Uttar Pradesh: Illicit relationship of being converted from DSP to constable
Uttar Pradesh: మహిళా పోలీసుతో అక్రమ సంబంధం పెట్టుకున్న డీఎస్పీకి యూపీ పోలీసు విభాగం షాక్ ఇచ్చింది. ఉత్తరప్రదేశ్‌కు చెందిన క్రిపా శంకర్ కనౌజియా అనే డీఎస్పీ.. కానిస్టేబుల్ స్థాయి నుంచి అంచెలంచెలుగా ఎదిగి డీఎస్పీ స్థాయికి వెళ్లారు. మూడేళ్ల క్రితం ఓ మహిళా పోలీసుతో వివాహేతర సంబంధం పెట్టుకున్నారు. ఆ విషయంలో రెండ్ హ్యాండెడ్‌గా దొరికిపోయారు. దీంతో అతనిని కానిస్టేబుల్ స్థాయికి డిమోట్ చేస్తున్నట్లు పోలీసు శాఖ నిర్ణయం తీసుకుంది. కుటుంబ కారణాలు చెప్పి ఎస్పీ అనుమతితో అతను సెలవు తీసుకున్నారు.
ఇది కూడా చూడండి: Kalki 2898AD: తెలంగాణలో కల్కి సినిమాకు టికెట్ ధరల పెంపు.. ఒక్కో టికెట్‌పై ఎంతంటే?
కుటుంబంతో ఉండకుండా ఆ మహిళా కానిస్టేబుల్‌తో కలిసి కాన్పుర్‌లోని ఓ హోటల్‌కి వెళ్లాడు. మొబైల్ ఫోన్లు స్విచ్ఛాఫ్ చేశాడు. అదే సమయంలో అతని భార్య కాల్ చేసింది. ఫోన్ కలవకపోవడంతో ఆమె ఎస్పీని సంప్రదించారు. దీనిపై వెంటనే దర్యాప్తు ప్రారంభించిన పోలీసులు చివరిసారిగా అతని ఫోన్ లొకేషన్‌ను గుర్తించారు. వెంటనే అక్కడికి వెళ్లి ఇద్దరిని పట్టుకున్నారు. ఈ విషయాన్ని రేంజ్ ఐజీపీకి తెలియజేయగా.. క్రమశిక్షణారాహిత్యం కింద కఠిన చర్యలు తీసుకోవాలని తెలిపారు. పూర్తి విచారణ జరిపిన పోలీసులు అతన్ని గోరఖ్‌పూర్ బెటాలియన్‌లోని ప్రావిన్షియల్ ఆర్మ్‌డ్ కానిస్టేబులరీలో కానిస్టేబుల్‌గా డిమోట్ చేశారు.
ఇది కూడా చూడండి: T20 World Cup: ఆస్ట్రేలియాను ఓడించిన ఆఫ్ఘనిస్తాన్
