Komatireddy Venkatareddy: తెలంగాణలో కాంగ్రెస్ ప్రభుత్వం రావడంతో ప్రజలు సంతోషంగా ఉన్నారని మంత్రి కోమటిరెడ్డి వెంకట్‌రెడ్డి అన్నారు. ప్రజలందరికీ సంక్షేమ పథకాలు సక్రమంగా అందుతున్నాయని తెలిపారు. ఒకటో తారీఖున ఉద్యోగులకు వేతనాలు అందిస్తున్నామన్నారు. గ్రూప్-1, డీఎస్సీ నోటిఫికేషన్లు ఇచ్చామని, అభివృద్ధి కార్యక్రమాలకు ప్రణాళికలు రచిస్తున్నమని తెలిపారు రీజినల్ రింగ్ రోడ్డు నిర్మాణం విషయంలో మార్పులు, చేర్పులు కూడా ఉంటాయన్నారు.
ఇది కూడా చూడండి: Electric vehicles: ఎలక్ట్రిక్ వాహనాలతోనే అధిక కాలుష్యం
ఎవరికీ ఇబ్బంది లేకుండా దాన్ని పూర్తిచేస్తామని తెలిపారు. బీఆర్‌ఎస్ ప్రతిష్ఠ తగ్గిందని.. లోక్‌సభ ఎన్నికల్లో వాళ్లకు ఒక్క సీటు కూడా రాదన్నారు. అసెంబ్లీ సమావేశాలకు కేసీఆర్ రాలేదు. ఆ పార్టీలోని వాళ్లంతా రాజీనామా చేస్తున్నారన్నారు. రాష్ట్రంలో 13-14 స్థానాల్లో కాంగ్రెస్ పార్టీ విజయం సాధిస్తుందన్నారు. రాహుల్ గాంధీ కుటుంబం దేశం కోసం త్యాగాలు చేసింది. తెలంగాణ నుంచి ఆయన పోటీ చేస్తే ప్రజలు కచ్చితంగా గెలిపిస్తారని కోమటిరెడ్డి అన్నారు.
ఇది కూడా చూడండి: Lok Sabha: నేడు బీజేపీ లోక్‌సభ అభ్యర్థుల రెండో జాబితా విడుదల..?
