నందమూరి బాలకృష్ణ, పవర్ స్టార్ పవన్ కళ్యాణ్.. ఇటు సినిమాతో పాటు రాజకీయంగా ఎప్పుడు హాట్ టాపికే. అలాంటి ఈ ఇద్దరు టాక్ షో చేస్తే ఎలా ఉంటుందో ఊహించుకోవచ్చు. అయితే ఇప్పుడదే జరగబోతోంది. మరి అన్‌స్టాపబుల్ సెకండ్ సీజన్‌కు పవన్-త్రివిక్రమ్(trivikram) ఎప్పుడు రాబోతున్నారు. రీసెంట్‌గా మొదలైన అన్ స్టాపబుల్ 2 (Unstoppable 2) ఫస్ట్ ఎపిసోడ్‌లో నారా చంద్రబాబు నాయుడు.. లోకేష్ ముఖ్య అతిథులుగా వచ్చారు. దాంతో అటు రాజకీయ వర్గాలతో పాటు సినీ వర్గాల్లో ఈ టాక్ షో హైలెట్‌గా నిలిచింది.
ఇక రెండో ఎపిసోడ్‌లో యంగ్ హీరోలు విశ్వక్ సేన్, సిద్ధూ జొన్నలగడ్డతో పాటు నిర్మాత నాగవంశీ గెస్ట్‌గా వచ్చారు. తాజాగా రిలీజ్ అయిన ఈ ఎపిసోడ్ ప్రోమోలో.. త్రివిక్రమ్‌కి ఫోన్ చేసి అన్ స్టాపబుల్‌కి ఎప్పుడొస్తున్నారని అడగారు బాలయ్య. దానికి ఎప్పుడంటే అప్పుడే రెడీ అన్నాడు త్రివిక్రమ్. అయితే బాలయ్య ఎవరితో రావాలో తెలుసు కదా.. అని అనడంతో.. త్రివిక్రమ్‌ను పవన్‌తో కలిసి రావాలని చెప్పకనే చెప్పేశారు బాలయ్య. దాంతో పవన్(Pawan kalyan) అన్‌స్టాపుబుల్ ఎంట్రీ దాదాపుగా ఖాయమైనట్టే. అయితే పవన్ ఈ షోకు ఎప్పుడుస్తారనే చర్చ జరుగుతోంది.
ఈ నేపథ్యంలో.. ఫస్ట్ సీజన్‌ను మహేష్ బాబుతో ఫినిషింగ్ టచ్ ఇచ్చిన ఆహా.. సెకండ్ సీజన్‌ను పవన్ కళ్యాణ్‌తో ముగింపు ఇచ్చే ఆలోచనలో ఉందట. పవన్ కూడా ప్రస్తుత పరిస్థితుల్లో వచ్చేలా కనిపించడం లేదు. అందుకే అన్ స్టాపబుల్ ఫైనల్ ఎపిసోడ్ పవన్‌తో ఉండే ఛాన్స్ ఉందంటున్నారు. అయితే పవన్-బాలయ్య ఎపిసోడ్ ఎప్పుడొస్తుందో తెలియదు గానీ.. ఎప్పుడొచ్చినా ఈ సీజన్లో ఆ ఎపిసోడ్ హైలెట్‌గా నిలవనుందని చెప్పొచ్చు.
ఇది కూడా చూడండి: త్రివిక్రమ్(Trivikram) కథతో విజయ్ దేవరకొండ(Vijay Deverakonda)!?
