Ranbir Kapoor's Animal created a record in advance booking
Animal record: బాలీవుడ్ మిల్క్ బాయ్ రణబీర్ కపూర్(Ranbir Kapoor) నటిస్తున్న తాజా చిత్రం యానిమల్(Animal ). ఈ సినిమా అతని కెరియర్ బిగ్గెస్ట్ హిట్‌గా నిలవడానికి ఇంకా రెండు రోజులు మాత్రమే మిగిలి ఉంది. సందీప్ రెడ్డి వంగా దర్శకత్వం వహించిన ఈ చిత్రం డిసెంబర్ 1న హిందీ, తమిళం, తెలుగులో థియేటర్లలో విడుదలకు సిద్ధం అయింది. ఈ సందర్భంగా Sacnilk.com అనే వెబ్‌సైట్ తాజాగా ఓ నివేదిక వెలువరించింది. యానిమల్ అడ్వాన్స్ బుకింగ్‌లలో ఇప్పటికే ₹9.75 కోట్లు సంపాదించిందని తెలిపింది.
చదవండి:Shahrukh కమర్షియల్.. సింగర్ షాకింగ్ కామెంట్స్..!
యానిమల్(Animal ) మూవీ బాక్సాఫీస్ వద్ద మంచి వసూళ్లను సాధిస్తుందని మేకర్స్ అంచనా వేస్తున్నారు. భారతదేశంలోని 7,200 షోలలో 3,34,173 టిక్కెట్లు అమ్ముడయ్యాయని Sacnilk.com తాజా నివేదిక పేర్కొంది. ఇది భారతదేశంలోని అన్ని థియేటర్లో, అన్ని భాషల్లో అడ్వాన్స్ టిక్కెట్ విక్రయాల మొత్తం ₹9.75 కోట్లకు చేరుకుంది. తెలుగు వెర్షన్ ₹91.48 లక్షల వ్యాపారం చేసింది. 643 షోలకు 58,465 టిక్కెట్లను విక్రయించిందని నివేదికలో పేర్కొంది. హైదరాబాద్‌లో జరిగిన యానిమల్ ప్రమోషనల్‌ ఈవెంట్‌లో మహేష్‌బాబు(Maheshbabu) ముఖ్య అతిథిగా పాల్గొన్నారు. ఈ కార్యక్రమంలో మాట్లాడుతూ.. రణబీర్ కపూర్‌కు వీరాభిమానిని, భారతదేశంలో అత్యుత్తమ నటుడు అని అన్నారు. అలాగే ట్రైలర్ చూస్తే మెంటల్ వచ్చేసిందని తెలిపారు. తండ్రి కొడుకుల ఎమోషనల్ డ్రామాతో ఈ సినిమాను సందీప్ రెడ్డి వంగా తెరకెక్కించారు. అనిల్ కపూర్, బాబీ డియోల్, రష్మిక మందన్న ప్రధాన పాత్రల్లో నటించారు.
చదవండి:Shock ఇస్తున్న ‘యానిమల్’ టికెట్ రేట్స్!
