Vijay Varma: కరీనా కపూర్ పుట్టినరోజు సందర్భంగా తను నటించిన తాజా చిత్రం ‘జానే జాన్’ ఓటీటీలోకి వచ్చింది. సెప్టెంబర్ 21 నుంచి ‘జానే జాన్’ నెట్‌ఫ్లిక్స్‌లో లైవ్ స్ట్రీమింగ్ లో ఉంది. కరీనాతో పాటు విజయ్ వర్మ, జైదీప్ అహ్లావత్ కూడా ఈ చిత్రంలో ప్రధాన పాత్రల్లో కనిపించారు. ‘జానే జాన్’ చిత్రానికి సుజోయ్ ఘోష్ దర్శకత్వం వహించారు. విజయ్ వర్మ ‘జానే జాన్’లో కరీనా కపూర్‌తో తన అనుభవాన్ని పంచుకున్నారు. కరీనా నటిగా తానేంటో అందరికీ తెలుసన్నారు. పని పట్ల తాను ఎంతో స్ట్రిక్ట్ గా వ్యవహరిస్తుందన్నారు. ఇందుకు షూటింగ్ సమయంలో జరిగిన ఓ సంఘటనను ఉదాహరణగా చెప్పారు. ఓ సన్నివేశం చిత్రీకరిస్తున్నప్పుడు కాస్త గాప్ రాగా తినేందుకని కూర్చొంది. ఆ సమయంలో డైరెక్టర్ సుజోయ్ వచ్చి షాట్ రెడీ అని చెప్పగానే తినే ప్లేట్ ముందు నుంచి లేచి వెళ్లిపోయిందన్నాడు.
చదవండి: Vivek Venkataswamy: భారత్‌తో వ్యాపార బంధం పెట్టుకుంటే చైనా పని ఖతం..
తమన్నా ప్రియుడు విజయ్ వర్మ కరీనా గురించి మరో ఇంట్రెస్టింగ్ విషయం వెల్లడించాడు. కరీనా కపూర్ గురించి ఆయన చేసిన కామెంట్స్ ప్రస్తుతం వైరల్ అవుతున్నాయి. కరీనాలో కొంత మార్పు వచ్చిందని, దానికి తాను చాలా ఇంప్రెస్ అయ్యానని విజయ్ చెప్పాడు. ఇంతకుముందు విజయ్ వర్మ కరీనాతో రొమాంటిక్ సన్నివేశాలు చేసిన అనుభవాన్ని పంచుకున్నారు. సినిమాలో ఆమె విజయ్ వర్మకు ప్రత్యేకంగా చూస్తూ పాడే సన్నివేశం ఉంది. ఆ సీన్ రాగానే తనకు చెమటలు పట్టాయని తెలిపాడు. కరీనా పెర్ఫార్మెన్స్ చేసినప్పుడు చాలా అందంగా కనిపిస్తుందని, ఆమెలో టాలెంట్ ఉందని తనకు తెలుసని విజయ్ చెప్పాడు. విజయ్ వర్మ ప్రస్తుతం తమన్నాతో డేటింగ్ లో ఉన్నారు. వీరిద్దరు ఎక్కడికైనా చెట్టా పట్టాలు వేసుకుని తిరుగుతున్నారు. త్వరలో వీరు పెళ్లి చేసుకోబోతున్నట్టు ప్రచారం జరుగుతోంది.
చదవండి:Drugs Case: డ్రగ్స్‌ కేసులో మరో ట్విస్ట్.. నిందితుల సెల్‌ఫోన్లలో సెలబ్రిటీల పేర్లు
