Rajneena Majaka.. Jailor release day is a holiday!
Rajnikanth: గత కొంత కాలంగా సూపర్ స్టార్ రజనీకాంత్‌కు సరైన హిట్ పడటం లేదు. అలా అని తలైవా క్రేజ్ తగ్గింది అనుకుంటే పొరబడ్డట్టే. రజనీ క్రేజ్ ఏ మాత్రం తగ్గలేదని చెప్పడానికి.. ఇదో చిన్న ఉదాహరణగా చెప్పొచ్చు. రజనీ నటించిన లేటెస్ట్ ఫిల్మ్ ‘జైలర్’ ఆగష్టు 10న గ్రాండ్‌గా థియేటర్లోకి రాబోతోంది. రీసెంట్‌గా రిలీజ్ అయిన జైలర్ ట్రైలర్.. భాషా రేంజ్‌లో ఉండడంతో ఒక్కసారిగా అంచనాలు పెరిగిపోయాయి. జైలర్ కోసం ఈగర్‌గా వెయిట్ చేస్తున్నారు తలైవా ఫ్యాన్స్. రిలీజ్ రోజు అన్ని పనులు పక్కకు పెట్టేసి పండగలా సెలబ్రేట్ చేయడానికి రెడీ అవుతున్నారు. అందుకోసం బడా బడా సంస్థలు తమ ఉద్యోగులకు ఏకంగా సెలవులు కూడా ప్రకటిస్తున్నాయి.
చదవండి: Krrish: హరిహర వీరమల్లుకి బిగ్ షాక్?
జైలర్ రిలీజ్ సందర్భంగా యూనో ఆక్వా కేర్ అనే కంపెనీ తన ఎంప్లాయ్స్‌కు ఆగస్టు 10వ తేదీన సెలవు ప్రకటించింది. చెన్నై, బెంగళూరు, తిరుచ్చి, తిరునల్వేలి, చెంగల్‌పట్టు, మట్టుతావని, అరపాళ్యం, అలగప్పన్ నగర్ బ్రాంచ్‌లకు సెలవు ప్రకటించబోతున్నట్లు ఆ సంస్థ వెల్లడించింది. తమ సంస్థలో పనిచేస్తున్న ఉద్యోగులందరికి ఫ్రీగా టిక్కెట్స్ కూడా ఇవ్వనుంది. ఈ లెక్కన ఇప్పటికీ రజనీ క్రేజ్ ఏ రేంజ్‌లో ఉందో అర్థం చేసుకోవచ్చు. అసలు రజనీకి ప్రపంచమంతటా ఫ్యాన్స్ కాదు భక్తులుంటారు. థియేటర్లోకి వస్తున్నాడంటే.. పండగకు మించిన సెలబ్రేషన్స్ చేస్తుంటారు. జైలర్ విషయంలో ఇదే సీన్ రిపీట్ అవబోతోంది. నెల్సన్‌ కుమార్ దర్శకత్వం వహిస్తున్న ఈ సినిమాలో తమన్నా హీరోయిన్‌గా నటిస్తోంది. అనిరుధ్ మ్యూజిక్ అందించాడు. మరి జైలర్ మూవీతో రజనీ ఎలాంటి విజయాన్ని అందుకుంటాడో చూడాలి.
