ఆసియా కప్ గెలిచిన తర్వాత టీమిండియా మరింత జోష్ మీదుంది. ఈ తరుణంలోనే ఆస్ట్రేలియాతో వన్డే సిరీస్‌లో ఆడనుంది. ఈ మూడు మ్యాచుల వన్డే సిరీస్‌కు బీసీసీఐ భారత జట్టును ప్రకటించింది. మొదటి రెండు మ్యాచుల్లో రోహిత్ శర్మ, విరాట్ కోహ్లి, హార్దిక్ పాండ్యలకు రెస్ట్ ఇచ్చింది. అలాగే బంగ్లాదేశ్‌తో జరిగిన మ్యాచ్‌లో గాయపడిన అక్షర పటేల్‌ను బీసీసీఐ పక్కన పెట్టింది. ఆ స్థానంలో స్పిన్నర్ రవిచంద్రన్ అశ్విన్‌ను రంగంలోకి దింపనుంది.
చదవండి: Asia Cup గెలిచిన టీమిండియా.. లంకపై జయభేరీ
రోహిత్ శర్మకు విశ్రాంతి ఇవ్వడంతో మొదటి రెండు మ్యాచులకు కెప్టెన్‌గా కేఎల్ రాహుల్ వ్యవహరించనున్నారు. హైదరాబాదీ క్రికెటర్ తిలక్ వర్మకు తొలి వన్డేలో చోటు లభించింది. మూడో వన్డేకు రోహిత్, కోహ్లీ, హార్దిక్ పాండ్యాలు టీమ్‌తో కలవనున్నట్లు బీసీసీఐ తెలిపింది.
చదవండి: COBRA Commandos: జమ్మూకశ్మీర్‌లో తొలిసారి అడుగుపెడుతోన్న కోబ్రా యూనిట్..ప్రత్యేకతలివే
మొదటి రెండు వ‌న్డేల‌కు భారత జ‌ట్టు:
కేఎల్ రాహుల్ (కెప్టెన్), రవీంద్ర జడేజా (వైస్ కెప్టెన్), రుతురాజ్ గైక్వాడ్, శుభమన్ గిల్, శ్రేయాస్ అయ్యర్, సూర్యకుమార్ యాదవ్, తిలక్ వర్మ, ఇషాన్ కిషన్ (వికెట్ కీపర్), శార్దూల్ ఠాకూర్, వాషింగ్టన్ సుందర్, రవిచంద్రన్ అశ్విన్, జస్ప్రీత్ బుమ్రా, షమీ, సిరాజ్, ప్రసిద్ధ్ కృష్ణ
మూడో వన్డేకు భారత జ‌ట్టు:
రోహిత్ శర్మ (కెప్టెన్), హార్దిక్ పాండ్యా (వైస్ కెప్టెన్), శుభమన్ గిల్, విరాట్ కోహ్లీ, శ్రేయస్ అయ్యర్, సూర్యకుమార్ యాదవ్, కేఎల్ రాహుల్ (వికెట్ కీపర్), ఇషాన్ కిషన్ (వికెట్ కీపర్), రవీంద్ర జడేజా, శార్దూల్ ఠాకూర్, అక్షర్ పటేల్, వాషింగ్టన్ సుందర్, కుల్దీప్ యాదవ్, రవిచంద్రన్ అశ్విన్, జస్ప్రీత్ బుమ్రా, షమీ, సిరాజ్
షెడ్యూల్:
మొదటి వన్డే మ్యాచ్ సెప్టెంబర్ 22న మొహాలీ స్టేడియంలో జరగనుంది. రెండో వన్డే సెప్టెంబర్ 24న ఇండోర్‌ స్టేడియంలో జరగనుంది. మూడో వన్డే మ్యాచ్ సెప్టెంబర్ 27న రాజ్‌కోట్‌ క్రీడా మైదానంలో నిర్వహించనున్నారు.
