Salaar: పాన్ ఇండియా స్టార్ హీరో ప్రభాస్ నటించిన సలార్ సినిమా డిసెంబర్ 22న ప్రపంచవ్యాప్తంగా థియేటర్స్‌లో సందడి చేయనుంది. రిలీజ్ కాకుండానే ఈ చిత్రం కలెక్షన్ల వర్షం కురిపిస్తోంది. నిన్న రాత్రి అడ్వాన్స్ బుకింగ్స్ ఓపెన్ కాగా.. బుక్ మై షో యాప్ క్రాష్ అయిన విషయం తెలిసిందే. తర్వాత ఒక్కో థియేటర్ టికెట్లను విడుదల చేసింది. సలార్ మూవీ టికెట్లు దేశ వ్యాప్తంగా 6,78,292కు పైగా అమ్ముడయ్యాయి. సినిమా విడుదల కాకుండానే రూ. 14.88 కోట్లు వచ్చినట్లు తెలుస్తోంది. రిలీజ్ కాకుండానే కాసుల వర్షం కురిపిస్తోంది.
ఇది కూడా చూడండి: Sarkaaru Noukari Trailer: ఆసక్తి రేపుతున్న ట్రైలర్
బాలీవుడ్ బాద్ షా షారుఖ్ ఖాన్ నటించిన డంకీ చిత్రం డిసెంబర్ 21న విడుదల కానుంది. ఈ మూవీకి దేశవ్యాప్తంగా 3,41,500 టికెట్లు అమ్ముడు కాగా.. రూ. 10.70 కోట్లు వచ్చాయట. అడ్వాన్స్ బుకింగ్స్‌లో డంకీని క్రాస్ చేసి మరి సలార్ రికార్డులు సృష్టిస్తోంది. కేజీఎఫ్ ఫేమ్ ప్రశాంత్ నీల్ డైరెక్షన్‌లో తెరకెక్కిన ఈ మూవీలో ప్రభాస్ సరసన హీరోయిన్‌గా శ్రుతిహాసన్ నటించింది. తెలంగాణ రాష్ట్రంలో స్పెషల్ షో నిర్వహించడానికి ప్రభుత్వం అనుమతి కల్పించింది. ఏపీలో స్పెషల్ షోలకు ప్రభుత్వం అనుమతి ఇవ్వలేదు.
ఇది కూడా చూడండి: Pawan Kalyan: జనసేన అధినేత పవన్ కళ్యాణ్‌కు స్వల్ప అస్వస్థత!
