ప‌ద‌వుల‌ను గ‌డ్డి పోచ‌ల్లాగా త్య‌జించిన చ‌రిత్ర ఈ దేశంలో ఎవ‌రికైనా ఉందంటే అది కేసీఆర్, టీఆర్ఎస్ పార్టీకే ఉందని హరీశ్ రావు అన్నారు. త్యాగాల పునాదుల మీద తెలంగాణ తెచ్చిన చ‌రిత్ర ఉందన్నారు. తాము ఏదో పదవుల కోసం పాకులాడినట్లుగా సీఎం మాట్లాడుతున్నారన్నారు. అలా మాట్లాడ్డం సరికాదన్నారు. ఆ విష‌యానికి వ‌స్తే రేవంత్ రెడ్డి ఏబీవీపీలో పనిచేశాడని, టీఆర్ఎస్‌లో ప‌ని చేశాడని, తెలుగుదేశంలో కూడా ఉన్నాడని అన్నారు. ఆ సమయంలో హరీశ్ రావు, మంత్రులు మల్లు భట్టి విక్రమార్క, శ్రీధర్ బాబు మధ్య స్వల్ప వాగ్వాదం చోటు చేసుకుంది.
చదవండి: Kunamneni Sambasiva Rao: బీఆర్ఎస్ ఓడిపోవడానికి కారణం ఇదే!
అసెంబ్లీలో హరీశ్ రావు మాట్లాడుతుంటే రేవంత్ రెడ్డి ఆపివేసే ప్రయత్నం చేశారు. మిగతా ప్రతిపక్ష సభ్యులకూ మాట్లాడే అవకాశమివ్వాలన్నారు. హరీశ్ రావును మాట్లాడనీయకుండా ప్రయత్నిస్తున్నారంటూ బీఆర్ఎస్ సభ్యులు నిరసన తెలిపారు. ప్రతిపక్ష నేతగా వివరణను కేటీఆర్ ప్రారంభించారని, అలా అయితే ఆయన పూర్తి చేయవలసి ఉంటుందని, కానీ హరీశ్ రావు ఎలా మాట్లాడుతారని మంత్రి మల్లు భట్టి విక్రమార్క ప్రశ్నించారు.
చదవండి: CM Revanth: పిల్లి శాపనార్థాలకు ఉట్లు తెగిపడవు, కేటీఆర్‌పై సీఎం రేవంత్ విసుర్లు
దీనికి స్పందించిన హరీశ్ రావు.. రికార్డులు వెరిఫై చేసుకోవాలని, గతంలో తాము భట్టి విక్రమార్కకు గంటన్నర సమయం, శ్రీధర్ బాబుకు 10 నిమిషాల సమయం మాట్లాడేందుకు ఇచ్చామని తెలిపారు. ముఖ్యమంత్రి ఎంత సేపు అయినా మాట్లాడనీయండి అంటారని.. కానీ తమ గొంతు నొక్కుతున్నారని, వారి మాటలు కోటలు దాటుతున్నాయి.. కానీ చేతలు గడప దాటడం లేదన్నారు. ఇప్పుడే తమ గొంతు నొక్కితే.. రేపు తమకు న్యాయం చేస్తారంటే ఎలా నమ్మాలని హరీశ్ రావు ఘాటుగా ఫైర్ అయ్యారు.
