Bihar: బీహార్‌లోని నవాడా జిల్లాలో కాంగ్రెస్ ఎమ్మెల్యే నివాసంలో మృతదేహం లభ్యం కావడం సంచలనం రేపుతోంది. మృతదేహాన్ని కాంగ్రెస్ ఎమ్మెల్యే నీతూ సింగ్ సమీప బంధువు పీయూష్ సింగ్‌గా గుర్తించారు. అనుమానాస్పద స్థితిలో మృతదేహాన్ని స్వాధీనం చేసుకున్నారు. పీయూష్‌ను కొట్టి చంపినట్లు తెలుస్తోంది. ఈ ఘటనను వెలికి తీసేందుకు పోలీసులు దర్యాప్తు ముమ్మరం చేశారు. ఎమ్మెల్యే సమీప బంధువు నివాసంలో మృతదేహం లభ్యం కావడంతో కలకలం రేగుతోంది. మృతదేహాన్ని వెలికితీసిన ఎమ్మెల్యే నివాసంలోని గదిలో అతని బావ సుమన్ సింగ్ నివసిస్తున్నారు. మృతుడు పీయూష్ ఎమ్మెల్యే బావమరిది సుమన్ బంధువు. ఘటన జరిగినప్పుడు ఎమ్మెల్యే నీతూ సింగ్ అక్కడ లేరు.
చదవండి:Mouse : శాస్త్రవేత్తల ఘనత.. అంతరిక్షంలో ఎలుక పిండాల అభివృద్ధి
రాత్రి 7 గంటల సమయంలో సుమన్ సింగ్ ఇంటికి ఆహారం తీసుకుని పియూష్ వెళ్లాడని మృతుడి కుటుంబ సభ్యులు చెబుతున్నారు. సుమన్ కొడుకు గోలు ఇంట్లో ఉన్నాడు. ఇద్దరూ కలిసి డిన్నర్ చేశారు. రాత్రి 12 గంటల సమయంలో సుమన్ ఇంటి నుంచి ఇద్దరు వ్యక్తులు బయటకు వచ్చారని ఆరోపించారు. రాత్రి వరకు పీయూష్ ఇంటికి రాలేదు. దీంతో ఆందోళన చెందిన కుటుంబ సభ్యులు పీయూష్ అన్నయ్యకు ఫోన్‌ చేశారు. ఫోన్‌లో, పియూష్‌తో డిన్నర్ చేస్తున్నప్పుడు, గోలుతో గొడవ జరిగిందని సోదరుడు చెప్పాడు. హత్యను వెలికితీసేందుకు పోలీసులు డాగ్ స్క్వాడ్, ఎఫ్‌ఎస్‌ఎల్ బృందాన్ని కూడా పిలిచారు.
చదవండి:Aishwarya Engagement: హీరో అర్జున్ కూతురు ‘ఐశ్వర్య’ ఎంగేజ్‌మెంట్
ఎమ్మెల్యే నివాసంలో యువకుడిని హత్య చేశారా లేక ఎక్కడైనా హత్య చేసి మృతదేహాన్ని ఇక్కడే దాచి ఉంచారా అనే కోణంలో పోలీసులు ఆరా తీస్తున్నారు. మృతదేహం పరిస్థితి చూస్తే మృతుడిపై దారుణంగా దాడి చేసినట్లు తెలుస్తోందని పోలీసులు చెబుతున్నారు. ఎమ్మెల్యే బావ కొడుకు గోలు సింగ్‌తో కలిసి ఈ వ్యక్తులు విందు చేశారని ఆయన చెప్పారు. ఆ తర్వాత నిన్న సాయంత్రం సుమన్ సింగ్ గదిలో పీయూష్ మృతదేహం లభ్యమైంది. మృతుడి కుటుంబీకులు గోలుతో పాటు మరికొందరు హత్య చేశారని ఆరోపించారు. మృతదేహం లభ్యం కావడంతో గోలు పరారీలో ఉన్నట్లు పోలీసులు తెలిపారు. అతడిని పట్టుకునేందుకు రాజౌలీ సబ్‌డివిజనల్‌ పోలీస్‌ అధికారి నేతృత్వంలో బృందంగా ఏర్పడి దాడులు నిర్వహిస్తున్నారు.
