Uttar Pradesh : డబ్బుల కోసం కొందరు ఎన్నో అమానవీయ పనులకు పాల్పడుతున్నారు. స్నేహితుడి ఆస్తి కొట్టేయడానికి అతడికి ఏకంగా లింగ మార్పిడి ఆపరేషన్‌(Gender Reassignment Surgery) చేయించేశాడో వ్యక్తి. ఈ ఘటన ఉత్తర ప్రదేశ్‌లోని ముజఫర్‌ నగర్‌లో చోటు చేసుకుంది. స్థానికంగా కలకలం సృష్టించింది. పోలీసులు తెలిపిన వివరాల ప్రకారం… యూపీలోని సంజక్‌ గ్రామానికి చెందిన ఓం ప్రకాష్‌, ముజాహిద్‌(20)లు స్నేహితులు. ఇద్దరూ రెండేళ్లగా ఆప్త మిత్రుల్లా ఉండసాగారు.
చదవండి : షమీతో సానియా మీర్జా పెళ్లి?.. ఆమె తండ్రి ఏమంటున్నారంటే?
ముజాహిద్‌(mujahid) ఆస్తిని కొట్టేసేందుకు ఓం ప్రకాష్‌ సినీ ఫక్కీలో ఓ ప్లాన్‌ వేశాడు. ముజాహిద్‌ని అనారోగ్యంగా ఉంది రమ్మని చెప్పి ఆసుపత్రికి తీసుకెళ్లాడు. అక్కడ పథకం ప్రకారం.. అతడికి మత్తు మందు ఇప్పించాడు. అనస్తీషియాలో ఉన్న ముజాహిద్‌కు తెలియకుండా లింగ మార్పిడి ఆపరేషన్‌(Gender Reassignment Surgery) చేయించేశాడు. తనకు మెలుకువ వచ్చే సరికి ‘నువ్వు అమ్మాయిగా మారావు’ అని ఓం ప్రకాష్‌ చెప్పడంతో తాను షాక్‌కు గురయ్యానని ముజాహిద్‌ అన్నాడు. మనమిద్దరం పెళ్లి చేసుకుందామని ఓం ప్రకాష్‌(omprakash), ముజాహిద్‌తో చెప్పాడు. అందు కోసం లాయర్‌ని కూడా ఏర్పాటు చేశానని చెప్పాడు. ఓ రకంగా ముజాహిద్‌ని మానసికంగా హింసించాడు. ముజాహిద్‌ తండ్రిని కాల్చి చంపుతానని బెదిరించాడు. ముజాహిద్‌ వాటాగా రావాల్సిన ఆస్తిని తన పేరు మీద రాయించుకుంటానని తర్వాత దాన్ని అమ్మేసి లక్నో వెళ్లిపోతానని ఓం ప్రకాష్‌ బెదిరించాడు. దీంతో ముజాహిద్‌ పోలీసులను ఆశ్రయించాడు. కేసు నమోదు చేసుకున్న పోలీసులు ఈ విషయమై దర్యాప్తు జరుపుతున్నారు.
చదవండి : అసెంబ్లీలో చంద్రబాబు, పవన్‌ల ప్రమాణ స్వీకారం.. నెరవేరిన బాబు శపథం
