Shahrukh Is A Commercial Person Says Singer Abhijeeth
Shahrukh: బాలీవుడ్ ప్రముఖ సింగర్స్ లో అభిజిత్ భట్టాచార్య ఒకరు. చాలా పాటలు పాడారు. షారూక్ (Shahrukh) కెరీర్ మొదట్లో అభిజీత్ చాలా పాటలు కూడా పాడారు. అంజామ్‌లోని “బడి ముష్కిల్ హై”, దిల్‌వాలే దుల్హనియా లే జాయేంగేలోని “జరా సా ఝూమ్ లూన్ మే” యెస్ బాస్‌లోని “మెయిన్ కోయి ఐసా గీత్” నుంచి బాద్‌షా, “తుమ్హే”లోని టైటిల్ ట్రాక్ వరకు వారి అత్యంత ప్రసిద్ధి చెందిన కొన్ని పాటలను పాడారు. మై హూ నాలో జో మైనే దేఖా”, ఓం శాంతి ఓంలోని “ధూమ్ తానా”, వీరిద్దరి సంగీత భాగస్వామ్యం నిజంగా ఐకానిక్‌గా ఉంది.
చదవండి: Shock ఇస్తున్న ‘యానిమల్’ టికెట్ రేట్స్!
బిల్లూ (2009) తర్వాత అభిజిత్ ఎప్పుడూ తన వాయిస్‌ని షారూక్ ఖాన్‌కి (Shahrukh) ఇవ్వలేదు. యూట్యూబ్ ఛానెల్‌తో మాట్లాడుతూ.. తమ మధ్య ఉన్న వ్యక్తిగత విభేదాలను పరిష్కరించడానికి రెండుసార్లు ప్రయత్నించినప్పటికీ, ఫలించలేదని పేర్కొన్నాడు. షారుక్ చాలా కమర్షియల్ వ్యక్తి అని, అతను ఇతరులను ఉపయోగించుకుంటాడు. అతని విజయ మార్గం నుంచి ఎవరినైనా దూరం చేస్తాడు అని ఆరోపించారు.
అభిజిత్ జాతీయవాది టాపిక్ పై మాత్రం షారూక్ ఖాన్‌పై ప్రశంసలు కురిపించాడు. తనను దేశ వ్యతిరేకిగా ముద్ర వేయడం సరికాదన్నారు. చాలా మంది అలా ప్రయత్నించారు, కానీ షారుక్ కంటే పెద్ద జాతీయవాది లేరు. “ఖాన్లలో, షారుక్ మాత్రమే జాతీయవాది. ఇతరులకు నిజంగా దేశంతో సంబంధం లేదు, ” అని నొక్కి చెప్పారు.
అభిజీత్ భట్టాచార్య బెంగాలీ చిత్రం అపరూప (1982) కోసం RD బర్మన్ స్వరపరిచిన పాటలో ఆశా భోంస్లేతో కలిసి పాడటం ద్వారా తన వృత్తిని ప్రారంభించాడు. ఆయన 1,000 చిత్రాలకు పైగా తన గాత్రాన్ని అందించాడు.
