ప్రస్తుతం మూవీ లవర్స్ అంతా సలార్ సక్సెస్‌ను ఎంజాయ్ చేస్తున్నారు. హమ్మయ్య.. ఎట్టకేలకు ప్రభాస్‌కు హిట్ పడిందని ఊపిరి పీల్చుకుంటున్నారు. అలాగే.. సలార్ పార్ట్ 2 గురించి ఓ రేంజ్‌లో ఊహించుకుంటున్నారు. సలార్‌లో చాలా విషయాలను హైడ్ చేశాడు ప్రశాంత్ నీల్. ఏది కూడా పూర్తిగా చూపించుకుండా.. అన్నీ సెకండ్ పార్ట్‌లో చూడమని చెప్పేశాడు. దీంతో.. సలార్ 2 ఇలా ఉంటుంది, అలా ఉంటుంది అనే చర్చ జరుగుతోంది. సలార్ పార్ట్ 1 క్లైమాక్స్‌లో.. పార్ట్ 2 టైటిల్ శౌర్యాంగ పర్వం అని.. దేవరథ శౌర్యాంగ తెగకు చెందిన వాడని, పార్ట్ 2లో ఇంతకుమించి ఊచకోత ఉంటుందని.. మధ్యలోనే సినిమాను కట్ చేశాడు ప్రశాంత్ నీల్. కాబట్టి.. సలార్ 2 ఎప్పుడుంటుందా? అని అంతా వెయిట్ చేస్తున్నారు.
చదవండి: NTR: న్యూ ఇయర్ సెలబ్రేషన్స్.. ఎన్టీఆర్ ఏ దేశం వెళ్లాడో తెలుసా?
తాజాగా ఇదే విషయాన్ని ప్రభాస్ కూడా చెప్పుకొచ్చాడు. ‘సలార్’ హిట్ టాక్ రావడంతో.. హాలీవుడ్ మీడియాకు స్పెషల్ ఇంటర్వ్యూ ఇచ్చాడు ప్రభాస్. అద్భుతమైన స్క్రిప్ట్, టాలెంటెడ్ టీమ్‌తో కలిసి పని చేసే అవకాశం రావడంతోనే ఈ ప్రాజెక్టు చేయాలని భావించినట్లు చెప్పుకొచ్చాడు. సలార్ కథనం, క్యారెక్టర్ బాగా అట్రాక్ట్ చేసిందని.. సలార్ ఓ అద్భుతమైన ఎక్స్పీరియన్స్ అని అన్నాడు. పార్ట్ 1 ఎక్కడ ఆగిందో అక్కడ నుంచే పార్ట్ 2 మొదలవుతుంది.. కానీ పార్ట్ 1 కంటే శౌర్యాంగ పర్వం మరింత గ్రాండ్‌గా అద్భుతంగా ఉంటుందన్నారు.
చదవండి: OTT: ఓటీటీలోకి 27 సినిమాలు..అవన్నీ ఆరోజే
అలాగే.. నెక్స్ట్ రాబోతున్న నాగ్ అశ్విన్ ‘కల్కి’, సందీప్ రెడ్డి వంగ ‘స్పిరిట్’ కోసం.. తాను కూడా ఎదురు చూస్తున్నానని తెలిపాడు. దీంతో ఈ కామెంట్స్ వైరల్‌గా మారాయి. ఏదేమైనా.. సలార్ పార్ట్ 2 మాత్రం నెక్స్ట్ లెవెల్లో ఉంటుందని చెప్పొచ్చు. ఇప్పటికే కొంతమేర పార్ట్ 2 షూటింగ్ కంప్లీట్ చేశారు. కానీ ఎప్పుడు రిలీజ్ అవుతుందనే విషయంలో మాత్రం క్లారిటీ లేదు.
