Vishwak Sen: Lankala Ratna is coming.. Fix the teaser moment!
Vishwak Sen: ప్రజెంట్ ఉన్న యంగ్ హీరోలలో వరుస సినిమాలతో దూసుకుపోతున్నాడు విశ్వక్ సేన్. ధమ్కీ సినిమాతో మంచి హిట్ కొట్టిన విశ్వక్.. చివరగా ‘గామి’ సినిమాలో అఘోరాగా అదరగొట్టాడు. ఇక గామి సక్సెస్ జోష్‌లో గ్యాంగ్స్ ఆఫ్ గోదావరి సినిమాతో ఆడియెన్స్ ముందుకు రాబోతున్నాడు. సమ్మర్‌ కానుకగా మే 17న రిలీజ్‌కు రెడీ అవుతున్న ఈ సినిమా పై మంచి అంచనాలున్నాయి. ఇప్పటికే రిలీజ్ అయిన టీజర్, సాంగ్స్ చార్ట్ బస్టర్స్‌గా నిలిచాయి.
ఇది కూడా చూడండి: Salaar: ‘సలార్ 2’లో మరో స్టార్ హీరోయిన్?
కృష్ణ చైతన్య దర్శకత్వంలో తెరకెక్కుతున్న ఈ సినిమాలో.. నేహా శెట్టి, అంజలి ఫీ మేల్ లీడ్‌ రోల్స్‌‌లో నటిస్తున్నారు. ఈ సినిమాను శ్రీకర స్టూడియోస్‌ సమర్పణలో సితార ఎంటర్‌టైన్‌మెంట్స్‌, ఫార్చ్యూన్‌ ఫోర్ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మిస్తున్నారు. ప్రముఖ సంగీత దర్శకుడు యువన్ శంకర్ రాజా సంగీతం అందిస్తున్నాడు. ఇక రిలీజ్ డేట్ ద‌గ్గ‌ర‌ప‌డుతూ ఉండ‌డంతో టీజర్ రిలీజ్‌కు రెడీ అవుతున్నారు మేక‌ర్స్. ఏప్రిల్ 27న సాయంత్రం 4 గంటల 1 నిమిషానికి గ్రాండ్ ఈవెంట్‌తో టీజర్ విడుద‌ల చేయ‌నున్న‌ట్లు అనౌన్స్ చేశారు.
ఇది కూడా చూడండి: Sugar Cravings : ఎక్కువ తీపే తినాలనిపిస్తోందా? ఇలా చేసి చూడండి!
‘మన లంకల రత్నం రేంజ్ మాములుగా ఉండదు. మాస్ కా దాస్ విశ్వక్ సేన్ ‘గ్యాంగ్స్ ఆఫ్ గోదావరి’ టీజర్ లాంచ్ రెడీ అంటూ ప్రకటించారు. అలాగే మరోసారి మే 17న ఈ సినిమా ప్రపంచ వ్యాప్తంగా గ్రాండ్‌గా రిలీజ్ కానుందని క్లారిటీ ఇచ్చారు. చీకటి ప్రపంచంలో సామాన్యుడి నుంచి అసామాన్యుడిగా ఎదిగిన ఓ వ్యక్తి ప్రయాణంగా గ్యాంగ్స్ ఆఫ్ గోదావరి తెరకెక్కుతోంది. మరి ఈ సినిమాతో విశ్వక్ ఎలాంటి రిజల్ట్ అందుకుంటాడో చూడాలి.
