Upcoming Telugu Movies: డిసెంబర్ రెండో వారం వచ్చేసింది. మొదటి వారంలో యానిమల్ చిత్రం బాక్సాఫీస్‌ను ఫేక్ చేస్తుంది. అలాగే అథర్వ, కాలింగ్ సహస్ర వంటి చిత్రాలు కూడా బాక్సాఫీసు ముందుకు వచ్చాయి. మరి ఈ వారం థియేటర్/ఓటీటీల్లో సందడి చేయడానికి ఏయే సినిమాలు ముందుకొస్తున్నాయో చూద్దాం పదండి.
హాయ్ నాన్న
తండ్రీకూతుళ్ల అనుబంధం నేపథ్యంలో తెరకెక్కిన హాయ్ నాన్న చిత్రం ఈ వారం థియేటర్లలో సందడి చేయనుంది. నేచురల్ స్టార్ నాని హీరోగా, మృణాల్ ఠాకూర్ హీరోయిన్‌గా కనిపించనున్న ఈ చిత్రం డిసెంబర్ 7న ప్రేక్షకుల ముందుకు రానుంది. శ్రుతిహాసన్, బేబీ కియారా కీలకపాత్రలు పోషించారు. ఈ సినిమాతో శౌర్యువ్ డైరక్టర్ ఇండ్రస్టీకి పరిచయం కానున్నారు.
ఇది కూడా చూడండి: Michaung Cyclone: ఎఫెక్ట్..కాలనీల్లోకి నీరు కోట్టుకుపోతున్న కార్లు!
నితిన్ ఎక్స్‌ట్రా:
ఆర్డినరీమ్యాన్‌గా ప్రేక్షకుల ముందుకు రానున్నాడు నితిన్. దర్శకుడు వక్కంతం వంశీ తెరకెక్కించిన ఈ చిత్రంలో శ్రీలీల కథానాయికగా కనిపిస్తోంది. ప్రముఖ నటుడు హీరో రాజశేఖర్ కీలక పాత్ర పోషించారు. అయితే ఇప్పటి వరకు నితిన్ నటించిన పాత్రల్లో ఈ సినిమాలోనే పాత్రే ది బెస్ట్ అని తెలిపారు. థియేటర్లలో ఈ సినిమా చూసినంత సేపు ప్రేక్షకులు నవ్వుతూనే ఉంటారని తెలిపారు. ఈ సినిమా డిసెంబర్ 8న ప్రేక్షకుల ముందుకు రానుంది.
చండిక
అలాగే వీరు, శ్రీహర్ష హీరోలుగా, కుషీచౌహన్, నిషాసింగ్ హీరోయిన్లుగా తెరకెక్కిన చిత్రం చండిక. హారర్ సస్పెన్స్ థ్రిల్లర్‌గా ప్రేక్షకుల ముందుకు రానున్న చండిక సినిమా డిసెంబర్ 8న విడుదల కానుంది.
ది అర్చీస్
జోయా అక్తర్ దర్శకత్వంలో రూపొందిన ది అర్చీస్ చిత్రం నేరుగా ఓటీటీ నెట్‌ఫ్లిక్స్‌లో డిసెంబరు 7న విడుదల కానుంది. ఈ సినిమాలో బాలీవుడ్ స్టార్ వారసులు కలిసి నటించారు. ప్రముఖ నిర్మాత బోనీ కపూర్-శ్రీదేవి దంపతుల రెండో కుమార్తె ఖుషి కపూర్, అగ్ర నటుడు షారుక్ ఖాన్ కుమార్తె సుహానా ఖాన్, అగ్రనటుడు అమితాబ్ బచ్చన్ మనవడు అగస్త్య నంద తదితరులు ఈ సినిమాలో ప్రధాన పాత్రలో పోషించారు.
ఓటీటీ విడుదల
ఇక ఆహాలో మా ఊరి పొలిమేర 2 డిసెంబరు 8న స్ట్రీమింగ్ కానుంది. ఆహా గోల్డ్ చందాదారులకు డిసెంబర్ 7 నుంచే అందుబాటులో ఉండనుంది. జిగర్ తండ, డబుల్ ఎక్స్ డిసెంబర్ 8 నుంచి తెలుగుతో పాటు పలు భాషల్లో నెట్‌ఫ్లిక్స్‌లో స్ట్రీమింగ్ కానుంది. అలాగే లీవ్ ది వరల్డ్ బిహైండ్ అనే హాలివుడ్ సినిమా కూడా డిసెంబర్ 8 నుంచి స్ట్రీమింగ్ కానుంది. ధక్ ధక్ అనే హిందీ సినిమా డిసెంబర్ 8 నుంచి స్ట్రీమింగ్ కానుంది. డిస్నీ+హాట్‌స్టార్‌లో వధువు వెబ్‌సిరీస్ డిసెంబర్ 8న తెలుగు సహా పలు భాషల్లో రానుంది. అమెజాన్ ప్రైమ్ వీడియోలో మస్త్ మే రహ్నే కా హిందీలో డిసెంబర్ 8న స్ట్రీమింగ్ కానుంది. జీ 5లో కడక్ సింగ్ హిందీ డిసెంబర్ 8న, సోనీలివ్‌లో చమక్ వెబ్‌సిరీస్ డిసెంబర్ 7న స్ట్రీమింగ్ కానుంది.
ఇది కూడా చూడండి: Hi Nannaలో నాని-శృతి లవ్ స్టోరీ వెరీ ఇంట్రెస్టింగ్‌
