చిన్నవారైనా, పెద్దవారైనా ఆరోగ్యం, ఫిట్‌నెస్‌కి ఎక్కువ ప్రాధాన్యత ఇవ్వాలి. చాలా కాలం పాటు ఫిట్‌గా ఉండటానికి, అందంగా కనిపించడానికి మంచి రొటీన్ అవసరం. చిన్న వయసులో రొటీన్‌కు పెద్దగా ప్రాధాన్యత ఇవ్వరు. పని , బాధ్యతల కారణంగా, ప్రజలు ఫిట్నెస్ కోసం సమయం ఇవ్వలేరు. కానీ చిన్న వయసులో చేసిన తప్పు పెద్దయ్యాక మనల్ని వెంటాడుతుంది.
మనం ఎంచుకున్న పద్ధతులు మన శారీరక , మానసిక ఆరోగ్యంపై భారీ ప్రభావాన్ని చూపుతాయి. క్రమం తప్పకుండా పాటించే ఆరోగ్యకరమైన అలవాట్లు మనల్ని ఆరోగ్యవంతం చేయడంతోపాటు అందాన్ని కూడా మెరుగుపరుస్తాయి. 60 ఏళ్లు వచ్చినా.. 40 ఏళ్లుగా కనిపించాలని, ఫిట్ గా, ఆరోగ్యంగా ఉండాలంటే కొన్ని నియమాలు పాటించాల్సిందే.
ఫిట్నెస్, ఆరోగ్యం, జీవనశైలి విషయంలో చాలా మందికి సమయం ఉండదు. ఇంటి పని, ఆఫీసు పనే సరిపోతుంది. ఇక ఫిట్నెస్ కోసం సమయం ఎక్కడుంది అని ఫీలౌతూ ఉంటారు. మీరు కూడా ఈ కోవకు చెందిన వారు అయితే.. మీరు ఈ పనికి ఎక్కువ సమయం కేటాయించాల్సిన అవసరం లేదు. రాత్రిపూట కొంత సమయం సెట్ చేసుకుని కేవలం మూడు పనులు చేస్తే సరిపోతుంది. ఆరోగ్యం మెరుగుపడుతుంది. ఫిట్‌నెస్‌ను కాపాడుకోగలడు.
రిలాక్స్‌గా ఉండే రోజు కోసం మీరు మీ ఉదయం ఆరోగ్యంగా ప్రారంభించాలి. మీరు 5 బాదంపప్పులు, 2 వాల్‌నట్‌లు, 1 టీస్పూన్ గుమ్మడికాయ, పొద్దుతిరుగుడు గింజలను రాత్రంతా నానబెట్టాలి. అలాగే ఒక రాగి పాత్రలో 1 గ్లాసు నీళ్లు పోసి మూత పెట్టాలి. వీటిని ఉదయాన్నే తినడం అలవాటు చేసుకోవాలి.
మంచి నిద్ర ఆరోగ్యాన్ని మెరుగుపరుస్తుంది. అలాగే మిమ్మల్ని ఫిట్‌గా ఉంచుతుంది. కాబట్టి బాగా నిద్రపోవడానికి ప్రయత్నించండి. పడుకునే ముందు కనీసం 1 గంట ముందు అన్ని గాడ్జెట్‌లను స్విచ్ ఆఫ్ చేయండి. గాడ్జెట్ల ద్వారా వెలువడే కాంతి నిద్రపై ప్రతికూల ప్రభావాన్ని చూపుతుంది. స్మార్ట్‌ఫోన్‌లు, ల్యాప్‌టాప్‌లు, ట్యాబ్‌లు లేదా ఇలాంటి గాడ్జెట్ల స్క్రీన్‌ల నుండి వెలువడే బ్లూ లైట్ నిద్ర హార్మోన్ మెలటోనిన్‌ను అణిచివేస్తుంది. దీని వల్ల నిద్ర ఆలస్యంగా వస్తుంది. దీనివల్ల ఉదయం అలసిపోతారు.
మన ఆరోగ్యాన్ని కాపాడుకోవడంలో మన శ్వాస చాలా పెద్ద పాత్ర పోషిస్తుంది. శారీరక ఆరోగ్యంతో పాటు మానసిక ఆరోగ్యానికి ప్రశాంతమైన మనస్సు చాలా ముఖ్యం. ప్రతిరోజూ మీ మనస్సు ప్రశాంతంగా ఉండాలి. దీని కోసం మీరు మసక వెలుతురులో 10 నిమిషాలు లోతైన శ్వాస తీసుకోవాలి. లోతైన శ్వాస శరీరంలో ఆక్సిజన్ మొత్తాన్ని పెంచుతుంది. ఈ ఆక్సిజన్ రక్తంతో పాటు శరీరమంతా ప్రవహిస్తుంది. దీని వల్ల శరీరంలోని అన్ని భాగాలు తమ పనిని సక్రమంగా చేసుకోగలుగుతాయి.
ఇది కూడా చదవండి: Suriya 42: మూవీ టైటిల్ ఫిక్స్ ..కంగువా 10 భాషల్లో రిలీజ్
