సిద్దిపేట జిల్లా హుస్నాబాద్ మండలం పరిసర ప్రాంత గ్రామాలలో మంగళవారం హోలీ వేడుకలను అంగరంగ వైభవంగా నిర్వహించారు. ఈ హోలీ వేడుకల్లో చిన్న, పెద్ద అందరు పాల్గొని రంగులు పూసుకుని హోలీ వేడుకలను జరుపుకున్నారు. కొంతమంది చిన్నారులు గోగు పువ్వుతో తయారుచేసిన రంగులు చల్లుకొని హోలీని జరుపుకున్నారు.
మెదక్ ఎంపీ రఘునందన్ రావు సికింద్రాబాద్ రైల్ నిలయంలో సౌత్ సెంట్రల్ రైల్వే జీఎం సంజయ్ కుమార్ శ్రీవాస్తవను కలిశారు. మెదక్ లోక్సభ పరిధిలోని రైల్వే అభివృద్ధి పనులు, కొత్త ప్రాజెక్టులు, ప్రయాణికుల సదుపాయాలపై సుదీర్ఘంగా చర్చించారు. ప్రస్తుతం జరుగుతున్న పనుల పురోగతిని సమీక్షించి, పెండింగ్లో ఉన్న పనులను త్వరితగతిన పూర్తి చేయాలని ఎంపీ కోరారు.
SRPT: ప్రభుత్వం 100 రోజుల ప్రజా పాలనలో భాగంగా రేపు అనంతగిరి ప్రాథమిక ఆరోగ్య కేంద్రంలో మెగా హెల్త్ క్యాంప్ నిర్వహిస్తున్నట్లు ప్రాథమిక వైద్యాధికారి డాక్టర్ ఫిరోజ్ మంగళవారం ఒక ప్రకటనలో సూచించారు. అనంతగిరి మండల ప్రజలు ఈ హెల్త్ క్యాంప్ను సద్వినియోగం చేసుకోవాలని కోరారు. క్యాంప్లో కంటి, దంత, షుగర్, బీపీ, జనరల్ మెడిసిన్ సేవలు అందుబాటులో ఉంటాయని ఆయన తెలిపారు.
WNP: రాబోయే ఎండాకాలంలో మంచినీటి సమస్య తలెత్తకుండా ప్రజలకు ఇబ్బంది కలగకుండా చూడాలని వనపర్తి మున్సిపల్ ఛైర్మన్ మాధవి తెలిపారు. మంగళవారం జిల్లాలోని మున్సిపల్ కార్యాలయం తన చాంబర్ నుండి మాట్లాడుతూ.. పైపు లీకేజీలు ఉన్న వెంటనే మరమ్మతులు చేపట్టాలన్నారు. అభివృద్ధి పనులపై అందరూ కలిసి పనులు చేసుకోవాలని ఆమె సూచించారు.
KMR: బీబీపేట మండల కేంద్రంలో ఈ నెల 8వ తేదీ (ఆదివారం) నుంచి పశువుల సంత ప్రారంభం కానుంది. గ్రామ పంచాయతీ ఆధ్వర్యంలో పెద్దమ్మ గుడి వెనుక భాగంలో ఈ సంతను ఏర్పాటు చేశారు. ఇందులో ఎడ్లు, గేదెలు, గొర్రెలు, మేకల కొనుగోలు, విక్రయాలు జరుగుతాయని పంచాయతీ వర్గాలు తెలిపాయి. బీబీపేటతో పాటు పరిసర గ్రామాల రైతులు, ప్రజలు ఈ అవకాశాన్ని సద్వినియోగం చేసుకోవాలని కోరారు.
NLG: మాడ్గులపల్లి మండలం ఆగా మోత్కూర్ గ్రామపంచాయతీ భవన నిర్మాణంలో నాణ్యతా ప్రమాణాలు పాటించడం లేదని సీపీఎం శాఖ కార్యదర్శి, 7వ వార్డు సభ్యులు బంటు నాగరాజు ఆరోపించారు. ఆయన మాట్లాడుతూ.. నూతన గ్రామపంచాయతీ భవన నిర్మాణంలో ఇసుకకు బదులు డస్ట్ వాడుతున్నారని, దీనిపై పంచాయతీ ఏఈని అడగగా తమకు సమాచారం లేదని తెలిపారని అన్నారు.
WNP: పెద్దమందడి మాజీ సింగిల్ విండో అధ్యక్షుడు అమ్మపల్లి శ్రీనివాస్ రెడ్డి ఇటీవల బ్రెయిన్ స్ట్రోక్కు గురై హైదరాబాద్లోని సిటీ న్యూరో సెంటర్ హాస్పిటల్లో చికిత్స తీసుకుంటున్నాడు. విషయం తెలుసుకున్న మాజీ మంత్రి నిరంజన్ రెడ్డి మంగళవారం పరామర్శించి కుటుంబ సభ్యులకు ధైర్యం చెప్పారు. వైద్యులతో మాట్లాడి మెరుగైన వైద్యం అందించాలన్నారు.
KNR: దుద్దెనపల్లి కేతిరి మల్లారెడ్డి బ్రిడ్జి నుంచి ఎక్లాస్పూర్ వెళ్లే కాలువలో తుంగ, చెట్లు పెరిగి సాగునీరు అందక రైతులు పడుతున్న ఇబ్బందులకు తెరపడింది. ఈ సమస్యపై సర్పంచ్ విజయ స్పందించి జేసీబీతో కాలువను శుభ్రం చేయించారు. దీంతో సాగునీటి కష్టాలు తీరాయని దుద్దెనపల్లి, ఎక్లాస్పూర్ రైతులు హర్షం వ్యక్తం చేశారు. అనంతరం మంత్రి పొన్నం ప్రభాకర్కు కృతజ్ఞతలు తెలిపారు.
WNP: అటవీ శాఖ ఆధ్వర్యంలో వరల్డ్ వైల్డ్ లైఫ్ డే సందర్భంగా నాగవరం ప్రభుత్వ బీసీ వసతిగృహంలో అవగాహన కార్యక్రమం నిర్వహించారు. విద్యార్థులకు వ్యాసరచన, ఉపన్యాసం, డ్రాయింగ్ పోటీలు నిర్వహించి విజేతలకు బహుమతులు అందజేశారు. అడవుల సంరక్షణ ద్వారా వన్యప్రాణులను ఎలా కాపాడుకోవచ్చో అధికారులు వివరించారు. ఈ కార్యక్రమంలో ఫారెస్ట్ రేంజ్ అధికారి, సంక్షేమ అధికారి ఆంజనేయులు పాల్గొన్నారు.
BDK: పినపాక మండలం తోగ్గూడెం అభయాంజనేయ స్వామి ఆలయంలో ప్రత్యేక పూజలు భక్తిశ్రద్ధలతో నిర్వహించబడ్డాయి. ఈ సందర్భంగా ఎమ్మెల్యే పాయం వెంకటేశ్వర్లు ఆలయాన్ని సందర్శించి స్వామివారి ఆశీస్సులు పొందారు. అర్చకులు పూర్ణకుంభ స్వాగతం పలికి ప్రత్యేక పూజలు చేశారు. ప్రజలందరూ శాంతి, సౌభాగ్యాలతో వర్ధిల్లాలని ఎమ్మెల్యే ఆకాంక్షించారు.
BHPL: చిట్యాల, గణపురం మండలాల్లో ఇటీవల పలు కారణాలతో మృతి చెందిన వారి కుటుంబాలను ఎమ్మెల్యే గండ్ర సత్యనారాయణ రావు పరామర్శించారు. ఈ సందర్భంగా MLA మాట్లాడుతూ.. నిరుపేద కుటుంబాలకు కాంగ్రెస్ ప్రజా ప్రభుత్వం అండగా ఉంటుందని MLA హామీ ఇచ్చారు. ఈ కార్యక్రమంలో కాంగ్రెస్ నాయకులు, కార్యకర్తలు, గ్రామస్తులు తదితరులు ఉన్నారు.
ఖమ్మం జిల్లా గిరిజన శాఖ ఆధ్వర్యంలో నిర్వహించబడుతున్న మోడల్ స్పోర్ట్స్ స్కూల్లో 5వ తరగతి ప్రవేశాలకు దరఖాస్తులు ఆహ్వానిస్తున్నట్లు ITDA PO రాహుల్ తెలిపారు. ప్రవేశాలకు ఎంపిక జిల్లా స్థాయిలో ఈ నెల 16 నుంచి 18 వరకు, అటు తుది ఎంపికలు ITDA (ఉమ్మడి జిల్లా) స్థాయిలో ఈ నెల 28 నుంచి 30 వరకు జరుగుతాయన్నారు. ఆసక్తి గల వారు ధరఖాస్తు చేసుకోవాలన్నారు.
MNCL: వన్యప్రాణులు మనిషి భవిష్యత్తుకు ఆధారమని జన్నారం అటవీశాఖ ఎఫ్ఆర్ఓ లక్ష్మీనారాయణ అన్నారు. ప్రపంచ వన్యప్రాణి దినోత్సవం సందర్భంగా మంగళవారం జన్నారం మండల కేంద్రంలోని ఎఫ్ఆర్ఓ కార్యాలయం నుండి ప్రధాన రహదారి మీదుగా భారీ బైక్ ర్యాలీ నిర్వహించారు. ఈ సందర్భంగా ఆయన మాట్లాడుతూ.. భవిష్యత్తుకు ఆధారం అడవులు, వన్యప్రాణులే అన్నారు. ఈ కార్యక్రమంలో అటవీ అధికారులు ఉన్నారు.
ADB: భీంపూర్ మండలం పిప్పలకోటిలోని పెద్దమ్మ విగ్రహాన్ని గుర్తుతెలియని వ్యక్తులు ధ్వంసం చేసినట్లు గ్రామస్తులు పోలీసులకు ఫిర్యాదు చేశారు. ఎస్సై విక్రం దర్యాప్తు చేపట్టగా, స్థానికుల వాంగ్మూలాల ఆధారంగా చిరంజీవి అనే వ్యక్తిని గుర్తించారు. విచారణలో నిందితుడు మతిస్థిమితం లేక చికిత్స పొందుతున్నట్లు వెల్లడైంది. ప్రజలు పుకార్లను నమ్మవద్దని, సమన్వయం పాటించాలన్నారు.
MHBD: కొత్తగూడ మండలం ఎంచగూడ గ్రామానికి చెందిన గుజ్జ కమలాకర్ ఇటీవల తాడ్వాయి – పస్రా రహదారిలో జరిగిన రోడ్డు ప్రమాదంలో మృతి చెందాడు. ఈ క్రమంలో 1996-97 బ్యాచ్కి చెందిన పదవ తరగతి మిత్రులు ఆ కుటుంబానికి అండగా నిలిచారు. మొత్తం రూ.55,500 సేకరించి, మంగళవారం ఆ కుటుంబానికి డబ్బు అందించి, మనోధైర్యాన్ని కల్పించారు.
