Pallavi Prashant I didn't do anything wrong Bigg Boss money is given to farmers
Pallavi Prashant: కామన్ మ్యాన్ నుంచి బిగ్ బాస్(BigBoss7) విన్నర్ అయిన పల్లవి ప్రశాంత్(Pallavi Prashanth) తనకంటూ ప్రత్యేక గుర్తింపును తెచ్చుకున్నారు. బిగ్ బాస్ విన్నర్ అయిన తర్వాత ప్రశాంత్- అమర్ ఫ్యాన్స్ మధ్య గొడవ జరిగిన సంగతి తెలిసిందే. ఆ ఇష్యూలో బస్సులపై దాడి చేయగా.. పోలీసులు కేసు నమోదు చేశారు. తాజాగా ఆ అంశంపై ప్రశాంత్ స్పందించారు. ఓ టీవీ ఛానెల్‌కు ఇచ్చిన ఇంటర్వూలో మాట్లాడుతూ.. తాను ప్రజల కోసం ఆడినట్లు చెప్పారు. బిగ్ బాస్‌లో గెలిచిన ప్రైజ్ మనీ రూ. 35 లక్షలను కష్టాల్లో ఉన్న రైతులకే ఇస్తున్నట్లు ప్రకటించారు. అందులో ఒక్క రూపాయి కూడా తనకు అవసరం లేదని, ప్రతి పైసా కష్టాల్లో ఉన్న పేద రైతులకే ఇస్తానన్ని అన్నారు. బిగ్ బాస్ హౌస్‌లో ఆడిన ప్రతీ గేమ్ రైతులకోసమే ఆడినట్లు వెల్లడించారు. ఇక తన కేసుల గురించి స్పందిస్తూ.. తాను ఏ తప్పు చేయలేదని, అలాంటప్పుడు కేసుల గురించి ఎందుకు భయపడాలి అన్నారు. పండించిన పంట ఎండితే పండించిన వాడికి బాధ ఉంటుంది. ఎవడి పంటో ఎండితే దానికి ఈ రైతు ఏం చేస్తాడు.. ఎవరో చేసిన తప్పుకు నాపై కేసు పెడితే ఏం లాభం అని ప్రశ్నించారు.
చదవండి:HanuMan Trailer: విడుదల..విజువల్స్ వండర్!
మల్లన్న సాగర్ ప్రాజెక్ట్‌లో భాగంగా 14 గ్రామాలు నష్టపోయాయి అక్కడి రైతుల గురించి ఏం అన్నా చేస్తారా అంటే.. తాను కామన్ మ్యాన్ అని, ఒక రైతు బిడ్డ ఏం చేయగలడో అదే చేస్తానని, తనకు ఏదైనా పదవి ఇస్తే 14 గ్రామాల ప్రజలను ఆదుకుంటా అని వెల్లడించారు. బిగ్ బాస్7 విన్నర్ అయిన తరువాత ప్రశాంత్‌కు రూ. 35 లక్షల నగదు బహుమతితో పాటు, ఖరీదైన డైమండ్ నెక్లెస్‌, మారుతి బ్రెజ్జా కారును కూడా గిఫ్ట్‌గా పొందాడు. వీటితో పాటు ఆయన అభిమానులు ఎస్‌ ఆర్కే ఇన్‌ఫ్రా డెవపర్స్‌ సంస్థ ప్రతినిధులు రైతు బిడ్డకు రూ. 20 లక్షలు విలువ చేసే ప్లాట్‌ ని బహుమతిగా ప్రకటించారు.
చదవండి:Sreeleela:కు ఎగ్జామ్స్..షూటింగ్‌కు బ్రేక్?
