ప్రస్తుతం రాఘవ లారెన్స్ చంద్రముఖి సీక్వెల్‌లో నటిస్తున్నాడు. పి. వాసు దర్శకత్వంలో తెరకెక్కుతున్న ఈ సినిమా షూటింగ్‌ శరవేగంగా జరుపుకుంటోంది. ఇందులో చంద్రముఖిగా చందమామ కాజల్ అగర్వాల్ నటిస్తున్నట్టు తెలుస్తోంది. దీంతో పాటు మరికొన్ని సినిమాల్లో నటిస్తున్నాడు లారెన్స్.
అయితే ఇప్పుడు కోలీవుడ్ స్టార్ హీరో కార్తీతో తలపడేందుకు సై అంటున్నాడట లారెన్స్. ఇటీవలె సర్దార్, పొన్నియన్ సెల్వన్ సినిమాలతో బ్లాక్ బస్టర్స్ అందుకున్న కార్తి.. ప్రస్తుతం ‘జపాన్’ అనే సినిమాలో నటిస్తున్నాడు. అలాగే సర్దార్ సీక్వెల్, పొన్నియన్ సెల్వన్ 2 కూడా లైన్లో ఉన్నాయి. ఇక మాసివ్ బ్లాక్ బస్టర్ ఖైదీ2 ఎప్పుడో ప్రకటించారు. మాస్టర్ వంటి బ్లాక్ బస్టర్ తర్వాత..
మరోసారి విజయ్‌తో సినిమా చేస్తున్నాడు దర్శకుడు లోకేష్ కనగరాజ్. ఆ తర్వాత ఖైదీ 2ని సెట్స్ పైకి తీసుకేళ్లనున్నాడు. వచ్చే ఏడాది ఈ ప్రాజెక్ట్ సెట్స్ పైకి వెళ్లనుంది. లేటెస్ట్ అప్టేట్ ప్రకారం.. ఈ మూవీలో విలన్‌గా రాఘవ లారెన్స్ కనిపించనున్నట్లు తెలుస్తోంది. ఇప్పటికే లారెన్స్ అందుకు ఓకే చెప్పినట్టు కోలీవుడ్ వర్గాల సమాచారం.
ఇక ఈ సినిమాకు సంబంధించిన మరో అప్టేట్ కూడా హల్ చల్ చేస్తోంది. కమల్ హాసన్ ‘విక్రమ్’ ఎక్కడ ఆగిందో అక్కడి నుంచి ఖైదీ 2 స్టార్ట్ అవుతుందట. విక్రమ్ మూవీలో విజయ్ సేతుపతి విలన్‌గా నటించగా.. క్లైమాక్స్‌లో సూర్యను మెయిన్‌ విలన్‌గా చూపించాడు లోకేష్.
అలాగే ఖైదీ మూవీలో ఢిల్లి క్యారెక్టర్‌కు లింక్ పెట్టాడు. అందుకే ఈ సారి రోలెక్స్ బ్యాచ్‌లో లారెన్స్ మెయిన్‌ విలన్ అని అంటున్నారు. ఇక ఖైదీ2 తర్వాత విక్రమ్ సీక్వెల్ చేయబోతున్నాడు లోకేష్. ఇలా ఒక్కో సినిమాను లింక్ పెడుతూ సినిమాలు చేయబోతున్నాడు లోకేష్.
