టీమిండియా యువ క్రికెటర్ శుభమన్ గిల్ మరోసారి వార్తల్లోకి ఎక్కాడు. అయితే.. క్రికెట్ గురించి అయితే కాదు. గిల్… సచిన్ టెండుల్కర్ కుమార్తె సారా తో డేటింగ్ లో ఉన్నారని అందరికీ తెలిసిందే. అయితే… ఇప్పుడు గిల్.. సారా టెండుల్కర్ తో కాకుండా… బాలీవుడ్ బ్యూటీ సారా అలీఖాన్ తో డేటింగ్ మొదలుపెట్టడం గమనార్హం.
దుబాయిలో సారా అలీఖాన్ తో.. శుభమన్ గిల్ డిన్నర్ చేస్తున్న ఫోటోలు ఇప్పుడు నెట్టింట వైరల్ గా మారాయి. వారిద్దరూ డిన్నర్ చేస్తుండగా.. కొందరు గమనించి వారిని ఫోటోలు తీశారు. ఇంకెముంది నెక్ట్స్ మినిట్.. అవి నెట్టింట ప్రత్యక్షమయ్యాయి. ఆ వెంటనే వైరల్ గా మారాయి. ఆ ఫోటోలు చూసి కొందరు షాకయ్యారు కూడా..
శుభమన్ గిల్.. సారా టెండుల్కర్ ని వదిలేసి సారా అలీఖాన్ తో డేటింగ్ మొదలుపెట్టాడా అని కొందరు కామెంట్స్ చేస్తున్నారు. ఇక మీమర్స్ అయితే.. గిల్ ని మామూలుగా రోస్ట్ చేయడం లేదు. టెండుల్కర్ అయితే ఏంటీ.. ఖాన్ అయితే ఏంటి..? సారా పేరు కామనే గా అంటూ మీమ్స్ క్రియేట్ చేసి నెట్టింట షేర్ చేస్తున్నారు.
ఇదిలా ఉండగా.. ఇటీవలే సారా టెండుల్కర్ తో గిల్ కి బ్రేకప్ అయ్యిందనే వార్తలు కూడా వచ్చాయి. వీరిద్దరూ సోషల్ మీడియాలో ఒకరిని మరొకరు అన్ ఫాలో చేసుకోవడం గమనార్హం. దీంతో.. ఈ సారా తో బ్రేకప్ కాగానే.. ఆ సారాతో డేటింగ్ మొదలుపెట్టేశాడంటూ నెటిజన్లు కామెంట్స్ చేస్తున్నారు. మరి ఈ వార్తలపైన అయినా గిల్ స్పందిస్తాడేమో చూడాలి.
