SRD: సిర్గాపూర్ మండలం వంగదాల్కు చెందిన సుభాష్ (35) సూసైడ్ చేసుకున్నాడని ఎస్సై మహేష్ నేడు తెలిపారు. సుభాష్ తన సోదరుడు ఇంట్లో ఉంటున్నాడు. ఇంటి నిర్మాణం కోసం సోదరుడు ఇంట్లో ఉంచిన డబ్బు, బంగారం కనిపించలేదు. ఈ నేరం తనపైనే వస్తుందని అనుమానంతో సుభాష్ గ్రామ శివారులో ఉరేసుకొని ఆత్మహత్య చేసుకున్నాడు. ఆయన భార్య భారతి ఫిర్యాదు మేరకు కేసు నమోదు చేశామన్నారు.
GDWL: ప్రభుత్వ సంక్షేమ పథకాలను ప్రజలు సద్వినియోగం చేసుకోవాలని అలంపూర్ ఎమ్మెల్యే విజయుడు సూచించారు. శనివారం ఆయన ఇటిక్యాల మండలం వావిలాలకు నిన్న లిఖిత ఆపరేషన్ కోసం కుటుంబ సభ్యులకు రూ.5 లక్షల విలువగల LOC ను అందజేశారు. అనంతరం ఆయన మాట్లాడుతూ.. అలంపూర్ నియోజకవర్గ ప్రజల సంక్షేమం కొరకు నిరంతరం కృషి చేస్తామని ఆయన అన్నారు.
KMM: వెలుగుమట్ల భూదాన్ భూముల నిర్వాసితుల సర్వేలో విస్తుపోయే విషయాలు వెలుగులోకి వచ్చాయి. ఇందిరమ్మ ఇళ్ల కేటాయింపు కోసం కలెక్టర్ అనుదీప్ ఆధ్వర్యంలో 22 మంది తహశీల్దార్లు విచారణ చేపట్టారు. మొత్తం 600 మందిలో కేవలం 180 మందే స్థానికులు కాగా, మిగిలిన 420 కుటుంబాలు కొంతమంది ఇతర జిల్లాలు, మరికొంత మంది ఏపీకి చెందినవారని తేలింది.
ADB: జంధాపూర్ గ్రామ ప్రజల చిరకాల కోరికైన స్పీడ్ బ్రేకర్ల ఏర్పాటుపై జిల్లా కలెక్టర్ రాజర్షి షాకు వినతిపత్రం సమర్పించారు. గ్రామ ప్రధాన రహదారిపై వాహనాలు అతివేగంగా వెళ్తుండటంతో తరచూ ప్రమాదాలు జరుగుతున్నాయని, ప్రజలు భయాందోళనలకు గురవుతున్నారని కలెక్టర్ దృష్టికి తీసుకెళ్లారు. వెంటనే స్పందించి వేగ నియంత్రకాలు ఏర్పాటు చేసి ప్రాణనష్టం జరగకుండా చూడాలన్నారు.
HYD: తార్నాక, నారాయణగూడ ప్రాంతాల్లో న్యాచురల్ గ్యాస్ కోసం కార్ల క్యూ లైన్లు కనిపించాయి. సీఎన్జీ బంకుల వద్ద వాహనదారులు గంటల తరబడి వేచి ఉండాల్సి వచ్చింది. సరఫరా లోపం కారణంగా వాహనాలు పెద్ద ఎత్తున వరుసగా నిలిచిపోయాయి. ఉద్యోగాలు, కార్యాలయాలకు వెళ్లే వారికి తీవ్ర ఇబ్బందులు ఏర్పడ్డాయి. అధికారులు సరఫరాను సాధారణ స్థితికి తీసుకురావాలన్నారు.
NRPT: ఈనెల 3న మంగళవారం హోలీ పండుగను నిర్వహించుకోవాలని విశ్వహిందూ పరిషత్, బజరంగ్దళ్ నాయకులు అనిల్ కుమార్ రెడ్డి, కానుగంటి వెంకటేష్, కుమ్మరి రాజులు తెలిపారు. సోమవారం రాత్రి కామ దహనాన్ని నిర్వహించి మంగళవారం హిందూ సోదరులు హోలీ పండుగను ప్రకృతి సిద్ధమైన రంగులతో నిర్వహించుకోవాలని కోరారు.
KRNL: ఎమ్మిగనూరు పట్టణంలో ఆటో డ్రైవర్లు ట్రాఫిక్ నిబంధనలు తప్పనిసరిగా పాటించాలని.. లేకుంటే చర్యలు తీసుకుంటామని DSP భార్గవి ఇవాళ హెచ్చరించారు. ఈ సందర్భంగా డీఎస్పీ మాట్లాడుతూ.. ఆటోలను వరుస క్రమంలో నిలబెట్టి నడుపుకోవాలని, దీనిపై గొడవలకు దిగవద్దని సూచించారు. పట్టణంలో బస్టాండ్ తదితర ప్రాంతాల్లో కొత్త వ్యక్తులు కన బడితే పోలీసులకు సమాచారం ఇవ్వాలని కోరారు.
బాలీవుడ్ స్టార్ హృతిక్ రోషన్ ‘క్రిష్ 4’ కోసం ఎదురుచూస్తున్న అభిమానులకు నిరాశ తప్పేలా లేదు. ఈ భారీ ప్రాజెక్ట్ను హృతిక్ స్వయంగా దర్శకత్వం వహించనున్నప్పటికీ, ఇది ఇప్పట్లో పట్టాలెక్కే సూచనలు కనిపించడం లేదు. దీనికంటే ముందు మరో భారీ చిత్రాన్ని పూర్తి చేయాలని ఆయన నిర్ణయించుకున్నాడట. దీంతో సూపర్ హీరో సిరీస్ ‘క్రిష్ 4’ ప్రారంభం మరింత ఆలస్యం కానున్నట్లు తెలుస్తోంది.
NDL: ఆళ్లగడ్డ సమీపంలోని జాతీయ రహదారిపై ఆదివారం తెల్లవారుజామున ఘోర రోడ్డు ప్రమాదం జరిగింది. నంద్యాల నుంచి చింతామణి వైపు వెళ్తున్న A1 ప్రైవేట్ అంబులెన్స్, ముందున్న లారీని వెనుక నుంచి ఢీకొంది. ప్రమాదంలో అంబులెన్స్ ముందు భాగం నుజ్జునుజ్జయింది. ఒకరి పరిస్థితి విషమంగా ఉండగా, మరో ఇద్దరికి తీవ్ర గాయాలయ్యాయి. పోలీసులు ఘటనాస్థలానికి చేరుకుని దర్యాప్తు చేపట్టారు.
TG: కల్తీ అల్లం, వెల్లుల్లి పేస్ట్ తయారు చేస్తున్న ముఠాను పోలీసులు అరెస్ట్ చేశారు. జల్పల్లిలో ఎస్కే రాయల్ ఎంటర్ప్రైజెస్, షాహీ గోల్డ్ కంపెనీలపై పోలీసులు దాడులు నిర్వహించారు. ఈ క్రమంలో అబ్దుల్ సత్తార్ సహా నలుగురు నిందితులను అదుపులోకి తీసుకున్నారు. ఈ సంఘటనకు సంబంధించిన పూర్తి సమాచారం తెలియాల్సి ఉంది.
W.G: సైబర్ క్రైమ్ మోసగాళ్లు రోజుకో పంథా అనుసరిస్తున్నారు.. బురిడీ కొట్టిచే ప్రయత్నం బెడిసి కొట్టింది . వివరాల్లోకి వెళితే ఆకివీడు మండలం అజ్జమూరుకు చెందిన రిటైర్డ్ టీచర్కు నిన్న ఉదయం గుర్తు తెలియని నెంబర్ నుంచి ఓ ఫోన్ కాల్ వచ్చినట్లు తెలిపారు. నువ్వు ష్యూరిటీ పెట్టిన సంఘతి గుర్తులేదా అంటూ ముగ్గులోకి దింపాడు. ఆయన గట్టిగా ఎదుర్కొనే సరికి తోక ముడిసాడు.
KRNL: టమాటా రైతుకు ఈ ఏడాది కష్టకాలం దాపురించింది. ఆరు గాలం కష్టపడి పండించిన పంటకు మార్కెట్లో గిట్టు బాటు ధర లేక పొలంలోనే వదిలేసే దుస్థితి ఎదురైంది. పెద్దకడబూరు మం. రంగాపురానికి చెందిన నాగరాజు ఎకరా పొలంలో టమాటా సాగు చేశారు. ఇప్పటివరకు రూ.40 వేలకు పైన పెట్టుబడి పెట్టారు. పంట చేతికొచ్చింది. ప్రస్తుతం కిలో రూ.2 – రూ.3 ఉండటంతో రోడ్లపై పడేశారు.
అన్నమయ్య: చిట్వేలి శ్రీ సాయి వికాస్ పాఠశాలలో నిర్వహించిన సైన్స్ ప్రదర్శన ఆకట్టుకుంది. విద్యాసంస్థల అధ్యక్షులు జ్యోతి ప్రారంభించి,C.V రామన్ చిత్రపటానికి నివాళులర్పించారు.HM రామకృష్ణారెడ్డి,శాస్త్రీయ దృక్పథం పెంపొందించుకోవాలని సూచించారు.పప్పుధాన్యాలతో అవయవాల నమూనాలు, వర్షపు నీటి సంరక్షణ వంటివి ప్రత్యేక ఆకర్షణగా నిలిచాయి.
BHPL: ఆల్ ఇండియా సైనిక్ స్కూల్స్ ప్రవేశ పరీక్ష(AISSEE) ఫలితాల్లో చిట్యాల మండలం బౌసింగ్ పల్లికి చెందిన చిందం గౌతమ్ సత్తా చాటారు. 9వ తరగతి ప్రవేశాల కోసం నిర్వహించిన ఈ జాతీయ స్థాయి పరీక్షలో గౌతమ్ రికార్డు స్థాయి ర్యాంకులతో జిల్లాకు గర్వకారణంగా నిలిచారు. జిల్లా స్థాయిలో మొదటి ర్యాంక్, రాష్ట్ర స్థాయిలో 4వ ర్యాంక్ సాదించాడు.
HYDలోని పలు ప్రాంతాల్లో కలుషిత నీటి సరఫరా కలకలం రేపుతోంది. బాగ్లింగంపల్లి, సుందరయ్య విజ్ఞాన కేంద్రం,సైబర్ హుడ్ కాలనీ వంటి చోట్ల తాగునీటిలో డ్రైనేజీనీరు కలిసి వస్తోందని స్థానికులు ఆందోళన వ్యక్తం చేస్తున్నారు. ట్యాపుల్లో మురుగు వాసనతో కూడిన నల్లటి నీరు వస్తుండటంతో ప్రజలు రోగాలబారిన పడే ప్రమాదం ఉందని ఆవేదన చెందుతున్నారు. అధికారులు స్పందించాలని కోరారు.
