Ooru Peru Bhairavakona: యంగ్ హీరో సందీప్ కిషన్ ఖాతాలో హిట్ పడి చాలా కాలం అయ్యింది. దీంతో లేటెస్ట్ ఫిల్మ్ ‘ఊరు పేరు భైరవకోన’ పై భారీ ఆశలే పెట్టుకున్నాడు సందీప్. పలు వాయిదాల అనంతరం ఈ వారమే థియేటర్లోకి వచ్చింది ఊరు పేరు భైరవకోన. వీఐ ఆనంద్‌ దర్శకత్వం వహించిన ఈ చిత్రంలో కావ్య థాపర్, వర్ష బొల్లమ్మ హీరోయిన్లుగా నటించారు. అనిల్‌ సుంకర సమర్పణలో రాజేశ్‌ దండా ఈ మూవీని నిర్మించారు. ఈ సినిమా పై ఉన్న నమ్మకంతో ఓ రోజు ముందే ప్రీమియర్స్ షోస్ వేశారు మేకర్స్.
ఇది కూడా చూడండి: Cotton Candy: తమిళనాడులో పీచుమిఠాయిపై నిషేధం
ప్రీమియర్స్‌కు కాస్త మిక్స్డ్ రెస్పాన్స్ వచ్చింది. కానీ థియేటర్లోకి వచ్చాక పాజిటివ్ టాక్ సొంతం చేసుకుంది. దీంతో మొదటి రోజు ఊహించని షాకింగ్ ఓపెనింగ్స్ రాబట్టింది ఊరు పేరు భైరవకోన. ఫస్ట్ డే ప్రపంచవ్యాప్తంగా 6 కోట్ల 3 లక్షల రూపాయల గ్రాస్ వచ్చినట్టు మేకర్స్ ప్రకటించారు. సినిమా బడ్జెట్‌తో పోల్చి చూసుకుంటే, మొదటి రోజు ఈ వసూళ్ల మంచి నంబర్ అనే చెప్పాలి. ప్రస్తుతం ఆడియన్స్‌కు ఈ సినిమా తప్ప మరో ఆప్షన్ లేదు. కాబట్టి.. ఈ వీకెండ్ వరకు భైరవకోనకు మంచి వసూళ్లు వచ్చే ఛాన్స్ ఉంది.
ఇది కూడా చూడండి: Vishwak Sen: ‘గామి’ టీజర్ రిలీజ్.. విశ్వక్ సేన్ వల్ల అవుతుందా?
అందుకుతగ్గట్టే బుకింగ్స్ కూడా బాగున్నాయి. 9 కోట్లకు పైగా థియేట్రికల్ బిజినెస్ జరుపుకొని.. పది కోట్ల బ్రేక్ ఈవెన్ టార్గెట్‌తో రిలీజ్ అయిన ఈ సినిమాకు.. ఫస్ట్ డే కలెక్షన్స్.. సెకండ్, థర్డ్ డే బుకింగ్స్ కూడా బాగుండడంతో.. ఇదేం పెద్ద టార్గెట్‌గా కనిపించడం లేదు. మొత్తంగా ఈ సినిమాతో సందీప్ కిషన్ సక్సెస్ ట్రాక్ ఎక్కినట్టే. మరి లాంగ్ రన్‌లో భైరవకోన ఎంత రాబడుతుందో చూడాలి.
