Then with the heroine, now with Pawan? Why Krish?
Krish: డైరెక్టర్ క్రిష్ గురించి అందరికీ తెలిసిందే. గమ్యం, వేదం, కంచె లాంటి చిత్రాలతో ప్రేక్షకులను ఎంతగానో అలరించాడు క్రిష్. అయితే.. చివరగా చేసిన కొండపొలం సినిమాతో ఏ మాత్రం మెప్పించలేకపోయాడు. ఇక దీని తర్వాత పవర్ స్టార్ పవన్ కళ్యాణ్‌తో హరిహర వీరమల్లు సినిమాను చాలా గ్రాండ్‌గా మొదలు పెట్టాడు. దాదాపు మూడున్నరేళ్ల క్రితం ఈ సినిమా సెట్స్ మీదకు వెళ్లింది. అయితే.. ఈ సినిమా తర్వాత మొదలైన ‘భీమ్లా నాయక్’, ‘బ్రో’ సినిమాలు రిలీజ్ అయ్యాయి. ఓజి, ఉస్తాద్ భగత్ సింగ్ కొంత వరకు జెట్ స్పీడ్‌లో షూటింగ్ జరుపుకున్నాయి. కానీ ‘హరి హర వీరమల్లు’ షూటింగ్ మాత్రం ఇంకా పూర్తి కాలేదు. తాజాగా ఈ సినిమా టీజర్ రిలీజ్ చేశారు మేకర్స్. ఈ సందర్భంగా.. క్రిష్ ఈ ప్రాజెక్ట్ నుంచి తప్పుకున్నట్టుగా ప్రకటించారు. క్రిష్ ప్లేస్‌లో ఏఎం. రత్నం తనయుడు జ్యోతి కృష్ణ దర్శకత్వం వహించనున్నాడు.
చదవండి:Amitabh Bachchan: ఇది మహాయుద్ధం.. విజయం ముందు మీరు తలవంచొద్దు!
పవన్‌ను జ్యోతి కృష్ణ హ్యాండిల్ చేస్తాడా? లేదా? అనేది పక్కన పెడితే.. క్రిష్ ఈ ప్రాజెక్ట్ నుంచి ఎందుకు తప్పుకున్నాడనేది హాట్ టాపిక్‌గా మారింది. గతంలో.. కంగనా రనౌత్ ‘మణికర్ణిక’ విషయంలో కూడా ఇదే జరిగింది. కంగనా రనౌత్ లీడ్ రోల్‌లో క్రిష్ ఆ సినిమా మొదలు పెట్టారు. కానీ చివర్లో కంగనా, క్రిష్ మధ్య క్రియేటివ్ డిఫరెన్సెస్ రావడంతో.. ఆ ప్రాజెక్టు నుంచి తప్పుకున్నాడు. ఇక అప్పుడు కూడా హరిహర వీరమల్లు మరో 30 శాతం షూటింగ్ బ్యాలెన్స్ ఉండగా తప్పుకున్నాడు. ఇప్పుడు కూడా పవన్‌తో క్రియేటివ్ డిఫరెన్సెస్ కారణంగానే క్రిష్ తప్పుకున్నాడని ఇండస్ట్రీ టాక్. ప్రస్తుతం క్రిష్, అనుష్కతో ఓ సినిమా చేస్తున్నాడు. మరి ఈ సినిమా అయిన కంప్లీట్ అవుతుందో లేదో చూడాలి.
చదవండి:Pushpa2: పుష్ప2.. బన్నీ కెరీర్‌లోనే ఇది రికార్డ్?
