Yash: కెజియఫ్ చాప్టర్ 2 తర్వాత కాస్త గ్యాప్ తీసుకున్న కన్నడ స్టార్ హీరో యశ్.. ఇటీవలె ‘టాక్సిక్‌’ అనే కొత్త సినిమాను ప్రకటించాడు. ఈ సినిమాకు మలయాళ దర్శకురాలు గీతూ మోహన్‌దాస్‌ దర్శకత్వవ వహిస్తోంది. యాక్షన్‌ ఎంటర్‌టైనర్‌గా రాబోతున్న ఈ చిత్రం 2025 ఏప్రిల్‌ 10న రిలీజ్ టార్గెట్‌గా షూటింగ్ జరుపుకుంటోంది. కెజియఫ్ లాంటి భారీ హిట్‌ తర్వాత యశ్ చేస్తున్న సినిమా కావడంతో ఫ్యాన్స్ ఈగర్‌గా వెయిట్ చేస్తున్నారు. ఇదే సమయంలో జనవరి 8న యశ్ 38వ పుట్టినరోజు జరుపుకున్నారు. ఈ సందర్భంగా కర్ణాటకలోని గడగ్‌ జిల్లాలో కొందరు అభిమానులు యశ్ బ్యానర్‌ ఏర్పాటు చేసేందుకు యత్నించారు.
ఇది కూడా చూడండి: Dil Raju: దిల్ రాజుని మీడియా టార్గెట్ చేస్తోందా..?
ఈ క్రమంలో విద్యుదాఘాతానికి గురై ముగ్గురు అభిమానులు ప్రాణాలు కోల్పోయారు. మరో ముగ్గురు తీవ్రంగా గాయపడ్డారు. వారిని వెంటనే చికిత్స నిమిత్తం సమీపంలోని ఆసుపత్రికి తరలించారు. దీంతో.. ప్రాణాలు కోల్పోయిన బాధిత కుటుంబాలను యశ్ పరామర్శించారు. ఈ సందర్భంగా మీడియాతో మాట్లాడుతూ ఆవేదన చెందారు. ‘అభిమానుల మరణ వార్త నన్ను చాలా బాధించింది. ఇలాంటిది ఏదైనా జరుగుతుందనే.. నా పుట్టినరోజు నాడు బ్యానర్లు, కటౌట్లు పెట్టడం మానేయాలని ఎన్నోసార్లు కోరాను.
ఇది కూడా చూడండి: Pawan Kalyan: హరిహర వీరమల్లు కాదు.. వెబ్ సిరీస్ చేస్తున్నాడట?
ఇకపై ఇలాంటి ఫ్లెక్సీలు కట్టడం వంటి పనులు చేయడం మానేయండి. ఇలాంటి ప్రమాదాలు జరుగుతుండటంతో.. పుట్టినరోజు వస్తోందంటేనే నాకు భయమేస్తోంది. చనిపోయిన వారిని తిరిగి తీసుకురాలేం’ అంటూ ఆవేదన వ్యక్తం చేశారు. ఈ సందర్భంగా మృతుల కుటుంబాల బాధ్యత తానే తీసుకుంటానని తెలిపారు. వారికి అన్ని విధాలా అండగా ఉంటానని పేర్కొన్నారు.
ఇది కూడా చూడండి: Kaleswaram: కాళేశ్వరంపై విజిలెన్స్ అండ్ ఎన్ ఫోర్స్‌మెంట్ తనీఖీలు
