బాలీవుడ్ హీరో సన్నీ డియోల్(Sunny Deol), అమీషా పటేల్(Amisha Patel) కలిసి నటించిన మూవీ గదర్2(Gadar 2). ఆగస్టు 11వ తేదిన ఈ మూవీ విడుదలైంది. ఈ మూవీ బాక్సాఫీస్ వద్ద పాజిటివ్ రెస్పాన్స్‌తో దూసుకుపోతోంది. ఈ సినిమా చూసేందుకు ఫ్యాన్స్ థియేటర్లకు క్యూ కడుతున్నారు. ఈ నేపథ్యంలో తాజాగా ఓ థియేటర్లో షాకింగ్ ఘటన జరిగింది. థియేటర్లో సినిమా ప్రదర్శన మధ్యలో ఓ వ్యక్తి పాకిస్థాన్ జిందాబాద్ అంటూ నినదించాడు.
సోషల్ మీడియాలో వైరల్ అవుతోన్న వీడియో:
https://twitter.com/i/status/1691043378857639936
ఒక్కసారిగా ఆ వ్యక్తి పాకిస్థాన్ జిందాబాద్ అని అరవడంతో అక్కడున్నవారంతా షాక్ అయ్యారు. చిద్ర ప్రదర్శన మధ్య అలా నినదించే సరికి ప్రేక్షకులు ఆ వ్యక్తిని పట్టుకుని చితకబాదారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది. 2011లో గదర్ : ఏక్ ప్రేమ్ కథ (Gadar Ek Prem Katha) మూవీ విడుదలై అత్యధిక వసూళ్లు రాబట్టింది. ఆ మూవీకి కొనసాగింపు చిత్రమే గదర్2.
చదవండి: Pakistan flag: స్వాతంత్య్ర దినోత్సవం వేళ పాక్‌కు ఘోర అవమానం
గదర్2 (Gadar 2) మూవీకి అనిల్ శర్మ దర్శకత్వం వహించగా 1971 నాటి భారత్-పాక్ యుద్ధ సమయంలోని పరిస్థితుల ఆధారంగా ఈ మూవీ తెరకెక్కింది. పాజిటివ్ టాక్‌తో మూవీ దూసుకుపోతోంది. మూవీ రిలీజ్ అయిన నాలుగు రోజుల్లోనే రూ.173 కోట్లు వసూలు చేయడం విశేషం. ఈ మూవీలో ఉత్కర్ష్ శర్మ, స్మృతీ కౌర్, మనీష్ వాద్వా, గౌరవ్ చోప్రా వంటివారు కీలక పాత్రలో నటించగా మిథున్, మోంటీ శర్మ మ్యూజిక్ అందించారు.
