ప్రస్తుతం శంకర్ డైరెక్షన్లో ఆర్సీ15(ramcharan) ప్రాజెక్ట్ చేస్తున్నాడు రామ్ చరణ్. ఆర్‌ఆర్‌ఆర్‌ మూవీ తర్వాత చరణ్ నుంచి వస్తున్న పాన్ ఇండియా ప్రాజెక్ట్ ఇదే. అయితే ఈ సినిమా కంప్లీట్ అవకముందే.. తిరిగి ఇండియన్ 2 మూవీని మొదలుపెట్టేశాడు శంకర్. అందుకే జెట్ స్పీడ్‌లో దూసుకెళ్తున్న ఆర్సీ15కు కాస్త బ్రేక్ పడినట్టయింది. ఇండియన్ 2తో పాటే.. ఆర్సీ 15ని పారలల్‌గా తెరకెక్కిస్తున్నాడు శంకర్.
ఇక ఈ సినిమా టైటిల్ అండ్ ఫస్ట్ లుక్ కోసం చాలా రోజులుగా ఎదురు చూస్తున్నారు అభిమానులు. ఈ నేపథ్యంలో.. తాజాగా ఈ సినిమా టైటిల్ లాంట్ ఈవెంట్‌ను గ్రాండ్‌గా ప్లాన్ చేస్తున్నారట. ప్రస్తుతం దిల్‌ రాజు నిర్మిస్తున్న విజయ్‌ ‘వారసుడు’ సంక్రాంతికి రిలీజ్ చేసేందుకు సన్నాహాలు చేస్తున్నారు. ఈ సినిమా రిలీజ్ తర్వాత ఆర్సీ15 టైటిల్ లాంచ్(title Launch event)ను చేయబోతున్నారట. ఈ ఈవెంట్ హైదరాబాద్‌ లేదా ముంబైలలో జరగనుందని తెలుస్తోంది.
అయితే ఈ ఈవెంట్‌కు కన్నడ రాక్ స్టార్ యశ్(yash), తమిళ్ స్టార్ హీరో సూర్య(surya).. ముఖ్య అథితులుగా రాబోతున్నట్టు ప్రచారం జరుగుతోంది. అయితే.. వీళ్లే ఎందుకు గెస్ట్‌లుగా రాబోతున్నారనే సందేహం రాక మానదు. దానికి ఓ బలమైన కారణమే ఉంది.. ఆర్సీ 15 తర్వాత సూర్య, యష్‌లతో శంకర్ ఓ భారీ మల్టీ స్టారర్ మూవీ ప్లాన్ చేస్తున్నాడని చాలా రోజులుగా వినిపిస్తోంది. ఈ క్రమంలోనే వీళ్లు ముఖ్య అథితులుగా మారనున్నారని చెప్పొచ్చు. అయితే ముందు ఆర్సీ 15 ఫస్ట్ లుక్ గురించి అధికారిక ప్రకటన రావాల్సి ఉంది. త్వరలోనే దీనిపై క్లారిటీ రానుందని టాక్.
ఇది కూడా చూడండి: చిరు(Chiranjeevi) vs బాలయ్య(Balayya).. బిజినెస్‌(business competition)లోను తగ్గేదేలే!?
