Shahrukh's heroine Gayatri Joshi had a car accident at italy
బాలీవుడ్ నటి, షారుఖ్ ఖాన్‌తో కలిసి “స్వదేస్” చిత్రంలో యాక్ట్ చేసిన గాయత్రీ జోషి(Gayatri Joshi)..తన భర్త వికాస్ ఒబెరాయ్(Vikas Oberoi)తో కలిసి ఇటలీలో ప్రయాణిస్తున్న క్రమంలో ఘోర ప్రమాదంలో చిక్కుకుంది. గాయత్రి ప్రయాణిస్తున్న లగ్జరీ కారు ఇతర వాహనాలను, క్యాంపర్ వ్యాన్‌ను ఢీకొట్టింది. దీంతో లంబోర్గిని, ఫెరారీతో సహా అనేక వాహనాలు ఏకకాలంలో క్యాంపర్ వ్యాన్‌ను దాటి వెళ్లేందుకు ప్రయత్నించినప్పుడు సార్డినియాలోని గ్రామీణ రహదారిపై కార్లు పల్టీ కొట్టాయి.
ఆ క్రమంలో ఫెరారీలో పెద్ద ఎత్తున మంటలు చెలరేగాయి. దీంతో అందులోని దంపతులు ప్రాణాలు కోల్పోయారు. వారు స్విట్జర్లాండ్‌కు చెందిన మెలిస్సా క్రౌట్లీ(63), మార్కస్ క్రౌట్లీ(67)గా గుర్తించారు. అయితే ఈ ఘటన తర్వాత గాయత్రీ మీడియాతో మాట్లాడారు. వికాస్, తాను ఇటలీలోనే ఉన్నామని, తాము ప్రమాదానికి గురయ్యాము. కానీ దేవుడి దయతో ఇద్దరం క్షేమంగా బయపడినట్లు ఆమె స్పష్టం చేశారు. మరోవైపు ఈ ఘోర ప్రమాదానికి సంబంధించిన విజువల్స్ సోషల్ మీడియా(social media)లో చక్కర్లు కోడుతున్నాయి.
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
గాయత్రీ జోషి(Gayatri Joshi) 2004లో విమర్శకుల ప్రశంసలు పొందిన చిత్రం ‘స్వదేస్’తో బాలీవుడ్‌లోకి అడుగుపెట్టింది. ఆమె షారూఖ్ సరసన కథానాయికగా నటించింది. అయితే, ‘స్వదేస్’ తర్వాత, గాయత్రి నటనకు దూరంగా ఉండి తన వ్యక్తిగత జీవితంపై దృష్టి పెట్టాలని నిర్ణయించుకుంది. ఆ క్రమంలోనే భారతదేశంలోని ప్రముఖ రియల్ ఎస్టేట్ కంపెనీ అయిన ఒబెరాయ్ కన్‌స్ట్రక్షన్స్ మేనేజింగ్ డైరెక్టర్ వికాస్ ఒబెరాయ్‌ను ఆమె పెళ్లి చేసుకుంది. అప్పటి నుంచి ఆమె సినిమాలకు దూరంగా ఉంది. ఆ తర్వాత ఏ సినిమాలోనూ కనిపించలేదు.
ఇది కూడా చూడండి: Rana Daggubati : శర్వానంద్‌కు షాక్.. రానాకు సూపర్ ఛాన్స్!
