shah rukh khan pathaan enters 100 crore club
Pathaan : పఠాన్ మూవీ రిలీజ్ కి ముందే చాలా అవాంతరాలు వచ్చాయి. సినిమాను విడుదల కానివ్వకుండా చాలామంది అడ్డుకున్నారు. అయినా కూడా అన్ని అడ్డంకుల మధ్య పఠాన్ మూవీ ప్రపంచవ్యాప్తంగా విడుదలైంది. బాలీవుడ్ బాద్ షా షారుఖ్ ఖాన్ దాదాపు 5 ఏళ్ల తర్వాత మళ్లీ వెండి తెర మీద చరిత్ర సృష్టించాడు. వసూళ్ల సునామీని సృష్టించాడు. ఓవర్ ఆల్ గా సినిమా విడుదలైన తొలి రోజే రూ.100 కోట్ల వసూళ్లు సాధించి సరికొత్త రికార్డు క్రియేట్ చేశారు.
మన దేశంలో అన్ని భాషల్లో కలిపి డొమెస్టిక్ బాక్సాఫీసు వద్ద తొలి రోజు రూ.67 కోట్ల గ్రాస్ కలెక్షన్లను పఠాన్ వసూలు చేసింది. ఇక విదేశాల్లో అన్ని చోట్ల కలిపి మరో రూ.36 కోట్ల గ్రాస్ ను పఠాన్ వసూలు చేసింది. రెండు కలిపితే తొలి రోజే ప్రపంచవ్యాప్తంగా బాక్సాఫీసు వద్ద రూ.100 కోట్ల క్లబ్ లో చేరింది పఠాన్.
పఠాన్ మూవీకి అభిమానుల తాకిడి పెరగడంతో పలు చోట్ల మిడ్ నైట్ షోలను ఏర్పాటు చేశారు. రాత్రి 12.30 తర్వాత చాలా థియేటర్లలో, మాల్స్ లో మిడ్ నైట్ షోలను ఏర్పాటు చేసినట్టు ట్రేడ్ అనలిస్ట్ తరణ్ ఆదర్శ్ ట్వీట్ చేశారు. సినిమా విడుదల కాకముందు చాలా చిక్కుల్లో పడినా.. విడుదల తర్వాత సినిమాకు పాజిటివ్ టాక్ వస్తుండటంతో సినిమా యూనిట్ ఫుల్ హ్యాపీగా ఉంది. ఇక.. ఈ సినిమాలో షారుఖ్ తో పాటుగా ముఖ్య పాత్రల్లో దీపికా పదుకొణె, జాన్ అబ్రహం నటించారు.
