Rohit Sharma మంచి కెప్టెనే, కానీ..యువరాజ్ సింగ్ హాట్ కామెంట్స్

టీమిండియా పై మాజీ ఆల్‌రౌండర్ యువరాజ్ సింగ్ (Yuvraj Singh) సంచలన వ్యాఖ్యలు చేశారు.భారత జట్టు కెప్టెన్ రోహిత్ శర్మ మంచి సారథి అయిన అతని వల్ల వరల్డ్ కప్ గెలవలేమని, అందుకు ఇతర ఆటగాళ్లు, అనుభవజ్ఞులైన సీనియర్లు కూడా సహకరించాలని అన్నాడు. 2‌011 వన్డే వరల్డ్ కప్ (World Cup) గెలిచినప్పుడు ధోనికి సీనియర్లు, అద్భుతమైన ఆటగాళ్లు దొరికారని వ్యాఖ్యానించాడు.ఓ క్రీడా జర్నలిస్టుతో జరిగిన ఆన్‌లైన్ వీడియో కాన్ఫరెన్స్‌లో యువీ మాట్లాడుతూ.. ‘రోహిత్ మంచి కెప్టెనే. అందులో సందేహం లేదు. కానీ అతడికి మంచి జట్టు కూడా కావాలి. ఎంఎస్ ధోని (MS Dhoni) కూడా గొప్ప మంచి సారథే. కానీ అతడికి మంచి టీమ్ దొరికింది.

చదవండి : ఆడ రోబోలను భవిష్యత్తులో సెక్స్ అవసరాలకు వాడుతారా?

అనుభవజ్ఞులైన ఆటగాళ్లు దొరికారు. అందరూ అతడికి సహకారం అందించడం వల్లే వరల్డ్ కప్ కల సాకారమైంది’ అని వెల్లడించారు.ఐపీఎల్‌(IPL)లో ముంబై ఇండియన్స్‌ను విజయవంతంగా నడిపించిన రోహిత్.. ప్రపంచకప్‌లో కూడా దానిని కొనసాగిస్తాడని యువీ ఆశాభావం వ్యక్తం చేశాడు. ‘రోహిత్ శర్మ (Rohit Sharma) ఐపీఎల్‌లో ముంబై ఇండియన్స్‌(Mumbai Indians)ను విజయవంతంగా నడిపించాడు. ఒత్తిడిలో కూల్‌గా ఉండటం అతడికి ఉన్న గొప్ప లక్షణం. అతడికి మంచి టీమ్‌, అనుభవం కలిగిన ఆటగాళ్లను ఇస్తే వాళ్లతో అతడు అద్భుతాలు చేయగలడు..’అని అన్నాడు. వన్డే వరల్డ్ కప్‌లో ఆడేందుకు గాను భారత్ ఈ ఏడాది జనవరిలోనే 20 మంది ఆటగాళ్లతో కూడిన కోర్ గ్రూప్‌ను ఏర్పాటుచేసిన విషయం తెలిసిందే.

చదవండి : శతాబ్దాలుగా దాతల లిస్ట్‌లో మొదటి స్థానం భారతీయుడిదే..చరిత్రపుటల్లో దాగిన నిజం!

కానీ ఈ టీమ్‌లో కెఎల్ రాహుల్ (KL Rahul), శ్రేయాస్ అయ్యర్ వంటి ఆటగాళ్లు ఇంకా గాయంతో పూర్తిస్థాయిలో కోలుకోలేదు. బుమ్రా ఫిట్ అయి ఐర్లాండ్‌తో సిరీస్‌కు ఎంపికైనా అతడు ఏ మేరకు రాణించగలడు..? అన్నది తేలాల్సి ఉంది. వికెట్ కీపర్ రిషభ్ పంత్ (Rishabh Pant) రోడ్డు ప్రమాదానికి గురై ఇప్పుడిప్పుడే నడవడం స్టార్ట్ చేశాడు. ప్రస్తుతం ఉన్న జట్టులో కూడా మిడిలార్డర్‌లో అంతో ఇంతో అనుభవం కలిగిన సూర్యకుమార్ యాదవ్, సంజూ శాంసన్ (Sanju Samson) కూడా విఫలమవుతున్నారు. ఇన్ని ఒడిదొడుకుల మధ్య స్వదేశంలో భారత జట్టు ఏ మేరకు సక్సెస్ అవుతుందనేది ఆసక్తికరంగా మారింది.

చదవండి : Rashmika: రష్మికకు మరో బంపర్ ఆఫర్?