బాలీవుడ్ హీరోలు, హీరోయిన్లు ఏం చేస్తున్నారు? ఎక్కడికి వెళ్తున్నారు? ఎవరు ఎవరితో డేటింగ్ చేస్తున్నారు? రిలీజ్‌కు ముందే ఆ సినిమా హిట్, ఈ సినిమా ఫట్.. ఇలా ఒక్కటని కాదు, ఏది పడితే ట్వీట్స్ చేస్తుంటాడు ఉమైర్ సంధు(Umair Sandhu) అనే వ్యక్తి. ఇతగాడు తనను తాను గత కొన్నేళ్లుగా ఓవర్సీస్ సెన్సార్ మెంబర్ అని, రివ్యూయర్ అని చెప్పుకుంటూ ఉంటాడు ఉమైర్. అందుకే హీరోలు, హీరోయిన్లకు మండిపోయేలా ట్వీట్స్ చేస్తుంటాడు. వాటిని పెద్దగా ఎవ్వరు పట్టించుకోకపోయినా కూడా ఆ ట్వీట్స్ వైరల్ అవుతుంటాయి.
చదవండి: Rajanikanth:’జైలర్’ వస్తున్నాడు..చరిత్రలో తొలిసారి ఒకే టైటిల్‌తో రెండు సినిమాలు
ఒక్క బాలీవుడ్ అనే కాదు సౌత్ హీరోలపై కూడా అతను ఏదో ఒక ట్వీట్ చేస్తుంటాడు. ఆ మధ్య ప్రభాస్-కృతిసనన్‌ని ప్రపోజ్ చేశాడని, ఇద్దరి మధ్య సమ్‌థింగ్ సమ్‌థింగ్ నడుస్తోందని సోషల్ మీడియాలో రాసుకొచ్చాడు. అలాగే బుట్టబొమ్మ పూజాహెగ్డేని కూడా వదల్లేదు. పూజా ఫ్లాప్ బ్యూటీ, ఐరన్ లెగ్ అంటూ ఆ మధ్య ట్వీట్స్ చేశాడు. ఈ ఇద్దరే కాదు చాలామందిపై ఇలాంటి ట్వీట్స్ చేశాడు. కానీ కృతిసనన్, పూజాహెగ్డే మాత్రం అతనికి లీగల్ నోటీసులు పంపించారు. దీన్ని కూడా ఉమైర్ సంధు(Umair Sandhu) ట్టిట్టర్లో షేర్ చేసుకున్నాడు.
చదవండి: Ministro Roja : ఇంటికొచ్చిన రమ్యకృష్ణ కి స్పెషల్ గిఫ్ట్ ఇచ్చిన ఆర్కే రోజా
కృతి సనన్, పూజా హెగ్డే తనకు నోటీసులు పంపించినట్టుగా కామెడీగా ట్వీట్స్ చేశాడు. ప్రస్తుతం ఇవి కూడా వైరల్‌గా మారాయి. అయితే అతడు లండన్‌లో ఉంటున్నాడు. అందుకే ఓవర్సీస్ సెన్సార్ మెంబర్ అని చెబుతుంటాడు. కాబట్టి అతనికి ఎన్ని లీగల్ నోటీసులు పంపించినా ఎలాంటి యాక్షన్ తీసుకోవడానికి కుదరదనే చెప్పాలి. అందుకే ఉమైర్ సంధు(Umair Sandhu) ట్వీట్స్‌కు అడ్డు అదుపు లేదనే చెప్పొచ్చు. ఏదేమైనా ఈయన మాత్రం స్టార్స్ గురించి కాంట్రవర్శీ ట్వీట్స్ చేస్తూ ఫాలోయింగ్ పెంచుకునే పనిలో ఉన్నాడు.
