These Rumours Boosts Mega Fans
మెగాస్టార్ చిరంజీవి ఇటీవల భోళా శంకర్ మూవీతో ప్రేక్షకుల ముందుకు వచ్చారు. ఈ సినిమా పెద్దగా ఆకట్టుకోలేకపోయింది. దీంతో, ఈ సారి పక్కా హిట్టు కొట్టాలని చాలా జాగ్రత్తగా అడుగులు వేస్తున్నారు. ఇందులో భాగంగా సినిమాలను ఎంచుకుంటున్నారు. ఆయన పుట్టిన రోజు సందర్భంగా కొత్త సినిమా అప్ డేట్ ఇచ్చిన విషయం తెలిసిందే.
బింబిసార ఫేమ్ వశిష్ట, చిరు తదుపరి మూవీకి దర్శకత్వం వహించనున్నారు. ఇప్పటికే విడుదల చేసిన కాన్సెప్ట్ పోస్టర్ విపరీతంగా ఆకట్టుకుంటోంది. పోస్టర్‌లో మొత్తం ఐదు అంశాలను కలిగి ఉన్న చిహ్నాన్ని జోడించారు, ఇది వాస్తవానికి చాలా ఆసక్తికరమైంది. దీంతో, ఈ మూవీ నార్మల్‌గా కాకుండా, భిన్నంగా ఉంటోందని తెలుస్తోంది.
చదవండి: Ram Charan కోసం మాస్టర్ ప్లాన్ వేస్తున్న బుచ్చిబాబు..?
నిర్మాతలు, యూవీ క్రియేషన్ వారు భారీ ఎత్తున నిర్మిస్తున్న సినిమాకు సంబంధించి మూడు ప్రధాన ప్రత్యేకతలు ఉన్నాయి. మెగాస్టార్ నటించిన సినిమాకి ఉపయోగించిన విజువల్ ఎఫెక్ట్స్ ఈ సినిమాకి వాడతారా అనేది మొదటి విషయం. సినిమాలోని కొన్ని వీఎఫ్‌ఎక్స్ పార్ట్‌లను షూట్ చేయడానికి చిరుతోపాటు టీమ్ కూడా ఫారిన్ డెస్టినేషన్‌కు వెళ్లనున్నట్లు వినికిడి. ఆ సన్నివేశాలకు ఒక అగ్రశ్రేణి హోలీవుడ్ CG కంపెనీ పనిచేయనున్నట్లు తెలుస్తోంది.
మరో విషయం ఏమిటంటే, ఈ చిత్రం మెగాస్టార్‌ను రెండు లుక్‌లలో చూపించనుంది. ఒక లుక్‌లో చాలా ప్రొస్తెటిక్ మేకప్, ఇతర VFX జోడింపులు ఉంటాయి. దీని గురించి అధికారిక ప్రకటన రావాల్సి ఉంది. చిరు మొట్ట మొదటి పాన్ ఇండియా సినిమా ఇది కావడం విశేషం.
