Ravi Teja reacts on Vikramarkudu sequel in Tiger Nageswara Rao movie promotion
Vikramarkudu 2: ఏడాదికి రెండు సినిమాలతో అలరించే హీరోల్లో మాస్ మహారాజ రవితేజ (Raviteja) ముందు వరుసలో ఉంటారు. ప్రస్తుతం టైగర్ నాగేశ్వరరావు (Tiger Nageswara Rao) చిత్రంతో ప్రేక్షకులను అలరించడానికి సిద్ధం అయ్యాడు. అక్టోబర్ 20వ తేదీన మూవీ విడుదల అవుతుంది. మూవీ యూనిట్ ప్రమోషన్లో బిజీగా పాల్గొంది. రవితేజ ఓ ఇంటర్వ్యూలో మాట్లాడుతూ.. చిత్రం గురించి, తన అప్ కమింగ్ ప్రాజెక్ట్‌ల గురించి ఆసక్తికరమైన విషయాలను తెలియజేశారు.
చదవండి:GarboSong: ప్రధాని మోడీ రాసిన పాట అదుర్స్..మీరు చుశారా?
ధమాకా చిత్రంతో ఫుల్ లెంగ్త్ కామెడీ ఎంటర్‌టైనర్ అందించి, ఇప్పుడు యాక్షన్ మూవీ టైగర్ నాగేశ్వరరావుతో వస్తున్నానని తెలిపారు. తరువాత మళ్లీ అవుట్ అండ్ అవుట్ కామెడీ చిత్రాన్ని తెరకెక్కించబోతున్నట్లు చెప్పారు. ఆ మూవీలో బ్రహ్మనందం కూడా ఉంటారని పేర్కొన్నారు. తరువాత ఓ సైన్స్ ఫిక్షన్ కథ ఓకే చేశానని.. త్వరలో దానికి సంబంధించిన వివరాలను మేకర్స్ తెలియజేస్తారని వెల్లడించారు. తన కెరియర్‌లో బ్లాక్ బస్టర్ చిత్రం విక్రమార్కుడు సీక్వెల్ గురించి రవితేజ మాట్లాడారు. గతంలో ఈ చిత్రానికి పార్ట్2 వస్తున్నట్లు వార్తలు వచ్చాయని, సీక్వెల్ గురించి డైరెక్టర్ రాజమౌళి ఇప్పటి వరకు తనతో ఏం మాట్లాడలేదని తెలిపారు. రాజమౌళితో సినిమా చేయడానికి తాను ఎప్పుడు సిద్ధంగానే ఉంటానని పేర్కొన్నారు. ప్రస్తుతం విడుదలకు రెడీగా ఉన్నా టైగర్ నాగేశ్వరరావు చిత్రం గురించి మాట్లాడుతూ.. ఇది కచ్చితంగా తన అభిమానులకు నచ్చుతుందని, పాన్ ఇండియా రేంజ్‌లో తెరకెక్కుతున్న ఈ మూవీ కచ్చితంగా ఓ మ్యాజిక్ క్రియేట్ చేస్తుందని రవితేజ వెల్లడించారు. 1970లలో స్టూవర్ట్‌పురంలో గజ దొంగ నాగేశ్వరరావు జీవిత కథ ఆధారంగా సినిమాను తెరకెక్కిస్తున్నారు. రవితేజ సరసన నుపుర్ సనన్, గాయత్రి భరత్వాజ్ హీరోయిన్లుగా నటించారు. రేణు దేశాయ్ ముఖ్యపాత్రలో కనిపిస్తారు.
చదవండి:Mission Raniganj: ఆస్కార్ బరిలో అక్షయ్ కుమార్ మూవీ
