Trisha: సినీ కెరీర్‌ ప్రారంభించి రెండు దశాబ్దాలు దాటినా కూడా ఇప్పటికీ క్రేజీ ప్రాజెక్ట్స్‌‌తో స్టార్ హీరోయిన్గా సత్తా చాటుతోంది చెన్నై బ్యూటీ త్రిష. ఈ జనరేషన్ యంగ్ హీరోయిన్లకు ధీటుగా దూసుకుపోతోంది. పొన్నియలన్ సెల్వన్‌తో సాలిడ్ బౌన్స్ బ్యాక్ అయిన త్రిష.. చివరగా విజయ్ లియో సినిమాతో మంచి విజయాన్ని అందుకుంది. ప్రస్తుతం తమిళ్, మళయాళంలో కొన్ని భారీ ప్రాజెక్ట్స్ చేస్తోంది. ఇక ఇప్పుడు తెలుగులో రీ ఎంట్రీ ఇవ్వడానికి రెడీ అయింది. గత కొన్ని రోజులుగా త్రిష టాలీవుడ్ రీ ఎంట్రీ అనే వార్తలను నిజం చేస్తూ.. మెగాస్టార్ చిరంజీవి ‘విశ్వంభర’ సినిమాతో జోడి కట్టింది.
ఇది కూడా చూడండి: Vijay Devarakonda: అల్లు అర్జున్ తర్వాతి ప్లేస్‌లో విజయ్ దేవరకొండ!
దాదాపు ఎనిమిదేళ్ల తర్వాత టాలీవుడ్‌లోకి రీఎంట్రీ ఇస్తున్న త్రిష.. చివరగా 2016లో నాయ‌కి అనే సినిమా చేసింది త్రిష. ఆ తర్వాత టాలీవుడ్‌కు దూర‌మై కోలీవుడ్‌కే పరిమితమైంది. ఇప్పుడు చిరుతో రొమాన్స్ చేయడానికి రెడీ అయింది. గ‌తంలో 2006లో చిరంజీవి సరసన స్టాలిన్ సినిమాలో హీరోయిన్గా నటించింది త్రిష. ఇప్పుడు దాదాపు ప‌ద్దెనిమిదేళ్ల తర్వాత విశ్వంభ‌ర‌లో మ‌ళ్లీ చిరంజీవి, త్రిష జంటగా నటిస్తుండడం ఆసక్తికరంగా మారింది.
ఇది కూడా చూడండి: Ap Assembly: ఏపీ అసెంబ్లీ వద్ద టెన్షన్ టెన్షన్
ఇటీవ‌లే విశ్వంభర సెట్స్‌లో చిరంజీవి అడుగుపెట్టగా.. తాజాగా త్రిష కూడా సెట్స్‌లో అడుగుపెట్టినట్టుగా ఓ వీడియోను షేర్ చేశారు మేకర్స్. దీంతో విశ్వంభ‌ర‌లో హీరోయిన్ ఎవ‌ర‌నే స‌స్పెన్స్‌కు తెర‌ప‌డింది. సోషియో ఫాంట‌సీ డ్రామాగా తెర‌కెక్కుతోన్న విశ్వంభర సినిమాకు బింబిసార ఫేమ్ వ‌శిష్ట మ‌ల్లిడి ద‌ర్శ‌క‌త్వం వ‌హిస్తున్నాడు. సంక్రాంతి కానుకగా 2025 జ‌న‌వ‌రి 10న విశ్వంభర రిలీజ్ కాబోతోంది. ఏదేమైనా.. త్రిషకు తెలుగు రీ ఎంట్రీ ఎలా కలిసొస్తుందో చూడాలి.
