కోల్‌కతా మెడికల్ కాలేజీ ఆస్పత్రిలోని వైద్యులు అరుదైన ఆపరేషన్ చేసి ఓ వృద్ధుడి ప్రాణాలు కాపాడారు. ప్రస్తుతం ఈ ఘటన సోషల్ మీడియాలో వైరల్ అవుతోంది. గత కొద్ది రోజుల నుంచి తీవ్రమైన కడుపు నొప్పితో మేదినీపుర్ జిల్లాకు చెందిన 65 ఏళ్ల అశోక్ గుచైత్ బాధపడుతున్నాడు. ఆస్పత్రికి వెళ్లగా వైద్యులు స్కానింగ్ చేశారు. రిపోర్ట్ చూసి షాక్ అయ్యారు. ఆ వృద్ధుడి కడుపులో 1364 రాళ్లు ఉన్నట్లుగా వారు గుర్తించారు.
చదవండి: Mukesh Ambani: ముఖేష్ అంబానీ కంటే అత్యధిక జీతం తీసుకునే వ్యక్తి ఆయనే..ఎన్నికోట్లంటే
ఆపరేషన్ చేయకపోతే అశోక్ గుచైత్ ప్రాణాలకే ప్రమాదం అని మెడికల్ కాలేజీ వైద్యులు చెప్పారు. వెంటనే ఆస్పత్రిలో శస్త్రచికిత్స చేయడం మొదలుపెట్టారు. సుమారు 45 గంటల పాటు ఎంతో కష్టపడి ఆ వృద్ధుడి కడుపులో ఉన్న 1364 రాళ్లను తీసివేశారు. పిత్తాశయంలో భారీ స్థాయిలో రాళ్లు ఉండటం చూసి ఆపరేషన్ చేసిన వైద్యులంతా ఆశ్చర్యపోయారు.
చదవండి: iPhone 12: యాపిల్‌ యూజర్లకు షాక్..ఆ ఫోన్‌పై నిషేధం!
రాళ్లను సమయానికి తొలగించకుండా ఉంటే అవి పిత్తాశయ వాహికల్లోకి వెళ్లి ఉండేవని, అప్పుడు చాలా ప్రమాదం జరిగి ఉండేదని వైద్యులు తెలిపారు. 45 గంటల పాటు చేసిన ఆ ఆపరేషన్ గురించి ఇప్పుడు సర్వత్రా చర్చ నెలకొంది. సాధారణంగా అయితే ఒక మనిషి కడుపులో కణితి లేదా కొద్దిపాటి రాళ్లు ఉండటం సహజం. కానీ ఈ వృద్ధుడి కడుపులో అన్ని రాళ్లు ఉండటం చూసి అందరూ షాక్ అవుతున్నారు. ప్రస్తుతం ఆ వృద్ధుడు బాగానే ఉన్నాడని, కోలుకుని త్వరలోనే ఇంటికి వెళ్తాడని వైద్యులు తెలిపారు.
