Without Prithviraj Sukumaran there is no movie Salaar Prashanth Neel
Prashanth Neel: పాన్ ఇండియా స్టార్ హీరో ప్రభాస్ నటించిన తాజా చిత్రం సలార్. కేజీఎఫ్ చిత్రాలతో ప్రభంజనం సృష్టించిన ప్రశాంత్ నీల్ దర్శకత్వంలో తెరకెక్కుతుంది కాబట్టి ఈ సినిమాపై ప్రేక్షకుల్లో విపరీతమైన అంచనాలు ఉన్నాయి. అందుకు తగ్గట్టుగానే ఇది వరకు విడుదలైన ట్రైలర్స్ మూవీపై మరింత ఆసక్తిని కల్పిస్తున్నాయి. డిసెంబర్ 22న ప్రపంచవ్యాప్తంగా ఈ సినిమా విడుదలకు సిద్ధం అయింది. దీనిలో భాగంగా మూవీ టీమ్ ప్రమోషన్స్ లో పాల్గొంటొంది. ఓ ఇంటర్వూలో డైరెక్టర్ ప్రశాంత్ నీల్ మాట్లాడుతూ హీరో పృథ్వీ రాజ్ సుకుమారన్‌పై ప్రశంసలు కురిపించాడు.
చదవండి:Pallavi Prashant: నేను ఏ తప్పు చేయలేదు.. డబ్బులన్ని రైతులకే
“సలార్ స్క్రీప్ట్ అనుకున్నప్పుడు వరదరాజు మున్నార్ పాత్రకు పృథ్వీని అనుకున్నాను. కానీ అతను సెకండ్ హీరో క్యారెక్టర్‌కు ఒప్పుకుంటాడా లేదా అన్న అనుమానం ఉండేదన్నారు. తరువాత ఆయనకు కథ చెప్పినప్పుడు తన క్యారెక్టర్ నచ్చేసి వెంటనే ఒప్పుకున్నాడు. ఆ సమయంలో చాలా మంది బాలీవుడ్ నటులను ట్రై చేయమని సలహా ఇచ్చారు. కానీ నాకెందుకో ఆ పాత్రలో పృథ్వీని తప్ప వేరే ఏ యాక్టర్‌ను ఊహించుకోలేక పోయానన్నారు. ఈ పాత్రకు రెండు షేడ్స్ ఉంటాయి. ప్రేమ, ద్వేషం రెండు చూపించాలి. పృథ్వీ జీవించేశాడు. ఆయన కేవలం నటుడిగానే కాకుండా డైరెక్టర్ల మాదిరిగా ఆలోచిస్తాడు. ఈ మూవీలో ఎన్నో ఇన్‌పుట్స్ ఇచ్చాడు. ఆయనకు బెస్ట్ అసిస్టెంట్ డైరెక్టర్ అవార్డు ఇవ్వొచ్చు” అని ప్రశాంత్ నీల్ పేర్కొన్నారు. ఒక్క మాటలో చెప్పాలంటే పృథ్వీ రాజ్ లేనిదే సలార్ లేదని చెప్పారు. మరి ఇక ప్రభాస్ సంగతి ఏంటని నెటిజన్లు ప్రశ్నిస్తున్నారు.
చదవండి:HanuMan Trailer: విడుదల..విజువల్స్ వండర్!
