కుర్రకారు తీసిన సినిమా ‘మేము ఫేమస్’ (Mem Famous) మంచి టాక్ తో దూసుకెళ్తోంది. వినోదాత్మకంగా తీసిన ఈ చిత్రం థియేటర్ (Theatres) లలో సందడి చేస్తోంది. ఈ సినిమాను సూపర్ స్టార్ మహేశ్ బాబు (Mahesh Babu) కూడా మెచ్చుకుని ట్వీట్ చేయడంతో ఈ సినిమాకు ప్రేక్షకులు తరలివస్తున్నారు. కాగా, యువత ఇతివృత్తంగా తెరకెక్కిన సినిమా కావడంతో యువత కోసమే ఈ సినిమా బృందం అద్భుత ప్రకటన చేసింది. ఒక పూట ఉచితంగా షో (Free Show) వేయాలని నిర్ణయించింది. ఎప్పుడు? ఎక్కడ? ఎవరికి ఉచిత షోను ప్రదర్శిస్తున్నారో తెలుసుకోండి.
చదవండి: విక్టర్ డేవిడ్ ఎవరు.. డింపుల్ హయాతి లవరా? వారిద్దరూ డేట్ లో ఉన్నారా.?
యూట్యూబ్ నటుడు సుమంత్ ప్రభాస్ (Sumanth Prabhas) హీరోగా చేస్తూనే దర్శకత్వం వహించిన సినిమా ‘మేము ఫేమస్’. ఈనెల 26వ తేదీన విడుదలై అందరి ప్రశంసలు పొందుతోంది. ప్రస్తుతం విజయోత్సవం మీద ఉన్న చిత్రబృందం విద్యార్థుల (Students) కోసం ప్రత్యేక షో వేయాలని నిర్ణయించింది. ఈ శనివారం సాయంత్రం 6 గంటలకు ఎర్రగడ్డలోని గోకుల్ థియేటర్ (Gokul Theatre)లో ఉచిత ప్రదర్శన వేస్తున్నట్లు ప్రకటించింది. అయితే ఈ సినిమా చూసేందుకు వచ్చే విద్యార్థుల తమ కళాశాల ఐడీ కార్డు లేదా ఆధార్ కార్డు చూపించాలని చిత్రబృందం తెలిపింది.
చదవండి: సమావేశానికి 9 మంది సీఎంలు డుమ్మా.. కేంద్రంపై ఆగ్రహం
మేము ఫేమస్ సినిమాను శరత్ చంద్ర, అనురాగ్ రెడ్డి, చంద్రు మనోహర్ నిర్మించగా.. సుమంత్ ప్రభాస్, మణి ఏగుర్ల, మౌర్య చౌదరి, శౌర్య, సిరి రాసి కీలక పాత్రల్లో నటించారు. యువతను ఆకట్టుకునేందుకు ఈ చిత్రబృందం ఉచిత ప్రదర్శన ఏర్పాటుచేసింది. కాగా, ఈ సినిమాకు మహేశ్ బాబుతోపాటు విజయ్ దేవరకొండ, నాని, నాగచైతన్య, రానా, అడివి శేష్, నవీన్ పోలిశెట్టి, విజయ్ ఆంథోని వంటి హీరోలతో పాటు హరీశ్ శంకర్, అనిల్ రావిపూడి వంటి దర్శకులు కూడా మద్దతుగా నిలిచారు. సినిమా ప్రమోషన్ కార్యక్రమాల్లో పాల్గొన్నారు.
చదవండి: సీఎం కేసీఆర్ మాట నిలబెట్టుకోవాలి.. మాకు ఉద్యోగాలు ఇవ్వాలి
