Your heroine is not beautiful.. director gave a shocking answer!
Raghava Lawrence: ఆ మధ్య ఓ తెలుగు సినిమా జర్నలిస్ట్ హీరోయిన్ పుట్టుమచ్చల గురించి అడగడంతో.. అందరూ ఏకిపారేశారు. అతనికి మాత్రం సోషల్ మీడియాలో మంచి పాపులారిటీ వచ్చింది. అప్పటి నుంచి మనోడు ప్రతి సినిమా మీడియా ఇంటరాక్షన్‌లో అడ్డదిడ్డమైన ప్రశ్నలు వేస్తూ.. హాట్ టాపిక్ అవుతున్నాడు. ఇప్పుడు ఓ తమిళ్ రిపోర్టర్‌కు మైండ్ బ్లాంక్ అయ్యేలా చేశాడు దర్శకుడు కార్తిక్ సుబ్బరాజ్. లారెన్స్, ఎస్‌జె సూర్య ప్రధాన పాత్రల్లో జిగర్తండ సీక్వెల్‌గా జిగర్తండ డబుల్ ఎక్స్ సినిమా.. దీపావళి కానుకగా థియేటర్లోకి వచ్చింది. తెలుగులో ఈ సినిమాకు ఆదరణ లేకపోయినా.. తమిళ్‌లో మాత్రం ఓ మోస్తరు విజయాన్ని అందుకుంది.
చదవండి: Telangana బీజేపీకి బిగ్ షాక్..సీనియర్ నేత మొవ్వ సత్యనారాయణ రాజీనామా
రీసెంట్‌గా చెన్నైలో జరిగిన సక్సెస్‌మీట్‌లో హీరోయిన్ అందం గురించి ఓ జర్నలిస్టు ఊహించని ప్రశ్న అడిగాడు. జిగర్తండ డబుల్ ఎక్స్‌లో రాఘవ లారెన్స్ (Raghava Lawrence) సరసన నిమిషా సజయన్ హీరోయిన్‌గా నటించింది. సినిమాలో లారెన్స్‌కి (Lawrence) జోడీగా నిమిషా సజయన్‌ను ఎలా తీసుకున్నారని డైరెక్టర్‌ని అడిగాడు ఒక రిపోర్టర్. ఈ ప్రశ్నకు కార్తీక్ అదిరిపోయే రిప్లే ఇచ్చాడు. నిమిషా ఎందుకు అందంగా లేదు? అని ఎదురు ప్రశ్నించారు. ఇది మీ ఆలోచనా విధానం కావచ్చు, ఎవరైనా అందంగా లేరని ఎలా చెప్పలేరు, ఇది చాలా తప్పుడు ఆలోచన, ఇది దాదాపుగా బాడీ షేమింగ్‌తో సమానమని కార్తీక్ ఆన్సర్ చేశాడు. కార్తీక్ సుబ్బరాజ్ కౌంటర్‌కు చాలా మంది పరిశ్రమ ప్రజలు అభినందిస్తున్నారు. అసలు ఆ జర్నలిస్ట్ అడిగిన ప్రశ్న అర్థం లేనిది అని కామెంట్స్ చేశారు. ఏదేమైనా.. కార్తిక్ మాత్రం అందరి మనసులు గెలుచుకున్నాడు.
