SSMB 29: సంక్రాంతికి గుంటూరు కారం సినిమాతో ఆడియెన్స్ ముందుకు వచ్చాడు మహేష్ బాబు. రమణగాడి దెబ్బకు బాక్సాఫీస్ దగ్గర వసూళ్లు బాగానే వచ్చాయి. విడుదలైన వారం రోజుల్లోనే 200 కోట్లకు పైగా గ్రాస్ వసూలు చేసింది. కానీ ఇంకా బ్రేక్ ఈవెన్ మార్క్ టచ్ చేయలేదు. ఇదిలా ఉంటే.. గుంటూరు కారం సినిమా అలా థియేటర్లోకి వచ్చిందో లేదో.. వెంటనే రాజమౌళి ప్రాజెక్ట్ కోసం రంగంలోకి దిగిపోయాడు సూపర్ స్టార్ మహేష్ బాబు.
ఇది కూడా చూడండి:Australia: గోల్డెన్ వీసాకు గుడ్‌బై.. భారత్‌పై ప్రభావం పడనుందా?
రీసెంట్‌గా జర్మనీకి కూడా ఎస్ఎస్ఎంబీ 29 వర్క్ కోసమే వెళ్లాడు మహేష్. అక్కడ ఓ ఫిట్నెస్ ఎక్స్పర్ట్‌ని కలిసేందుకు వెళ్లారు. ఆయన వద్ద కొద్దిరోజులు ట్రైనింగ్ తీసుకోబోతున్నట్లు సమాచారం. ఇక ఈ సినిమాకి సంబంధించి స్క్రిప్ట్ వర్క్ పూర్తయిందని ఇటీవలె విజయేంద్ర ప్రసాద్ చెప్పుకొచ్చారు. అలాగే ఈ సినిమా కథాంశం ఇండియానా జోన్స్ సిరీస్‌ని పోలి ఉంటుందని అన్నారు. ఇక ఇప్పుడు లాంచింగ్‌కు ముహూర్తం ఫిక్స్ అయినట్టుగా తెలుస్తోంది.
ఇది కూడా చూడండి: Ayodhya: అయోధ్యలో రామప్రతిష్ట.. ఆదిపురుష్ డైరెక్టర్ కి మళ్లీ తిప్పలు..!
ఖచ్చితంగా సమ్మర్‌లో ఈ భారీ ప్రాజెక్ట్ సెట్స్ పైకి వెళ్లడం గ్యారెంటీ. ఈ సినిమా కోసం సుమారు వెయ్యి కోట్ల బడ్జెట్ కేటాయిస్తున్నట్లు తెలుస్తోంది. ఈ ప్రాజెక్ట్ కోసం మహేష్ రెండేళ్లకు పైగా సమయాన్ని కేటాయించనున్నాడు. త్వరలోనే ఇలాంటి విషయాలపై క్లారిటీ రానుంది. ఈ ఏడాది ఉగాది కానుకగా ఏప్రిల్ 9న పూజా కార్యక్రమాలతో గ్రాండ్‌గా ఎస్ఎస్ఎంబీ 29 లాంచ్ చేయబోతున్నారట. ఈ విషయంలో ఇంకా క్లారిటీ లేదు గానీ.. వరుసగా ఎస్ఎస్ఎంబీ 29 అప్డేట్స్ బయటకు వస్తుండడంతో మహేష్ ఫ్యాన్స్ ఫుల్ ఖుషీ అవుతున్నారు.
ఇది కూడా చూడండి: Devara: ‘దేవర’ షూటింగ్‌లో విలన్‌కు గాయాలు!
