Jana reddy
Jana Reddy: తెలంగాణ అసెంబ్లీ ఎన్నికల్లో ప్రధాన పార్టీల ప్రచార వేగం పెరిగింది. వయోజనులను ఇంప్రెస్ చేసేందుకు అభ్యర్థులు పాట్లు పడుతున్నారు. కాంగ్రెస్ పార్టీ ఫస్ట్ లిస్ట్ రిలీజ్ చేసింది. దానిపై కొన్ని చోట్ల ఆందోళనలు జరుగుతున్నాయి. ఆ పార్టీలో సీఎం పదవీపై జోరుగా చర్చ జరుగుతోంది. పైకి ఎవరూ చెప్పకున్నా.. లోన మాత్రం ఎవరీ లాబీయింగ్ వారిదే.. ఇదే విషయాన్ని సీనియర్ నేత జానారెడ్డి కుండబద్దలు కొట్టారు.
సీఎం పదవీపై జానా రెడ్డి ఆసక్తికర వ్యాఖ్యలు చేశారు. పదవుల రేసులో తాను లేనని.. పదవులే తన వద్దకు వస్తాయని అన్నారు. ప్రజల హృదయాల్లో తాను సీఎం కావాలని ఉందని హాట్ కామెంట్స్ చేశారు. ఇప్పటివరకు తాను ఏ పదవీ కోరుకోలేదని గుర్తుచేశారు. పీవీ నర్సింహారావు ప్రధానమంత్రి ఎలా అయ్యారో.. తాను కూడా అలానే సీఎం కావచ్చని జానా రెడ్డి అభిప్రాయ పడ్డా రు. తనకు ఏ పదవి వచ్చిన కాదనేది లేదు. ఏ ముఖ్యమంత్రి చేయని శాఖలు నిర్వర్తించానని వివరించారు. 21 ఏళ్లకే రాజకీయాల్లోకి వచ్చానని. 36 ఏళ్లకే మంత్రి అయ్యానని గుర్తుచేశారు. 55 ఏళ్ల రాజకీయ అనుభవం ఉందని.. ఏ పదవులైనా వాటంతటవే వస్తాయి’ అని జానా రెడ్డి ఇంట్రెస్టింగ్ కామెంట్స్ చేశారు.
ఇది కూడా చూడండి: Horoscopetoday : నేటి రాశిఫలాలు(October18th 2023).. శుభవార్త వింటారు
ఆరు నెలల్లో సీఎం పదవి వచ్చే అవకాశం ఉంటే తన కొడుకు రాజీనామా చేస్తాడని, తాను పోటీ చేసి గెలుస్తానని జానా రెడ్డి అన్నారు. ఎలక్షన్లు రావడంతో బీఆర్ఎస్ పార్టీ విచ్చలవిడిగా డబ్బులు పంపిణీ చేస్తోందని ఆరోపించారు. సీఎం కేసీఆర్ తన మాటలతో రాజకీయం చేస్తున్నారు. కాంగ్రెస్ పార్టీని విమర్శించే అర్హత బీఆర్ఎస్ పార్టీకి లేదన్నారు. ప్రజలు కాంగ్రెస్ మేనిఫెస్టోను నమ్ముతున్నారని తెలిపారు.
ఇది కూడా చూడండి: Blast : గాజాలో దారుణం.. ఆసుపత్రిలో పేలుడు 500 మంది దుర్మరణం
