Tillu Square day 5 box office collection: గత శుక్రవారం విడుదలైన టిల్లు స్క్వేర్ సినిమా బాక్సాఫీస్ దగ్గర దూసుకెళుతోంది. సిద్ధు జొన్నలగడ్డ, అనుపవ పరమేశ్వరన్‌ నటించిన ఈ సినిమా అంచనాలను మించి మంచి కలెక్షన్లను రాబడుతోంది. గత ఐదు రోజుల్లో అంటే గత శుక్రవారం నుంచి మంగళవారం వరకు బాగానే కలెక్షన్లను రాబట్టింది. ఆ మొత్తం కలెక్షన్లు రూ.85కోట్లు కావడం విశేషం. ఈ విషయాన్ని సినిమా మేకర్లు సోషల్‌ మీడియా పోస్ట్‌ ద్వారా అభిమానులతో పంచుకున్నారు. సితార ఎంటర్మైన్మెంట్స్‌ సంస్థ సోషల్‌ మీడియా వేదిగా ఈ విషయాలను వెల్లడించింది. మన స్టార్ బాయ్‌ అన్ని చోట్లా రికార్డులు బ్రేక్‌ చేస్తున్నాడంటూ క్యాప్షన్‌ ఇచ్చింది.
చదవండి : దిల్లీ సీఎంగా సునీతా కేజ్రీవాల్?
టిల్లు స్క్వేర్(Tillu Square) సినిమా విడుదల కాకముందే నిర్మాత నాగ వంశీ దీని విజయంపై చాలా కాన్ఫిడెంట్గా ఉన్నారు. రూ.100 కోట్ల గ్రాస్‌ వసూలు చేస్తుందని చెప్పారు. అలాగే ఇప్పుడు ఈ సినిమా వంద కోట్ల దిశగా దూసుకుని వెళుతోంది. బాక్సాఫీస్ దగ్గర డబుల్‌ బ్లాక్‌ బస్టర్ రన్‌ కొనసాగుతోంది. మొదటి వీకెండ్‌ లోపలే రూ.68 కోట్లు వసూలు చేసిన ఈ సినిమా తర్వాత వీడ్‌ డేస్‌లోనూ అదే జోరును కొనసాగిస్తుండటం విశేషం.
చదవండి : ఏపీ బడుల్లో ‘వాటర్‌ బెల్‌’
సోమవారం రూ.10 కోట్లు, మంగళవారం ప్రపంచవ్యాప్తంగా ఈ సినిమా రూ.7 కోట్లు వసూలు చేసింది. ఈ శుక్రవారం (ఏప్రిల్ 5) విజయ్ దేవరకొండ ఫ్యామిలీ స్టార్ సినిమా తప్ప మరే సినిమా పెద్ద పోటీ ఇచ్చే అవకాశం లేదు. వచ్చే వారం ఉగాది, రంజాన్ హాలిడేస్ ఉండటంతో టిల్లూ స్క్వేర్ జోరు కొనసాగేలా కనిపిస్తోంది.
