజేశారు. గ్రామాన్ని అభివృద్ధి దిశకు తీసుకెళ్తామని మహేందర్ పేర్కొన్నారు.
SRD: ఆందోలు మండలంలోని కౌంటింగ్ కేంద్రాలను అదనపు కలెక్టర్ చంద్రశేఖర్ ఆదివారం పరిశీలించారు. కౌంటింగ్ జరుగుతున్న తీరును అక్కడి సిబ్బందిని అడిగి తెలుసుకున్నారు. ఫలితాలు వచ్చిన వెంటనే ప్రకటించాలని ఆయన సూచించారు. రెండో పెడితే ఎన్నికలు ప్రశాంతంగా నిర్వహించిన సిబ్బందికి కృతజ్ఞతలు తెలిపారు.
మంచిర్యాల జిల్లా తాండూరు మండలం మాదారం-3 ఇంక్లెన్ గ్రామపంచాయతీ సర్పంచ్గా రెండో విడత గ్రామపంచాయతీ ఎన్నికల ఫలితాలలో కాంగ్రెస్ అభ్యర్థి చందనాల రవికుమార్ విజయం సాధించారు. సమీప ప్రత్యర్థిపై 15 ఓట్ల మెజారిటీతో గెలుపొందారు. దీంతో రవికుమార్ మద్దతుదారులు సంతోషం వ్యక్తం చేశారు. గ్రామ అభివృద్ధే ధ్యేయంగా పని చేస్తానని రవికుమార్ తెలిపారు.
NZB: కాంగ్రెస్ ప్రభుత్వం అధికారంలో ఉంటేనే గ్రామాలు అభివృద్ధి చెందుతాయని రాష్ట్ర ప్రభుత్వ ప్రధాన సలహాదారు ఎమ్మెల్యే పీ. సుదర్శన్ రెడ్డి అన్నారు. ఎడపల్లి మండల కేంద్రంలో ఇటీవల ఎన్నికైన సర్పంచులు ఉపసర్పంచులకు సన్మాన కార్యక్రమం నిర్వహించారు. గతప్రభుత్వం గ్రామాభివృద్ధిని కుంటుపరిచిందని విమర్శించారు. కాంగ్రెస్ ప్రభుత్వం పంచాయతీ వ్యవస్థను బలోపేతం చేస్తుందన్నారు.
WGL: పట్టణ కేంద్రంలోని ఇనుమాముల వ్యవసాయ మార్కెట్ 2 రోజుల విరామం అనంతరం సోమవారం ప్రారంభం కానుంది. శని, ఆదివారం వారాంతపు సెలవులు కావడంతో మార్కెట్ బంద్ ఉంది. దీంతో రేపు ప్రారంభం కానుంది. చలికాలం నేపథ్యంలో రైతులు తగు జాగ్రత్తలు పాటిస్తూ సరుకులను మార్కెట్కు తీసుకొని వచ్చి మంచి ధర పొందాలని అధికారులు సూచించారు.
SRD: గ్రామాల అభివృద్ధికి తన వంతు కృషి చేస్తానని ఎమ్మెల్యే చింత ప్రభాకర్ అన్నారు. కొండాపూర్ మండలంలో బీఆర్ఎస్ మద్దతుతో గెలిచిన సర్పంచులు ఎమ్మెల్యేను ఆదివారం కలిశారు. ఎమ్మెల్యే మాట్లాడుతూ.. సర్పంచులు ప్రజల నమ్మకాన్ని నిలబెట్టుకోవాలని చెప్పారు. ప్రజలకు అందుబాటులో ఉండి అభివృద్ధి పనులు చేపట్టాలని సూచించారు.
BDK: జిల్లాలో రెండవ విడత గ్రామపంచాయతీ ఎన్నికల పోలింగ్ ఎటువంటి అవాంఛనీయ ఘటనలు లేకుండా ప్రశాంతంగా ముగిసిందని కలెక్టర్ జితేష్ వీ.పాటిల్ ఆదివారం ఓ ప్రకటనలో తెలిపారు. ఆయన మాట్లాడుతూ.. 7 మండలాల్లో 1,96,395 మంది ఓటర్లకు గాను 1,62,323 మంది ఓటు హక్కు వినియోగించుకున్నారు. మొత్తం పోలింగ్ శాతం 82.65గా నమోదైంది అని అన్నారు.
ఆసిఫాబాద్ జిల్లా బెజ్జూర్ మండలంలోని సోమిని గ్రామ పంచాయతీ ఎన్నికలు ఆదివారం ప్రశాంతంగా ముగిశాయి. బీజేపీ బలపరచిన అభ్యర్థి పెగడపల్లి సరిత విజయం సాధించారు. ఫలితాలు వెలువడగానే ఆమె అనుచరులు ఆనందోత్సాహాలతో సంబరాలు జరుపుకున్నారు. దీంతో గ్రామంలో సందడి వాతావరణం నెలకొంది.
పెద్దపెల్లి జిల్లా ధర్మారం మండలం రామయ్యపల్లి గ్రామం సర్పంచ్ మూల మంగ గెలుపొందారు. తనను గెలిపించిన గ్రామ ప్రజలకు కృతజ్ఞతలు తెలియజేశారు. ధర్మారం మండలంలో 29 గ్రామాల్లో మూడు సర్పంచ్ స్థానాలు ఎన్నికలకు ముందే ఏకగ్రీవమైన విషయం తెలిసిందే.
