Pawan Kalyan's key decision.. in two days?
Pawan Kalyan: ఏపి ఎన్నికల్లో జనసేన భారీ విజయాన్ని సొంతం చేసుకుంది. పవన్ డిప్యూటీ సీఎంగా, మంత్రిగా బాధ్యతలు చెపట్టారు. ఇక పై నిత్యం ఏపి ప్రజల మధ్యలోనే ఉండబోతున్నారు. మరి ఇప్పటికే సెట్స్ పై ఉన్న పవన్ సినిమాల పరిస్థితేంటి? అంటే, లేటెస్ట్ న్యూస్ ఒకటి సోషల్ మీడియాలో వైరల్ అవుతోంది. పవన్ లైన్లో పెట్టిన సినిమాల్లో ఓజి, ఉస్తాద్ భగత్ సింగ్, హరిహర వీరమల్లు ఉన్నాయి. ఇప్పటికే ఈ సినిమాలు చాలావరకు షూటింగ్ జరుపుకున్నాయి. ప్రస్తుతం పవన్ కళ్యాణ్ డేట్స్ కోసం వెయిట్ చేస్తున్నారు మేకర్స్. పవన్ కూడా ఈ సినిమాలను వీలైనంత త్వరగా కంప్లీట్ చేయాలని అనుకుంటున్నట్టుగా తెలుస్తోంది. ముందుగా హరిహర వీరమల్లుకి డేట్స్ ఇచ్చే ఛాన్స్ ఉందని అంటున్నారు. ఈ నేపథ్యంలో పవన్ ఒక కీలక నిర్ణయం తీసుకున్నట్టుగా ఓ వార్త వినిపిస్తోంది.
చదవండి:RC 16 రంగం సిద్ధం.. సరికొత్తగా రామ్ చరణ్?
వారంలో రెండు రోజులు షూటింగ్ కోసం కేటాయిస్తానని నిర్మాతలకి మాట ఇచ్చారట పవన్. మిగతా రోజులు ప్రజల మధ్యలో ఉండేలా ప్లాన్ చేసుకుంటున్నట్టుగా సమాచారం. ఇలా అయితే.. ఈ సినిమాల షూటింగ్ ఎప్పుడు కంప్లీట్ అవుతాయి? అనేది చెప్పడం కాస్త కష్టమే. కానీ.. వీలైనంత త్వరగా పవన్ ఈ సినిమాలను కంప్లీట్ చేసే ఛాన్స్ అయితే ఉంది. ఎందుకంటే.. ఆల్మోస్ట్ ఈ సినిమాల షూటింగ్ చివరి దశలో ఉన్నాయి. ముందుగా హరిహర వీరమల్లు పూర్తి చేసి.. ఆ తర్వాత ఓజీ పూర్తి చేయనున్నారట. ఇక ఉస్తాద్ భగత్ సింగ్ షూటింగ్ 2025లోనే ఉండే అవకాశం ఉందంటున్నారు. కానీ వారానికి రెండు రోజులు అంటే.. ఒక్క సినిమా కంప్లీట్ అవడానికి మూడు, నాలుగు నెలల సమయం పట్టేలా ఉంది. మరి ఈ సినిమాలను పవలన్ ఎప్పుడు కంప్లీట్ చేస్తారో చూడాలి.
చదవండి:Kalki: లీకైన కల్కి సెకండ్ ట్రైలర్.. ఫైట్స్ చూస్తే మతిపోతోంది.
