Maharastra : మహారాష్ట్రలోని మరఠ్వాడాలో రైతుల పరిస్థితి దారుణంగా ఉంది. ఈ ఏడాది జూన్ వరకు 430 మంది రైతులు ఆత్మహత్యలు చేసుకున్నారు. వీటిలో అత్యధికంగా బీడ్ జిల్లాలో 101 మరణాలు సంభవించాయి. ఇది రాష్ట్ర వ్యవసాయ మంత్రి ధనంజయ్ ముండే సొంత ప్రాంతం. మరాఠ్వాడా ప్రాంతం తరచుగా ప్రతికూల వాతావరణం భారాన్ని భరిస్తుంది. ఈ ప్రాంతం కరువు బారిన పడింది. ఒక్క జూన్ నెలలోనే బీడులో 30 మంది రైతులు ఆత్మహత్యలు చేసుకున్నారని ఓ అధికారి తెలిపారు. ఈ ఏడాది ఇప్పటి వరకు బీడులో 101 ఆత్మహత్యల కేసుల్లో 46 మంది రైతులకు రూ.లక్ష ఎక్స్‌గ్రేషియాకు అర్హులు. ఐదు కేసులు అనర్హులుగా ప్రకటించగా 50 కేసులు పరిశీలనలో ఉన్నాయి.
చదవండి: Fire Accident : 30మంది ప్రయాణికులతో వెళ్తున్న బస్సులో మంటలు
ధారశివ్‌లో 76 మంది రైతుల ఆత్మహత్య
మొత్తం 430 కేసుల్లో 256 కేసులు ఎక్స్‌గ్రేషియాకు అర్హమైనవని అధికారి తెలిపారు. ఇందులో 169 కేసుల్లో సహాయం అందించగా, 20కేసులను తిరస్కరించారు. 154 కేసుల్లో విచారణ కొనసాగుతోంది. బీడ్‌లో 101, ఛత్రపతి సంభాజీనగర్‌లో 64, జాల్నాలో 40, హింగోలిలో 17, పర్భానీలో 31, లాతూర్‌లో 33, నాందేడ్‌లో 68, ధరాశివ్‌లో 76 మంది రైతులు ఆత్మహత్యలకు పాల్పడ్డారు. ఈ ఏడాది జనవరి 1 నుంచి మే 31 వరకు 1,046 మంది రైతులు ఆత్మహత్యలు చేసుకున్నట్లు వెల్లడైన గణాంకాలు చెబుతున్నాయి. అమరావతి డివిజన్‌లో పరిస్థితి ఆందోళనకరంగా ఉంది.
చదవండి: Jabardasth Faima: జబర్దస్త్ ఫైమా పెళ్లి ముచ్చట.. ప్రియుడిపై ఇంట్రెస్టింగ్ కామెంట్.!
కరువు కారణంగా తాము పండించిన పంటల ఖర్చును కూడా భరించలేకపోతున్నామని వ్యవసాయంతో అనుబంధం ఉన్న ప్రజలు చెబుతున్నారు. పంట నష్టంతో పరిస్థితి రోజురోజుకూ దారుణంగా తయారైంది. కుటుంబ సభ్యులకు కూడా భోజనం పెట్టాలి. పిల్లల చదువులకు కూడా ఖర్చులు ఉంటాయి. వ్యవసాయం చేయాలంటే అప్పు చేయాలి. చాలా సార్లు ఈ అప్పు మరణాలకు దారి తీస్తుంది.
