తెలంగాణలో కాంగ్రెస్ అధికారంలోకి వచ్చిన తరువాత తొలిసారిగా పొలిటికల్‌ అఫైర్స్‌ కమిటీ సమావేశం కానుంది. సోమవారం జరగబోయే ఈ సమావేశంలో సీఎం రేవంత్ రెడ్డితో పాటు మంత్రులు, ఇతర ముఖ్య నేతలు ఉంటారు. ఈ సమావేశంలో ప్రధానంగా నామినేటెడ్ పదవులు, ఎమ్మెల్సీల నియామకంపై చర్చించే అవకాశం ఉంది. ప్రభుత్వం ఏర్పడిన తర్వాత జరుగుతున్న సమావేశం కాబట్టి ముఖ్య నాయకులకు కీలక బాధ్యతలను అప్పగించేలా చర్చలు సాగనున్నాయి.
చదవండి: Konda Surekha: మంత్రిగా కొండా తొలి సంతకం
అలాగే కొత్త డీసీసీల నియామకాలపై కూడా ఈ భేటీలో చర్చలు చేపట్టనున్నారు. పార్లమెంట్ ఎన్నికలు దృష్టిలో పెట్టుకుని పార్టీ మరింత బలోపేతానికి తగిన చర్యలు చేపట్టే అవకాశం కూడా ఉంది. ఎన్నికల ముందు ఏ విధంగా పార్టీ పని చేసిందో, అలానే మరింత బలోపేతం చేసే దిశగా అడుగులు వేసేలా నాయకుల చర్చించనున్నారు. రాష్ట్రంలో 17 ఎంపీ సీట్లలో వీలైనన్ని ఎక్కువ సీట్లను హస్తగతం చేసుకునేందుకు రోడ్‌మ్యాప్ రూపకల్పనపై పీఏసీ దృష్టి సారించనుంది.
ఇది కూడా చూడండి: ‘Pushpa ’Jagadeesh: దారికి తెచ్చుకోవాలనుకుంటే … కేసులో ఇరుక్కున్నా!
ఇప్పటి వరకూ సాగిన పది రోజుల పాలన పరమైన అంశాల గురించి కూడా ఈ భేటీలో చర్చించే అవకాశం ఉంది. ప్రభుత్వ పథకాలు సరిగ్గా అమలు అవుతున్నాయో లేదో తెలుసుకోవడంతో పాటుగా ఆ పథకాల వల్ల ప్రజలకు లాభం జరగుతుందో లేదో తెలుసుకునేలా జిల్లా స్థాయిలో నాయకులను ఏర్పాటు చేసేందుకు పార్టీ వర్గాలు కీలక విషయాలను చర్చించనున్నారు. ఇకపోతే ఈ నెల 19వ తేదిన సీఎం రేవంత్ రెడ్డి ఢిల్లీ వెళ్లనున్నారు. కేబినెట్‌ విస్తరణ, నామినేటెడ్ పదవుల అంశంపై హైకమాండ్‌తో సీఎం రేవంత్ రెడ్డి చర్చించనున్నారు.
