MLC Kavitha illegal arrest will fight
Kavitha : ఢిల్లీ మద్యం కుంభకోణంలో అరెస్టయిన ఎమ్మెల్సీ కవిత సుప్రీంకోర్టును ఆశ్రయించనున్నారు. కవిత అరెస్ట్‌పై కవిత భర్త అనిల్ సుప్రీంకోర్టులో ధిక్కార పిటిషన్(కంటెంప్ట్‌ పిటిషన్) దాఖలు చేయనున్నారు. కవిత అరెస్టును సవాల్ చేస్తూ ఈ పిటిషన్ దాఖలు చేయనున్నారు. కవిత కేసు ఇప్పటికే సుప్రీంకోర్టులో పెండింగ్‌లో ఉంది. అది కూడా ఢిల్లీ మద్యం కుంభకోణం గురించే. ఈ కేసులో తనను నేరుగా ఈడీ ప్రశ్నించకుండా అడ్డుకోవాలని కవిత గతంలో పిటిషన్ దాఖలు చేశారు. ఈడీ విచారణలో ఉండగానే కవితను కస్టడీలోకి తీసుకుంది. ఈ విషయమై కవిత భర్త సుప్రీంకోర్టుకు వెళ్లనున్నారు. కవిత తరపున ప్రముఖ న్యాయవాదులు కపిల్ సిబల్, రోహత్గీ వాదించనున్నారు.
చదవండి:PM Modi : పేదల కోసం ఆలోచించేది ఎన్డీయే ప్రభుత్వమే
బీఆర్ఎస్ ఎమ్మెల్సీ కవిత ఈడీ కస్టడీలో ఉన్న విషయం తెలిసిందే. ఢిల్లీలోని రౌస్ అవెన్యూ కోర్టు ఆమెను వారం పాటు ఈడీ కస్టడీకి అనుమతించింది. ఈ నెల 23 వరకు కవితను విచారించేందుకు ఈడీకి అనుమతిని ఇచ్చింది. ఆదివారం కవితను ఢిల్లీలోని ఈడీ కార్యాలయంలో ఆమె భర్త అనిల్, కేటీఆర్, హరీశ్ రావు కలిశారు. కవిత యోగ, క్షేమాలను వీరు కనుక్కున్నారు. ఈ కేసులో న్యాయపోరాటం చేద్దామని ధైర్యం చెప్పారు. ఈ సందర్భంగా న్యాయవాది మోహిత్ రావు కూడా కవితను కలిశారు. ప్రతిరోజు కవితను కుటుంబ సభ్యులు, ఆమె న్యాయవాదులు కలుసుకునే వెసులుబాటును కోర్టు కల్పించిన సంగతి తెలిసిందే.
చదవండి:Penny Wong: స్వలింగ వివాహం చేసుకున్న ఆస్ట్రేలియా మంత్రి పెన్నీ
