first foldable one plus
One Plus Open: వన్‌ప్లస్(One Plus Open) అభిమానులకు గుడ్ న్యూస్. ఫస్ట్ ఫోల్డబుల్ ఫోన్ విడుదలైంది. మరి ఈ ఫోన్ ధర ఎంత? దీని ఫీచర్లు ఏంటో తెలుసుకుందాం. పదండి.
క్వాల్‌కామ్ స్నాప్‌డ్రాగన్ 8 జెన్ 2 ప్రాసెసర్‌తో వచ్చిన ఫోల్డబుల్ ఫోన్‌కి 7.82 అంగుళాల స్క్రీన్ ఉంటుంది. వన్ ప్లస్ ఫోల్డబుల్ 16జీబీ ర్యామ్, 512 జీబీ స్టోరేజ్ వేరియంట్ ధర రూ. 1,39,999. ఎమరాల్డ్ డెస్క్, వాయేజర్ బ్లాక్ రంగుల్లో ఉంటుంది. ఇది డ్యూయల్ సిమ్ ఫోల్డబుల్ ఫోన్. 2K రిజల్యూషన్, 120Hz రిఫ్రెష్ రేట్‌‌‌తో రానుంది. ఔటర్ డిస్‌ప్లే 6.31 అంగుళాలు ఉండవచ్చని అంచనా.
ఇది కూడా చూడండి: Australia vs Pakistan: బౌలింగ్ ఎంచుకున్న పాకిస్థాన్..ఆస్ట్రేలియాను ఓడిస్తుందా?
ఆండ్రాయిడ్ ఆధారిత ఆక్సిజన్‌ ఓస్ 13.2తో వస్తోంది. లోపలి భాగంలో 7.82 అంగుళాలు, 2కే ఫ్లెక్సీ-ఫ్లుయిడ్ ఎల్‌టీపీఓ 3.0 అమోలెడ్ స్క్రీన్ ఇచ్చారు. 120Hz రిఫ్రెష్ రేట్, 240Hz టచ్ రెస్పాన్స్ రేట్, 2800 నిట్స్ పీక్ బ్రైట్‌నెస్‌తో పనిచేస్తుంది. అల్ట్రా థిన్ గ్లాస్ ప్రొటెక్షన్‌ను ఇస్తున్నట్లు కంపెనీ తెలిపింది. వెలుపలి భాగంలో 6.31 అంగుళాల 2కే ఎల్‌టీపీఓ 3.0 సూపర్ ఫ్లుయిడ్ అమోలెడ్ స్క్రీన్ ఇస్తున్నారు. ఈ తెర 10-120Hz డైనమిక్ రిఫ్రెష్ రేట్, 240Hz టచ్ రెస్పాన్స్ రేట్, 2800 నిట్స్ పీక్ బ్రైట్‌నెస్‌తో వస్తుంది. మొబైల్ వెనుక భాగంలో మూడు కెమెరాలతో సెటప్ ఉంంది. 48 మెగాపిక్సెల్ ప్రధాన కెమెరాతోపాటు 1/1.43 అంగుళాల సోనీ LYT-T808 సీఎంఓఎస్ సెన్సార్, F/1.7 aperture ఉంది. 64 మెగాపిక్సెల్ టెలిఫొటో కెమెరా ఉంది. సెల్ఫీల కోసం లోపలి స్క్రీన్‌పై 20 మెగాపిక్సెల్, బయటి స్క్రీన్‌పై 32 మెగాపిక్సెల్ కెమెరాలు ఉన్నాయి.
ఇది కూడా చూడండి: Joe Biden: హమాస్, రష్యా ఎజెండా ఒకటే
5జీ, 4జీ, వైఫై 7, బ్లూటూత్ 5.3, జీపీఎస్, ఎన్‌ఎఫ్‌సీ, GLONASS, గెలీలియో, క్యూజెడ్‌ఎస్‌ఎస్, యూఎస్‌బీ 3.1 వంటి కనెక్టివిటీ ఫీచర్లు ఉన్నాయి. యాక్సెలరోమీటర్, గైరోస్కోప్, ప్రాగ్జిమిటీ సెన్సార్, సెన్సార్ కోర్, ఈ-కంపాస్, ఫ్లిక్ డిటెక్ట్ సెన్సర్, అండర్ స్క్రీన్ యాంబియెంట్ లైట్ సెన్సార్ వంటి సెన్సర్లు ఉన్నాయి. సూపర్ ఛార్జింగ్ సపోర్ట్‌తో డ్యుయల్ 4.800mAh బ్యాటరీ ఉంది. వన్‌ప్లస్ అధికారిక వెబ్‌సైట్, అమెజాన్‌ పోర్టల్‌లలో లభిస్తోంది. ప్రీ ఆర్డర్లు స్టార్ట్ అయ్యాయి. అక్టోబర్ 27వ తేదీ నుంచి కొనుగోలు చేసుకోవచ్చు. ఎంపిక చేసిన ఫోన్లపై రూ.8000 వరకు ఎక్స్ఛేంజ్ ఉంది. ఐసీఐసీఐ బ్యాంకు కార్డు, వన్ కార్డు ద్వారా మరో రూ.5000 డిస్కౌంట్ లభిస్తుందని కంపెనీ తెలిపింది.
ఇది కూడా చూడండి: Tiger nageswara rao: టైగర్ నాగేశ్వరరావు మూవీ రివ్యూ
